دينمو موسو

**amz2011** · 30-11-2013 01:01 PM

حكيتى مع الدينمو
كنت ماشى فى امان الله فجاة لقيت لمبة البطاريه اللى فى التابلوه نورت
المهم فضلت ماشى لحد لما وصلت الشغل و نزلت جهاز قيلس الفولت و دورت العربيه و خلعت الاوطاشين بتوع البطاريه و العربيه دايره و قست الفولت لقيته صفر طبعا كده الدينمو صفر . المهم رحت سئالت على الدينمو فى التوكيل لقيته 2500 جنيه و مش موجود و هيجى بعد شهر المهم قالولى روح اشترى دينمو من عابدين مستعمل بس المهم انه يكون 80 امبير او 75 امبير المهم روحت اشتريت دينمو مستعمل ماركة بوش بتاع الاوبل موديل 2004 . و ركبناه المشكله ان الار بى ام بتاع العربيه مش شغال عشان الدينمو بتاع العربيه كان خارج منه تلاته طرف و المستعمل اللى انا جبته خارج منه طرفي المهم بقى و السؤال هنا
الكهربائى قالى انه الدينمو الاصلى الكتاوت اللى فيه بايظ و البوبينه بتاعه قاطعه بس لاحظته انه كان عايز ياخد الكتاوت بتاع الدينمو منى .انا عايز اسال هل ينفع اودى الدينمو الاصلى لحد يصلحه؟....

**kokowasfy** · 30-11-2013 01:47 PM

لو انت تقصد عربية سانج يونج موسو اوعى تخلى حد يلعبلك فيها ابداااااااااااا غير التوكيل كلو بيفتى و يبوظ اطلع على التوكيييل و استنا الى ناقصك يبعتو يجيبو العربية دى لو صنيعى افتا فيها مش هتنفع تانى اطلع على التوكيييييييل اسمع من مجرب

**saddam** · 30-11-2013 02:24 PM

صديقي المواطن
طبعا الدينمو بيتصلح وأحسن من اﻹستيراد وعندك شركة ميمي في الجيزة جنب مستشفى أم المصريين ﻹصلاح مارش ودينمو وعندك محمد لطفي أظن ده إسمه في لازوغلي إصلاح وقطع غيار مارش ودينمو وعندك محل قطع غيار خواجة في التقاطع قبل رمسيس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**amz2011** · 30-11-2013 03:08 PM

المشاركة الأصلية كتبت بواسطة saddam

صديقي المواطن
طبعا الدينمو بيتصلح وأحسن من اﻹستيراد وعندك شركة ميمي في الجيزة جنب مستشفى أم المصريين ﻹصلاح مارش ودينمو وعندك محمد لطفي أظن ده إسمه في لازوغلي إصلاح وقطع غيار مارش ودينمو وعندك محل قطع غيار خواجة في التقاطع قبل رمسيس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

حبيب قلبى انت يا استاذ صدام . شكرا على مشاركتك و اسلوبك الراقى

**amz2011** · 30-11-2013 03:10 PM

المشاركة الأصلية كتبت بواسطة kokowasfy

لو انت تقصد عربية سانج يونج موسو اوعى تخلى حد يلعبلك فيها ابداااااااااااا غير التوكيل كلو بيفتى و يبوظ اطلع على التوكيييل و استنا الى ناقصك يبعتو يجيبو العربية دى لو صنيعى افتا فيها مش هتنفع تانى اطلع على التوكيييييييل اسمع من مجرب

هى ياباشا سانج يونج موسو . انتى شكلك مجرب الاعطال بتاعتها . انت جربت تصلحها بره التوكيل و الناس اعدت تفتى برده
ولا ايه؟ . ياريت تقولى المواقف اللى اتعرضتلها مع العربيه و شكرا