تقييم شامل ل نيوأكسنت أتوماتيك 2008

**Bubbles** · 11-11-2008 03:00 PM

المشاركة الأصلية كتبت بواسطة semihuman

طيب بما ان صاحب التقييم كان عنده صني 2004
يقدر يقولنا النيو اكسنت احسن و لا النيسان صني
هل في فرق كبير؟

آسف على التأخير ,, النت كان فاصل كام يوم
حتكلم عاى الفرق عموما بين الصني و الأكسنت
الصني من احلى العربيات الي ركبتها و عمليه بشكل كبير (غسيل و مكوا)
قبل كل شيئ الصني الي معايا عامله 90000 كيلو من سنة 2005 لحد النهارده
غيرت فيها ايه بااترتيب
سيور
تيل امامي عند 75000 (أول تغيير للتيل الأصلي و كان ممكن يمشيني 10000 كمان)
تيل خلفي غند 90000 ("" "" """ "" )

الفرق بقى ان الصني نعومة المحرك افضل بكتير ,,موتور الأكسنت قوي جدا 1.4 كان يبقى كويس عليها لخفت الوزن
نفس الكلام بانسبه للخامات الداخليه مع العلم ان الفرق بسيط جدا لصالح الصني
فيها ايرباج للسائق ,,,,,,,الأكسنت فاضيه
الأتوماتيك في ألأكسنت أكثر سلاسه من الصني
أتوماتيك الصني محتاج وقت عشان تفهمه كويس و تقدر تشد وتجري لأنه بينتش
الصني أوسع و اكثر رحابه و راحه

الفرق في الفلوس مش كبير بس بالنسبالي كان كتير لأني كنت حاطط مبلغ 80000 ألف بس للشراء ف كان صعب اعدي 90000
تاني حاجه كنت قلقان من بصمة العامل المصري في تقفيل الصني.

الخلاصه,,,,
لو تقدر تزود شزيه و تخيب صني توكل على الله
و لكن الأكسنت من أكثر العربيات الي نقدر نقول انها قريبع للياباني
و هيا منتشره بكثره في السعوديه 1.4 سي سي و كمان عند مكاتب التأجير.

**n_nabil76** · 15-11-2008 05:02 PM

الف مبروك على العربية الجديدة وانا نفسي اجيب ماتركس ايه رايك وهل التقفيل التوركي زي الكوري خصوصا من ناحية الموتور والعفشة وقوة التحمل والخامات المستخدمة ؟؟؟؟؟