الموضوع: استفسارات بخصوص اللوجان 2014 اوتوماتيك

المشاركة الأصلية كتبت بواسطة محمود يحيى

السلام عليكم ورحمة الله

ارجو من الاخوة الاعضاء ان يقوموا بالاجابه عن بعض الاسئلة عن السيارة اللوجان 2014 اوتوماتيك لاني قررت ان اقوم بشراءها
اولا هل هناك عيوب في الاوتوماتيك ؟
ثانيا هل المتوفر بالفعل موديل 2014 ولا ده 2013 وازاي اعرف افرق مابينهم ؟
ثالثا هل معرض الطارق معرض جيد ولا محمد زكي افضل وهل سعر التوكيل اعلى عشان عربياته فيها abs اللي انا فهمته انه مغليها عن سعر الموزعين المعتمدين حوالي 3 الاف جنيه حد عارف السبب ولا الموزعين بيبيعوا 2013 على انه 2014؟
رابعا ايه اللي الحاجات اللي بستلمها مع العربيه ؟
خامسا تكلفة الترخيص كام؟
سادسا افضل شركة للتامين على العربية وسعرها هيكون كام ونسبة التحمل في حالة السرقة او الخبطات بتكون كام؟
سابعا هل العربية معاها جهاز انذار و لا ايموبلايزر بس ولو لا تركيبه في التوكيل بكام؟
ثامنا افضل مكان لتركيب فرش للعربية فين وسعره النضيف بيكون في حدود كام؟
تاسعا هل الاوتوماتيك راكب فيها نظام عزل للصوت للشبابيك والارضية والماتور كافي ولا بحتاج اركبلها حاجه ثانيه ولو محتاج بكام وفين؟
عاشرا اول صيانه بعد 1000 ولا 5000 ؟
الحادي عشر هل العربية فيها نظام abs لاني مش فاهم يعني ايه بعض العربيات نازله معاها والبعض لا وازاي اعرف اذا كان فيها ولا لا؟
واخيرا انا اسف اني طولت عليكم بس انا محتاج حد يكون لسه شاري او عارف الموضوع ده لان اغلب الاجابات اللي هنا قديمه

السلام عليكم

العربيه معايا من شهر و ممتازه
الموديل حتلاقيه مكتوب في ورق الافراج الجمركي و شهاده بيانات العربيه
العربيه مفيهاش abs
شوف الموزع اللي ترتاح له وخد منه
بتستلم مع العربيه 3 كتيبات و طفايه سجاير وولاعه و اريل و استبن و كوريك و قطره و 2مفتاح واحد بريموت و التاني لا
تكلفه الترخيص حوالي 1500 جنيه 3 سنين
العربيه فيها ايموبلايزر
عزل الصوت للعربيه بعد التجربه شايفه كافي جدا
اول صيانه بعد 5000 كيلو
واي استفسار تحت امرك

مش عارف بس ممكن بعد فتره لما تتأكد العربيه تمام ركبه بره