لمبة الزيت بتنور رغم عدم نقص الزيت

**Yass1986** · 14-12-2013 10:06 PM

السلام عليكم
ظهرت لي مشكلة في لمبة الزيت وهي إنها بقت بتنور رغم إن الزيت منقصش
امبارح مثلاً سافرت بالعربية 100 كيلو واللمبة منورة، وريحت شوية في الطريق وقست الزيت واتأكدت إنه مش ناقص
والنهاردة الصبح اتأكدت برضه إنه مش ناقص وبعدها مشيت شوية بالعربية لقيت لمبة الزيت نورت !
سألت الكهربائي قالي دي حاجة في الترومبة واللي يشوفها الميكانيكي، وبصراحة لسة مروحتش للميكانيكي لإني عارف إن موضوع الترومبة ده قصة كبيرة فقولت أتاكد منكم الأول إذا كنت أروح لميكانيكي ولا أغير الكهربائي
وياترى ايه احتمالات المشكلة دي
وشكرا على المساعدة

**aw2100** · 14-12-2013 10:22 PM

المشاركة الأصلية كتبت بواسطة yass1986

السلام عليكم
ظهرت لي مشكلة في لمبة الزيت وهي إنها بقت بتنور رغم إن الزيت منقصش
امبارح مثلاً سافرت بالعربية 100 كيلو واللمبة منورة، وريحت شوية في الطريق وقست الزيت واتأكدت إنه مش ناقص
والنهاردة الصبح اتأكدت برضه إنه مش ناقص وبعدها مشيت شوية بالعربية لقيت لمبة الزيت نورت !
سألت الكهربائي قالي دي حاجة في الترومبة واللي يشوفها الميكانيكي، وبصراحة لسة مروحتش للميكانيكي لإني عارف إن موضوع الترومبة ده قصة كبيرة فقولت أتاكد منكم الأول إذا كنت أروح لميكانيكي ولا أغير الكهربائي
وياترى ايه احتمالات المشكلة دي
وشكرا على المساعدة

لمبة الزيت نورت ده خطر جدا ماتمشيش بالعربية غير لما تروح للميكانيكى وتراجع على طرمبة الزيت احسن ممكن الموتور يقفش منك او السلامية تتحرق والتكايات تخبط ومش معنى ان الزيت مابينقصش ان الموتور كويس من البيت للميكانيكى ماتمشيش بالعربية و لمبة الزيت منورة وبراحتك !!!

**saddam** · 15-12-2013 12:25 AM

صديقي المواطن
جريمة كبرى.إستعمال السيارة ولمبة الزيت منورة إن تم التأكد إن العطل ليس عيبا في توصيلات ساعة الزيت
وعموما الغالب عندك ضعف في طرمبة الزيت أو.إنسداد في فلتر الزيت أو من كثر عدم إستعمال الفلاش وإستعمال زيوت رديئة ورخيصة كشيل والتعاون وموبيل وفترات طويلة أدى لتكون طبقات من الرواسب واﻷوساخ داخل المحرك مما أدى ﻹنسدادات في المصفى المعدني الصغير لطرمبة الزيت وطبعا هذه المشكلة تظهر لما يتحط زيوت ثقيلة مش خفيفة وتخليقية عشان تسلك المكنة والميكانيكي قولا واحدا لو فك كرتيرات المكنة بتاعتك حيلاقي الوساخة عاملة طبقات في الكرتيرات ومش حيكفيها مرتين فلاش على غيارين زيت نظيف بفلتر جديد وإنت واقف
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

