الموضوع: لسه جديد

السلام عليكم ورحمة الله
اخوانى الاعضاء ...
اخوكم لسه جديد نوفى فى المنتدى ده ....
انا اشتريت عربية بولو 2004 سيدان ماشية 125000 كيلو ....
ومعنديش فكرة عن اى حاجة ليها ... سواء قطع غيار .... ميكانيكى .... اعطال شائعة ,,,, وخلافة
فياريت اللى عنده اى معلومة مهما كانت مش مستاهلةبالنسباله ياريت يفيدنى بيها ..... وكنت عايز اعرف اماكن قطع الغيار بتاعتها فى الاسكندرية ومين ميكانيكى بيشتغل فيها ؟؟؟؟؟؟
واسف جدا للاطالة .... ويسعدنى الانضمان لمنتداكم الكريم

المشاركة الأصلية كتبت بواسطة hossamalsadik

اهلا بيك عضو معنا فى المنتدى

فعلا انتا مش موضح المطلوب بالظبط بس هخمن

منقول بقلم المهندس / مجمد سيد
الصيانات بتاعتها تقريبا علي مواعيد ثابتة هقولك الأصول والي احنا بنعمله لطبيعة بلدنا وقيادتنا
1- زيت المحرك : حسب نوعية الزيت
2- فلتر الزيت : كل 3 غيارات او 30 الف ايهما اقرب
3- زيت الفتيس : كل 60,000 او كل سنتين ايهما اقرب
4- زيت الباور : كل 60,000 او كل سنتين ايهما اقرب
5- زيت الفرامل : كل 60,000 او كل سنتين ايهما اقرب
6- سير الكاتينة : كل 60,000 للكتالوج لكن احنا بنقول كل 40,000 (علي فكرة الكتالوج قايل 90,000 لو مشيك كله طوالي)
7- سير الأدارة (الدينمو) : كل 60,000 للكتالوج لكن احنا بنقول كل 40,000
8- فلتر الهوا : كل 60,000 للكتالوج لكن احنا بنقول كل 6 شهور علشان التراب عندنا في مصر
9- فلتر البنزين : كل 30,000 للكتالوج بس احنا بنقول كل 15,000 علشان بنزين بلدنا
10- فلتر الغبار بتاع التكييف : كل 60,000 للكتالوج بس خليها كل صيف احسن
11- بوجيهات : كل 30,000 لل3 شمعة العادي و100,000 لل1 شمعة الأيرديوم
12- سائل التبريد : كل 60,000 او كل سنتين للكتالوج بس يستحسن لو كل صيف (سنوياً)

طبعا مردتش احطلك اللنك لحسن تفكر ان الكلام ده خاص بالسيات فقط ده لاى عربيه
اضيف ان سائل التبريد هيبو او ++g12 عشان تحافظ على طرمبة المايه لزمن طويل ان شاء الله
فلتر الزيت : كل 10000 لما يكون اصلى

وزى ما تفضل الساده الاعضاء المحترمين وافادوك اقرأ فى مواضيع القسم كتير سواء فولكس او سيات وتتعلم حجات كتير

ومبرك العربيه ربنا يبركلك فيها ويديك خرها ويكفيك شرها

ربنا يبارك فيك ياباشا ... على العموم انا وديت العربيه مركز خدمه اسمه عصام بدر هنا فى اسكندرية وهما يشيكوا عليها كلها انشاء الله ... وشكرا على المعلومات