ارجو المساعده سياره نيسان سنترا خليجي 2013

**mailotfy** · 23-09-2013 04:01 PM

عندي سياره نيسان سنترا خليجي 2013 تم كسر الزجاج الامامي ومش لاقيه، اعمل ايه ؟ وهل الحل موضوع الاستراد وده يتعمل ازي وهل مكلف ؟؟؟ الرجاء الافاده شكرا

**moumen_hs** · 23-09-2013 04:25 PM

أنزل ش شامبليون كدة ودور ياباشا أنا زمان سمعت أن ممكن الزجاج بيتعمل بس مش عارف المعلومة اكيدة ولا لا

**m_love4me** · 24-09-2013 04:21 AM

اتصلت بشركه دكتور جريش ف العاشر من رمضان
يمكن يطلع عندهم و ربنا يعينك

**mailotfy** · 26-09-2013 06:58 PM

شكرا علي الردو بس مفيش حد يقدر يفدني في الاستيراد منين وازاي ؟

**elostaz13** · 27-09-2013 12:05 AM

السلام عليكم لو سمحت انا عايش في الكويت وعجباني السنترا وحابب اجبها ممكن حضرتك تفدني هي عاملة ايه معاك وبقالك قد ايه راكبها انا اصلي ناوي انزلها بعد كام سنة فهل التوكيل هاينزلها في مصر اصلي خايف من الدوخة على قطع الغيار زي حضرتك كدة فلو ممكن تنصحني اجبها والا بلاش واخبارها ايه معاك في السحب واستهلاك البنزين والتتكييف وقطع الغيار المستهلكة موجودة والا لاء وشكرا

**Youssef.Awad** · 27-09-2013 12:50 PM

حاول تروح مصنع دكتور جريش في العاشر من رمضان وهما يصبولك مكانه بنفس المقاسات وده رقمهم 015410003
بالنسبة للاستيراد ما قدامكش حل غير ان اي حد تعرفه شغال في الخليج ونازل مصر اجازة قريب في العيد مثلا يجيبهولك معاه
لان السنترا موجودة في السعودية وعمان والبحرين والكويت والامارات قطر من كام شهر واكيد ليها قطع غيار هناك
غير كده ما تحاولش.. انا لو كنت نازل قريب كنت جبتهولك معايا
ممكن اسالك عليه هنا بس ابعتلي رقم الشاسيه كامل في رسالة واي زجاج بالظبط واشوف امكانية شحنة وتكلفته كام بالظبط وارد عليك

**Youssef.Awad** · 27-09-2013 12:55 PM

المشاركة الأصلية كتبت بواسطة elostaz13

السلام عليكم لو سمحت انا عايش في الكويت وعجباني السنترا وحابب اجبها ممكن حضرتك تفدني هي عاملة ايه معاك وبقالك قد ايه راكبها انا اصلي ناوي انزلها بعد كام سنة فهل التوكيل هاينزلها في مصر اصلي خايف من الدوخة على قطع الغيار زي حضرتك كدة فلو ممكن تنصحني اجبها والا بلاش واخبارها ايه معاك في السحب واستهلاك البنزين والتتكييف وقطع الغيار المستهلكة موجودة والا لاء وشكرا

هاتها يا باشا وما تقلقش كلها مسالة وقت وتنزل مصر بعد اقل من سنة لانها منافسة جدا للكورولا والسيفيك والالانترا والسيراتو مع فارق الجودة والسعر وسمعة الوكيل لمصلحة نيسان
اذا كان الباثفايندر اللي اخرها تبيع 50-60 عربية في السنة نزلوها مصر مش هاينزلوا السنترا ال1600؟!!!!
اضعف الايمان هاتها واستخدمها سنة سنتين ولو لا قدر الله ما نزلتش مصر بيعها عندك وسوق نيسان في الكويت قوي وبياع ومش هاتخسر حاجة
مع نيسان ما تسالش عن التكييف ابدااااا.. قطع الغيار الميكانيكية والعفشة مشتركة مع التيدا في حاجات كتير لانه نفس الموتور HR16DE ما تقلقش منها خالص.. استهلاك البنزين غالبا هايكون زي التيدا ان ما كانش اقل بسبب اقتصادية الفتيس الcvt اما السحب فممكن تحس انها بطيئة في التسارع بسبب الفتيس الcvt فلازم تجربها الاول قبل الشراء وبالتعود عليه احساسك ده هايختلف معاه لانه افضل مع المواتير الاكبر من 2000 سي سي
نصيحة هات اعلي فئة في ال1600 sv navigation