استفسارت مهمة للنيسان صني

**ihabsamir** · 13-12-2013 12:00 AM

السلام عليكم
أنا إن شاء الله علي وشك سيارة النيسان الشكل الجديد 2014 أولا بعد استخارة المولي فأنا متحمس لها لكن هناك بعض الإستفسارت بعد البحث العميق مع هذا المنتدي المعجزة بارك الله فيكم علي تقدموه من مساعدة التي تستحق أن يدفع لها الثمن .. انتقل إلي الإستفسارات :

1- بعد البحث و سؤال التوكيل و المعارض لاحظت شيء أرجوا تصحيحه لو كان غلط و هو أن السيارة ياباني المحرك العفشة التاكيف الفتيس أما في بقية أعضائها هي مستوردة من الهند . و التقفيل هي مصري و شوية أشياء بسيطة مثل الزجاج و بعض الإسلاك فهي مصري . هل هذا الكلام منضبط ؟

2- قال لي أحدهم أن السيارة كان يوجد بها مشاكل في المساعدين و الطنابير و أن التيل الفرامل كان يصفر و تداركت نيسان الأمر و استبدلوا ل150 عميل كان عندهم المشكلة هذه . السؤال هل تم علاج هذه المشكلة ؟

3- هل ينفع تركيب للسيارة tarcker و بارك سينسور أم لا و ما ثمنه ؟

4- قال لي بعض أصحاب المعارض أنصحك ان لا تسرع عن سرعة 120 حيث ان النثبات يبدأ في الإنهيار ما رأيكم ؟

أعتذر عن كثرة الأسئلة و لكن حتي يطمئن قلبي ...لكم مني جزيل الشكر و الإحترام ...

**medo-312** · 13-12-2013 02:55 AM

بالنسبة لمكونات العربية كلامك صحيح وزيد عليهم تقريبا فرش الصالون مصرى .. بالنسبة لمشكلة التيل تم علاج المشكلة فى الدفعات الجديدة والعربية معايا ولله الحمد اساسا لم اقابل هذه المشكلة .. وحتى ان ظهرت مشكلة التيل او غيرها أطمن معاك توكيل محترم .. بالنسبة للبارك سنسور او غيره ينفع بس فى التوكيل ولو عملت بحث فى المنتدى هاتلاقى حد كان ركبه فى التوكيل وكاتب ثمنه بس للأمانة مش فاكر .. العربية اجمالا صفقة رابحة ونصيحة ماتسيبش نفسك لكلام الناس واستخير ربنا قبل الشراء .. وايا كان اختيارك الف مبروك

**شادى عبدالمنعم** · 13-12-2013 04:13 PM

موفق بإذن الله طبعا مش هقدر اقولك حاجه اكتر من اللى قالهالك استاذ ميدو بالنسبه لسعر السينسور مش هيزيد عن 450 جنيه وعلى فكره السعر ده للسينسور اللى بيركب القشقاى فاكيد الصنى يازيه يا اقل وبالنسبه للثبات كل العربيات اللى فى الفئه السعريه بتاعتها هتﻻقى فيها نفس اللى انت كاتبه . انا مش هعايا صنى بس العربيه شايفها حلوه ومحترمه وماشاء الله تملى العين .