بعد استشارة الخبرا فى المنتدى اشتريت الملكة93

**seadaelbeda** · 08-10-2010 10:39 PM

الحمد لله انا بعد استشارة اعضاء المنتدى فى التويوتا اشتريت الكورولا 93 اتوماتيك اللون احمر دم الغزال 4 زجاج كهربا وسنتر انذار فبريكة دواخل ورشه جانبين وخلصنا فيها والحمد لله من 50000على 47500 لاننا اتفاجئنا انها مش بور
بس ليا بعض الاسئله لانى طالع من بيجو
اولا الناقل اتوماتيك ايه احسن الطرق للمحافظه عليه
البطاريه جافة احافظ عليهاازاى لان بيقولوا بتخدع وبتبوظ بسرعة وهل بتتشحن ولا لا واعرف منين انها بتبوظ
الكاوتش تيوبلس على فكرة جديد والاستبن منزلش على الارض وجنوط اسبور ايه اللى يفرقة عن الكاوتش التانى فى التصليح وهل مبينمش على طول زى التانى
صوت الماتور خشن شويه اعمل ايه
عاوز اللمع العربيه
الاستهلاك معدله كام عشان اعايرها
اركب بور ولا لا
لو اى نصائح من الاعضاء واسف على الاطاله

**mr_sameh** · 09-10-2010 01:10 AM

المشاركة الأصلية كتبت بواسطة seadaelbeda

الحمد لله انا بعد استشارة اعضاء المنتدى فى التويوتا اشتريت الكورولا 93 اتوماتيك اللون احمر دم الغزال 4 زجاج كهربا وسنتر انذار فبريكة دواخل ورشه جانبين وخلصنا فيها والحمد لله من 50000على 47500 لاننا اتفاجئنا انها مش بور
بس ليا بعض الاسئله لانى طالع من بيجو
اولا الناقل اتوماتيك ايه احسن الطرق للمحافظه عليه
البطاريه جافة احافظ عليهاازاى لان بيقولوا بتخدع وبتبوظ بسرعة وهل بتتشحن ولا لا واعرف منين انها بتبوظ
الكاوتش تيوبلس على فكرة جديد والاستبن منزلش على الارض وجنوط اسبور ايه اللى يفرقة عن الكاوتش التانى فى التصليح وهل مبينمش على طول زى التانى
صوت الماتور خشن شويه اعمل ايه
عاوز اللمع العربيه
الاستهلاك معدله كام عشان اعايرها
اركب بور ولا لا
لو اى نصائح من الاعضاء واسف على الاطاله

الف مبروك وربنا يديك خيرها
بالنسبة للفتيس يفضل انك تغير الزيت بتاعه
وكمان تحاول متعملش كيك داون كتير
بالنسبه للبطارية الجافه ليها بيان يبين الحالة بتاعتها وعموما الجافه مفيهاش مشاكل غير انها لو باظت بتبوظ ممرة واحدة
بالنسبة للموتور غريبة موضوع الصوت الخشن ده عموما غير زيت واعمل صيانه وشوف الفرق

**seadaelbeda** · 09-10-2010 02:50 AM

هو الراجل كان بيمون بنزين 80 يمكن ده اللى مخليه خشن
وبالنسبه للبطاريه ملهاش صيانه او اوديها لكهربائى تشحن ولا صيانتها ازاى عشان متعملش فيا مقلب لان العربيه اتوماتيك ولا اعمل حسابى للظروف ازاى لو عطلت
وتغيير زيت الفتيس كل اد ايه او اشوف انه عاوز يتغير ازاى

**pro_samir** · 09-10-2010 08:55 AM

اولا الناقل اتوماتيك ايه احسن الطرق للمحافظه عليه

غير الزيت ولو في فلتر غيره ، كده كده غيره لأن متضمنش امتي اخر مره اتغير
لما تقف في اشاره او حاجه انقل علي وضع p بلاش تفضل دايس فرامل وانت علي d كتير ده غلط
بلاش طلعات عنيفه كتير

البطاريه جافة احافظ عليهاازاى

ولا حاجه لو نامت اشحنها ولو حصلت تاني يبقي البطاريه بايظه او الدينمو فيه مشكله مش بيشحن والكهربائي يشوفه

الكاوتش تيوبلس على فكرة جديد والاستبن منزلش على الارض وجنوط اسبور ايه اللى يفرقة عن الكاوتش التانى فى التصليح وهل مبينمش على طول زى التانى

الميزه فيه انه لو اتخرم مش بينقص طول مانت ماشي ، اللحام نوعين خوابير و بالمكوه .. بلاش الخوابير

