الموضوع: بريليانس fsv 2013 زيرو و اتخبطت من ورا ارجو المساعده

سلام عليكم

عربيتى اللى لسه ما كملتش 3000 كيلو اتخبطت و إنا لله و إنا إليه راجعون و الحمد لله على كل حال .


النهارده فيه شخص دخل فى عربيتى من الخلف كسرلى الكصدام الخلفى تماما و جوا الاكصدام فيه فبر أبيض كدا أعتقد أنها حوامل الاكصدام وهما اتنين واحد منهم اتكسر و كمان العتب بتاع الشنطه اللى فيه القفل دخل للأمام حوالى 2 سنتيميتر و منع الشنطه انها تقفل

الأسئله :

1- الاكصدام بكام فى التوكيل و بره التوكيل
2- هل الإكصدام بييجى بالحامل الفبر بتاعه و الا بيتم شراء الحامل لوحده
3- هل الاكصدام هيحتاج رش دوكو لون العربيه ( لو العربيه أسود ) و الا بييجى بلون الفابريكا
4- يا ترى تكلفه تصليح الفدغه اللى فى عتب الشنطه و قفل الشنطه مع تركيب الاكصدام هتكون كام فى التوكيل .. ولو بره التوكيل تكون بكام .. و فين أفضل مكان بره التوكيل يعمل العربيه و يرجعها زى ما كانت و يكون عنده ضمير


أرجو من الاخوه فى المنتدى ألا يبخلوا علينا بالرد فى أقرب وقت


و جزاكم الله خيرا

الاكصدام كامل بالفبر ب 750 ج
والاكصدام هيحتاج رش

شركة ماستر لاستيراد وتجارة قطع غيار السيارات الصينيه
باسعار منافسه وجوده عاليه
المهندس شريف عز الدين
30ش حافظ بدوى -اخر شارع الطيران - بجوار محكمة مدينة نصر -الحى السابع
للاستفتار والاتصال :01019653845 -01006328332 -01210004922 - 02/26712552
ويوجد لدينا فنيين متخصصين فى صيانه البريليانس