سؤال عاجل بخصوص صوت فى بيجو 301 فى المطبات

**eng_alaaali440** · 19-12-2013 11:39 AM

اتاكد حضرتك اولا" من ضغط الكاوتشات ثم موضوع تربيط العفشة ده طبيعى لآن مع الاستخدام فى مسامير وخصوصا" فى المناطق التى تتحرك بكثرة اثناء السير بالعربية والتربيط مابيكونش كتير لأن الفرق بيكون بسيط بعد التحرك بالعربية . ولكن ضغط الكاوتش هوه المهم حاول تشترى مقاس هواء للكاوتش وتخليه فالعربية دايما" معاك لأن مش فى كل الأوقات المقاس عند محلات الكاوتشات بيكون سليم.وبالتوفيق دائما"

**m.basha** · 19-12-2013 12:57 PM

المشاركة الأصلية كتبت بواسطة eng_alaaali440

اتاكد حضرتك اولا" من ضغط الكاوتشات ثم موضوع تربيط العفشة ده طبيعى لآن مع الاستخدام فى مسامير وخصوصا" فى المناطق التى تتحرك بكثرة اثناء السير بالعربية والتربيط مابيكونش كتير لأن الفرق بيكون بسيط بعد التحرك بالعربية . ولكن ضغط الكاوتش هوه المهم حاول تشترى مقاس هواء للكاوتش وتخليه فالعربية دايما" معاك لأن مش فى كل الأوقات المقاس عند محلات الكاوتشات بيكون سليم.وبالتوفيق دائما"

والله يا باشا الكاوتش لسه ظابطه عند بريدجستون و انا كمان ماليه نيتروجين من اول ما استلمت العربية ممكن فعلا تكون العفشة عايزة تتربط انا حاتابع الصوت كده و اشوف لما ميعاد صيانة ال 2500 كيلو ابقى اقولهم ان شاء الله

**m.basha** · 19-12-2013 01:00 PM

المشاركة الأصلية كتبت بواسطة abohend

إن شاء الله عفشة تتربط و كله يبقى تمام
طمنا بعد صيانة ال2500

ان شاء الله اطمنك بعد الصيانة و انت يا باشا لو عايز تستفسر منى على حاجة قبل الاستلام معاك يا برنس انا عارف ان احنا من اسكندرية زى بعض وربنا معاك لحد ما تستلم على خير

**m.basha** · 19-12-2013 01:03 PM

المشاركة الأصلية كتبت بواسطة akram.gamal

الكلام ده تقوله بعد اول تربيطه للعفشه لكن حاليا هي جيالك من غير تربيط اصلا

طيب ما هو يا اكرم باشا الناس كلها اللى استلمت العربية ماعندهومشى نفس الشكوى مع انت بتقول يعنى ان العفشة بتبقى جايه مش متربطة اصلا ؟

**Akram.Gamal** · 19-12-2013 03:09 PM

المشاركة الأصلية كتبت بواسطة m.basha

طيب ما هو يا اكرم باشا الناس كلها اللى استلمت العربية ماعندهومشى نفس الشكوى مع انت بتقول يعنى ان العفشة بتبقى جايه مش متربطة اصلا ؟

لا ازاي الكلام ده
انا كان عندى نفسى الموضوع و ابراهيم برضو
انت بس ال مش متعود على الصوت ده !!

**amgomaa** · 19-12-2013 04:50 PM

المشاركة الأصلية كتبت بواسطة maio_do

مشيت امبارج فى شوارع بايظة على الاخر وسمعت صوت زنة من الجنب اليمين عند الباب وانا عربيتى 900 كيلو ومستنى الصيانة علشان اشوف فى اية

هو الصوت طالع من العفشه ولا من الباب علشان انا عندي نفس الصوت من الناحيه اليمين بس اعتقد من العفشه

**limo81** · 20-12-2013 03:28 AM

المشاركة الأصلية كتبت بواسطة wella3330

ضبطت ضغط الكاوتش ؟

واذا كان لا , املاه نيتروجين و هيفرق معاك جدا ؟

+11111

**Ahmed Amin** · 30-03-2014 06:03 AM

تربيط عفشة لأن كل العربيات الجديدة الزيرو بيكون معمول لهم بند تربيط عفشة علي صيانة ال 2500 أو ال 1000 كيلو,
لأن العربية بتتقفل كويس في بلدها, بس التربيط والتقريط علي العفشة مش بيتم غير بعد الأستخدام لفترة عشان كدا بيتربط لك علي العفشة في أول صيانة مجانية,
والكلام دا في كل العربيات..

تاني حاجة عشان الطرق بتاعتنا غير أدمية وكلها نقر وحفر,,
وعشان الهوا العادي اللي جوا الكاوتش بيتأثر بدرجة حرارة الجو,,
وبيتمدد مع الحرارة والضغط بيزيد في الأطارات وهتلاقي تهبيد في الحفر والنقر, لأن الفردة بتبقي ناشفة,
وبينكمش مع البرودة,, هتلاقي الفردة مريحة خصوصاً لو فرغت منها شوية هوا في جو كان حر الصبح,,

عشان تتفادي جنون ضغط الهواء دا, هتروح زي الباشا أي توكيل بريدجستون Fit & Fix وهتملي الكاوتش بتاعك نيتروجين وتظبطة علي 30 ل 32
والطريقة الصح أنو يفضي كل الهواء الأول, ويشفط الهوا اللي جوا الكاوتش, بعدين يملي نيتروجين,
http://www.nilemotors.net/Nile/380226-a.html
أماكنهم من هنا,
http://www.nilemotors.net/Nile/369210-301-36.html
أخر حاجة راجع الموضوع دا,

أخر حاجة لو تربيط العفشة,, و ملء الكاوتش بالنيتروجين مجابتش معاك النتيجة المطلوبة,
راجع الرد دا.
http://www.nilemotors.net/Nile/40125...post3875495090