الموضوع: الى وحوش اللوجان

الف مبروك علي العروسة و مبروك الانضمام لمعشر اللوجانوية

1 - افضل ظبط للكاوتش 29 امامي و 32 خلفي .. و انصحك بالنيتروجين طبعا

2 - لو معاك فلوس تقدر تغير الكاوتش ببريدجستون تورانزا يبقي افضل بكتير طبعا من حيث النعومة و الفرامل و فردة البريدجستون مقاس 185 - 65 حوالي 770 جنيه .. أما مقاس 195 - 60 حوالي 720 جنيه .. الفردة الباروم ماتقلش عن 170 جند

3 - ظبط الساعة من الزرار اللي قدام عداد السرعة ( و هو نفس الزرار اللي لو دوست عليه دوسة طويلة يصفرلك عدادات كومبيوتر الرحلات ) بس بصراحة مش فاكر الطريقة لأنى عملتها من الكتالوج اول ماشتريت العربية و ماعملتهاش تانى .. الوحوش هنا يفيدوك

4 - كل شاشة هاتجبلك وظيفة .. المسافة المقطوعة من بداية الرحلة( كم) .. متوسط السرعة (كم /ساعة) .. معدل استهلاك البنزين كذا لتر/ 100 كم .. البنزين المتبقي في التانك يمشيك كام كيلو

5 - أول صيانة بعد 5000 كيلو أو لو استخدامك قليل يبقي بعد 6 شهور ( انا عن نفسي عملت صيانة 5000 بعد 9 شهور عادي أهم حاجة ماتزيدش عن سنة )

6 - كود الكاسيت هاتتصل بالتوكيل 16202 و تديهم رقم الشاسيه يجيبولك كود الكاسيت

7 - العربية مش محتاجة انذار لأن فيها ايموبيلايزر و ده يمنع ان العربية تدور الا بمفتاحها الأصلي لأنه متشفر

8 - لمزيد من الحرص يستحسن ماتقرصش علي العربية في الاول يعنى اول 1000 كيلو ماتزيدش سرعة عن 90 و يفضل بلاش تكيف و الغيار بعد 2.5 او 3 .. بعد كدة براحتك ( انا عن نفسي كنت باشغل التكيف ف الاول عادي )

9 - !!

10 - في بداية التشغيل بيكون شرطتين ومع المشي دقيقتين بيزيد ل 4 شرط و يفضل ثابت علي كدة

11 - النور 3 درجات .. أول تكة نور التابلوه .. تانى تكة النور الواطي .. لو لميت الدراع ناحيتك وانت طافي النور خالص أو وانت في اول تكة ( نور التابلوه ) هاتلاقيه بيروح و يجي معاك وتقدر ترعش .. لو لميت الدراع ناحيتك وانت جايب النور الواطي الدراع هايثبت ع النور العالي

12 - نصيحتين مهمين جدا لسائق اللوجان بالذات : خليك حريص في الملفات السريعة .. يعنى ماتاخدش الملف اكتر من سرعة 100 .. تانى نصيحة وانت بتلف عشان تدخل شارع جانبى أو يو تيرن وسع لنفسك وماتاخدش الملف علي ضيق عشان ماتحكش الرفرف وربنا يوفقك

هاتدب المشوار ع الفاضي