الموضوع: استشارة لانشط قسم فى المنتدى

المشاركة الأصلية كتبت بواسطة ahmedboshnak

مبدئيا احب اسجل احترامى لمنتدى نايل موتورز وخصوصا قسم نيسان العريقة ...انا متبع القسم من فترة مش طويلة بس فعلن عاجبنى الروح الى بين الاعضاء ...منتهز الفرصة دى عشان اعرض عليكو موضوع اخد رايكو فيه والموضوع بيتقسم لمجموعة نقط

1- انا عمرى ماسوقت عربية مانيول ولم كلمت اوتو ايجيبت عشان احجز عربية نيسان قالى ان المتاح دلوقتى مانيوال لكن الاوتوماتيك لسة قدامك فترة مش اقل من شهرين او اكتر...السؤال هنا اخاطر واجيب المانيول واتعلم عليها ولا ده ممكن يبوظ حاجة فى العربية مع الوضع فى الاعتبار سهولة البيع بعد كدة للمانيول

2-من رايكو ايه احسن اللوان للصنى وهل انتو شايفين الاسود مناسب

3- فى معرض جنب البيت عندنا وكان عندو عربية نيسان صنى الشكل القديم وقولت اتفرج عليها وكانت اكتر حاجة ملاحظها انا الابواب مش بتقفل كلها بسهولة بمعنى انك لو قفلتو براحة بيفضل مردود شوية ولازم ترزعه جامد عشان يقفل!! هل ده طبيعى

اخيرا وليس اخرا بحب اشكر اى حد استفدت منه فى المنتدى وربنا يكملها معانا بالستر

لو عايز خلاصة الكلام: هات صني اوتو ابيض او شامبين الشكل القديم ...وابعد عن الشكل الجديد كله مشاكل...ومتستعجلش

الف شكر ياباشا...انا ان شاء الله ممكن بنسبة 90 فى الميه هجيب مانيوال بس عاوز الاول استفسر هل ان تعليمى على عربية مانيوال ممكن يبوظ حاجة فيها (الاوتو مش فارق معايا اوى عشان انا عايش برة القاهرة ومعنديش ازمة فى الزحمة) وبرده بينى وبينك انا بعد عربيتى الاوبل بقيت بميل للكلاسكية اكتر وعاوز حاجة عملية ومش عاوز تكنولوجيا خالص حتى لو كانت التكنولوجيا تقتصر على الفتيس الاتوماتيك :) شكرا للرد تانى مرة...:)

أنا لسه مبتدئ، بس حاجز نيسان اوتوماتيك ان شاء الله، ومتردد اني اروح استلم بنفسي لا اخبط العربية :d

بص حضرتك ... بالنسبه لموضوع الأبواب .... دى سببها ان الزجاج بتاع الابواب كلها لما بيكون مقفول وانت تيجى تفتح باب وتقفله تانى ده بيخلى شويه هواء موجودين جوه العربيه وبالتالى بيعاكسوا الباب لما تيجى تقفله بالراحه .. وللتأكد .. افتح اى زجاج من الاربعه ولو سنتيميتر واحد وجرب افتح واقفل الباب وهتلاحظ الفرق عشان ساعتها الهواء الداخلى للسياره بيجد منفذ ومخرج ليه من خلال فتحه الزجاج اللى انت فتحتها

المشاركة الأصلية كتبت بواسطة aoqda

أنا لسه مبتدئ، بس حاجز نيسان اوتوماتيك ان شاء الله، ومتردد اني اروح استلم بنفسي لا اخبط العربية :d

الف مبروك ياباشا وربنا يديك خيرها ويكفيك شرها بس حاول تاخد حد معاك بيعرف يسوق وكمان عشان يستلم معاك كويس وتقلب فى العربية كويس انتا هاجز من امتى وهاجز الشكل القديم ولا الجديد وهاجز فين؟....تقبل تحياتى