**Yass1986** · 15-12-2013 02:23 PM

المشاركة الأصلية كتبت بواسطة saddam

صديقي المواطن
جريمة كبرى.إستعمال السيارة ولمبة الزيت منورة إن تم التأكد إن العطل ليس عيبا في توصيلات ساعة الزيت
وعموما الغالب عندك ضعف في طرمبة الزيت أو.إنسداد في فلتر الزيت أو من كثر عدم إستعمال الفلاش وإستعمال زيوت رديئة ورخيصة كشيل والتعاون وموبيل وفترات طويلة أدى لتكون طبقات من الرواسب واﻷوساخ داخل المحرك مما أدى ﻹنسدادات في المصفى المعدني الصغير لطرمبة الزيت وطبعا هذه المشكلة تظهر لما يتحط زيوت ثقيلة مش خفيفة وتخليقية عشان تسلك المكنة والميكانيكي قولا واحدا لو فك كرتيرات المكنة بتاعتك حيلاقي الوساخة عاملة طبقات في الكرتيرات ومش حيكفيها مرتين فلاش على غيارين زيت نظيف بفلتر جديد وإنت واقف
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال

شكرا يا أخ صدام
أنا واحد صاحبي وداها للميكانيكي (لإني اضطريت أسافر من غيرها)، واتصل من شوية وقالي نفس كلامك كده تقريبا إن المشكلة إما في ساعة الزيت أو في وجود رواسب أما الموتور نفسه فراجع عليه وقالي مفيهوش مشكلة الحمد لله.
شكرا ليك مرة تانية

**sakr_skoda** · 15-12-2013 04:36 PM

فعلا هى طلومبة الزيت والموضوع مش قصة زى مهو انتا فاهم دا انتا ممكن تغير طلومبة الزيت بنفسك اه والله يدوبك مفتاح 10 بس حتفك الكارتيرة حتلاقى طلومبة الزيت عاملة زى الدش فى نهاية الماسورة 3 كسامير 10 حتفكهم وترطب الجديدة وبالسلامة ركب الكارتيرة واكشف بالمرة على الجوان لو غيرة سهلة والله....

**Yass1986** · 15-12-2013 08:26 PM

طيب سؤال تاني يا جماعة معلش
أنا من أسبوع تقريبا كنت زودت المكنة زيت غير اللي كان فيها بالخطأ (حطيت الاتنين على بعض من غير تغيير القديم) فممكن يكون ده له علاقة بالمشكلة اللي حصلت مع الطرمبة؟

**aw2100** · 15-12-2013 11:11 PM

المشاركة الأصلية كتبت بواسطة yass1986

طيب سؤال تاني يا جماعة معلش
أنا من أسبوع تقريبا كنت زودت المكنة زيت غير اللي كان فيها بالخطأ (حطيت الاتنين على بعض من غير تغيير القديم) فممكن يكون ده له علاقة بالمشكلة اللي حصلت مع الطرمبة؟

ماعتقدش ده يسبب مشكلة غير لو الزيت اللى حطيته قديم منتهى الصلاحية او فية وساخة وبوظ الدنيا بس من الأفضل لو تحب تزود زيت لو الزيت نقص يكون نفس نوع الزيت والتزويد يكون نفس نوع الزيت مش لزيت الموتور بس لزيت الفتيس وزيت الفرامل وحتى مية التبريد نفس النوع !!!

**sakr_skoda** · 16-12-2013 03:54 PM

المشاركة الأصلية كتبت بواسطة yass1986

طيب سؤال تاني يا جماعة معلش
أنا من أسبوع تقريبا كنت زودت المكنة زيت غير اللي كان فيها بالخطأ (حطيت الاتنين على بعض من غير تغيير القديم) فممكن يكون ده له علاقة بالمشكلة اللي حصلت مع الطرمبة؟

انا عن نفسى مابرميش الزيت الخارج من السيارة بدورة تانى لان عربيتى الحمد الله مابتكلش بنزين بس بتاكل زيت!!!!!!!!!!!!!!!! وافتكر حتى لى فيه شوائب فى مصفاه فى نهاية الطلونبه ودى بتبقى المرحلة الاولى لتنقية الزيت قبل دخوله للفلتر........

وعلى فكرة والله لو عندك القليل من الخبرة ممكن تغيرها بنفسك ولو عاوز ممكن اعملك شرح بالصور لتغيير طلومبة الزيت....*