بص المؤشر في البيجو زي دا,,
والعلامة هيا الحتة المشرشرة دي, لازم يكون الزيت ما بينهم,,
أخر الحتة المشرشرة دي من تحت هوا ال min
وطبعاً أولها من فوق يعني أول الشرشرة من ناحية الصباع اللي بتشد منه المقياس هيا ال max
ودي صورة كمان أوضح,
الجزء اللي عال يمين هوا اللي بيكون في قلب الموتور,, وهتلاقيه باين أنه متدرج ومخطط أهو
والجزء اللي عال شمال هوا الصباع اللي بتسحب منه المؤشر.
*ملحوظة: إن المؤشر دا ^^^^^^^ مش بيشير لكل الزيت اللي جوا الموتور,
دا بيشير لنقص كمية 1 لتر فقط,,,,,
يعني لو طلعت المؤشر, ولاقيت الزيت واصل للنص بس علي المؤشر وعربيتك بتاخد 4 لتر زيت,
مش معني كدا إنها ناقصة 2 لتر زيت,,!!
لأ هيبقي معني كدا أنها ناقصة نص لتر زيت بس,,
ودا طبيعي بعد ما تعمل 5 أو 6 ألاف كيلو علي الزيت التخليقي بيتبخر منه شوية.
فأنت أكشف علي الزيت, وطول ما المؤشر عليه زيت متقلقش وأمشي بالعربية عادي ومش هيكون فيه مشاكل إن شاء الله,
ولو الزيت قليل العربية هتطلع لك رسالة oil too low.
بس كدا كدا لازم تكشف عليه كل فترة زيادة أطمئنان في أي عربية, أو قبل السفر.
أنا عن نفسي بكشف عليه كل شهر مرة أو لما بفتكر.
المفضلات