صوت الماتور خشن شويه اعمل ايه

المفروض تغير الزيت بنوع كويس وفلاتر وسيور خصوصا سير الكاتينه ، وخلي الميكانيكي يبصلك علي موضوع الصوت
وطالما ماشيه بنزين 80 كويس يبقي خليك 80 مفيش أي داعي تكلف نفسك الضعف ، اللي عربيته اصلا 92 بيدور ينفع يتحطها 80 ولا لأ علشان فرق الاستهلاك الضعف

عاوز اللمع العربيه

في موضوع بالتفصيل في القسم التعليمي تقريبا ممكن تشوفه

الاستهلاك معدله كام عشان اعايرها

لست أدري

اركب بور ولا لا

اللي قريته هنا انه غالي تقريبا 3000 ج والله اعلم فيه مشاكل ولا لأ ، ممكن حد مجرب يفيدك

**pro_samir** · 09-10-2010 09:06 AM

نسيت اقولك مبروك ربنا يباركلك فيها عربيه جميله ما شاء الله

**د.محمود صلاح** · 09-10-2010 05:24 PM

مبروك العربية .. ان شاء الله تستمتع بيها .

استهلاك البنزين هتعرفه مع الوقت وأفضل طريقة هي تفويلة ثم مشوار محدد ثم تفويله تاني ومعرفة الفرق بين التفويلتين .

شغل المكيف عادي مالوش علاقة بالبنزين ونوعه

**ahmed_soft89** · 24-12-2010 02:58 AM

او عاوز تغير زين الفتيس وده افضل بكتير خليك علي موبيل 90 اتوماتك او اسال واحد بتاع فتيس علي رقم الزيت
وبردوا زي الموتور الموبيل جامد وبيعمل الايام دي 110 ال 3 الف وياريت تغيره علي 2500
اما العربية بصفه عااااامة ممتازة انا معايا 94 تكييف بس والصراحة شغاله تمام

انا استهلاكي للبنزين متوسط الطريق سواء جوه البلد او بره يعني كله علي بعضه حوالي 11.5 للتر يعني تقريبا الصفيحة تعمل معاك في حدود 215 لحد 230 وانته واستعمالك للعلم ده بالتكييف

الباور مش غالي بيكلف تقريبا 1000 جنيه بالتركيب لو استيراد ومنصحكش بيه علشان العربية دي طول ما عفشتها و الزوايا مزبوطة بتكون احسن من الباور

وبالنسبة للتكيف لو العربية التاكيهات مزبوطة شغل التكييف و تقريبا مش هتحس ان العربية اتخنقت ولا حاجه وهتلاقي سحبها حلو غير لما يكون الجو حر اووووي هتلاقيها مكتومه حبيتين

بالنسبة للبنزين لو مزبوطة علي 80 سبيها زي ما هيه بدل ما تروح تزبط الكارباتير وتزبط الكهربا بتاعت المكنه وموواويل

وبالنسبة لاسعار الفلاتر كلها مش بتعدي 50 جنية وانا مبالغ في سعرها شوية ويباني بس مش الاصلي

فعلا الصوت بتاع الموتور هلاقيه كان خشن وفيه طقطه لو الزيت محروووق اوووووي ودي انا جربتها

وان شاء الله العربية تعجبك وربنا يكفيك شرها

انا عربية 1300 كرباتير 4 سلندر فتيس 4 غيار مينوال تكييف فقط خليجي فبريكه بره وجوه عدا الرفرفين اللي ادام العربية الصراحة اكتر من ممتازة بس النصحية مني ليك لو العربية حسيت ان فيها حاجه اعملها علي طول ومتستخصرش فيها قرش علشان لو سبتها بتفتح بوقها اووووووووووووي

انا سبت العربية كان فيها مساعد واحد بايظ خلفي اللي جنبه حصله والسوست ضعفت والكاوتشات اتاكلت غير انها في الثبات بقت زفت

-

الموضوع: بعد استشارة الخبرا فى المنتدى اشتريت الملكة93

LinkBack

أدوات الموضوع

عرض

-

-

-

المواضيع المتشابهه

عاوز رأي الخبرا في شراء جي ام مناسب للسماعة دي

اشتريت بولو عيون 2005 محتاج استشارة خبراء التعديل

الى اهل الخبرا ارجو الافادة

إستفسار جديد جداً من أهل الخبرا في المرور

ارجو المساعدة من الخبرا بسرعة

الكلمات الدلالية لهذا الموضوع

المفضلات

المفضلات

ضوابط المشاركة