مساعده للاختيار بين New Accent او Gen 2

**Mr_Sheshtawy** · 20-12-2013 11:21 AM

السلام عليكم ورحمه الله

انا ياجماعه لسه جديد في نايل موتورز دي اول مشاركه ليا

وكمان لسه جديد في عالم السيارات .

انا اشتريت عربيه من حوالي7 شهور كده وهى Verna 2008 Half options

وطبعا حدث ولا حرج عن التفقيل المصرى

المهم عشان مطولش عليكم انا كنت عايز اغير العربيه لاني مخنوق جدا من الكماليات اللي فيها

زيرو كماليات

.

المهم انا محتار ما بين جين 2 ونيو اكسنت اوتوماتيك موديل 2008 والسبب هو الاتي

انا كنت بقرا عن الجين 2 مشاركات من 2009 وكان المشكله هى قله توافر قطع الغيار وغلاء اسعارها
وكانت عيوب النيو اكسنت انها مفهاش كل الكماليات وثباتها لايقارن بالجين 2 اما قطع غيارها متوفره

سؤالي كالاتي:

1-عايز اعرف الفرق في اسعار قطع غيار السيارتين ؟
2- توافر قطع الغيار واماكنها ؟
3-مشاكل الجين 2 اللي كانت من 2009 دى انتهت دلوقتي ولا ايه لاني احنا في 2013 واعتقد العربيه انتشرت وقطع غيارها اتوفرت ولا ده مجرد اعتقاد ؟
4-ايهما ترشحوها ليا وانا شايف ان الاتنين سعرهم يترواح ما بين 70000 الي 75000 على كونتكت كارز وياتري السعر ده كويس ولا غالي ؟

أسف للاطاله

**zezmograby** · 20-12-2013 05:16 PM

بص يا سيدي انا معايا النيو الاكسنت 2011خامات فقيرة جدا من جوا تابلوة بلاستيك ردئ
مفهاش فرامل ضعيفة جدا
ماتورها الصراحة اللي موفر جدا في البنزين تانكها 40 لتر ومبيخلصش الماتور صوتة هادئ جدا وبيقفل عدادة بسهولة 200
الثبات لحد 130 مفيش اي مشكلة وهتجبهم وانت دايس ربع الدواسة
العافشة سبور ودا يخليها ناشفة شوية لو اخدت حفرة وانت ماشي بسرعة بطيئة هتحس بدبة لكن بتخليها راسيه علي السرعات العالية
قطع الغيار رخيصة ومتوفرة ولو اتعاملت مع التوكيل مش هتدفع كتير اوي بردو
الجين تو ممكن نقول فئة اعلي شوية ماتور كام برو متميز وكويس جدا والتابلو والصالون انضف
فراملها abs ebd لاتقارن بفرامل الاكسنت
ثباتها حلو اوي
استهلاك البنزين اعلي من الاكسنت بس فرق كبير في السحب والشد لصالح الجين 2
بالنسبه لية الجين 2 احسن بكتيييييررررررر

**Mr_Sheshtawy** · 21-12-2013 11:42 AM

المشاركة الأصلية كتبت بواسطة zezmograby

بص يا سيدي انا معايا النيو الاكسنت 2011خامات فقيرة جدا من جوا تابلوة بلاستيك ردئ
مفهاش فرامل ضعيفة جدا
ماتورها الصراحة اللي موفر جدا في البنزين تانكها 40 لتر ومبيخلصش الماتور صوتة هادئ جدا وبيقفل عدادة بسهولة 200
الثبات لحد 130 مفيش اي مشكلة وهتجبهم وانت دايس ربع الدواسة
العافشة سبور ودا يخليها ناشفة شوية لو اخدت حفرة وانت ماشي بسرعة بطيئة هتحس بدبة لكن بتخليها راسيه علي السرعات العالية
قطع الغيار رخيصة ومتوفرة ولو اتعاملت مع التوكيل مش هتدفع كتير اوي بردو
الجين تو ممكن نقول فئة اعلي شوية ماتور كام برو متميز وكويس جدا والتابلو والصالون انضف
فراملها abs ebd لاتقارن بفرامل الاكسنت
ثباتها حلو اوي
استهلاك البنزين اعلي من الاكسنت بس فرق كبير في السحب والشد لصالح الجين 2
بالنسبه لية الجين 2 احسن بكتيييييررررررر

شكرا يامعلم على مشاركتك انا اصلا بعد اللي بيعمله غبور من انه يخلي الساعه والـ rpm اوبشن في العربيه كرهني في الهيواندي فعشان كده عايز اشتري عربيه تمنها معقول وفيها اوبشن كتير والجين 2 ناس كتير مجمعه انها حلوه بس مشاكلها كما ذكرتها غلاء قطع الغيار وعدم توفرها
فانا عايزك مثلا تقولي اسعار بعض قطع الغيار الاساسيه مثلا بتاعت النيو اكسنت اد ايه واتمني كمان حد معاه جين 2 يقولي برده اسعار قطع غيار القطع الاساسيه للجين 2 وانا اقارن وكمان مشاكل الجين 2 دي من 2009 واحنا اول 2014 اعتقد ان العربيه انتشرت اكتر دلوقتي ولا ايه ؟

**michohat** · 21-12-2013 11:57 AM

تسمحوا لي اتابع الموضوع معاكم لاني مالك جديد لنيو اكسنت 2008 اوتوماتيك
موضوع البنزين بحس استهلاكها عالي او مش بالتوفير اللي كنت متخيله بالمقارنه بعربيتي السابقة ( فيات 131 2 كامه 1600 كانت بتعمل داخل البلد 5 : 6 كيلو في اللتر الواحد) بتعمل داخل البلد 7 : 8 كيلو في اللتر
بالنسبة لقطع الغيار لسه مش عملت ليها اي صيانات بس جبت فوانيس شبورة ب 50 للفانوس بالشبكه بتاعتهم ب 100 صيني

**Mr_Sheshtawy** · 22-12-2013 01:39 PM

المشاركة الأصلية كتبت بواسطة michohat

تسمحوا لي اتابع الموضوع معاكم لاني مالك جديد لنيو اكسنت 2008 اوتوماتيك
موضوع البنزين بحس استهلاكها عالي او مش بالتوفير اللي كنت متخيله بالمقارنه بعربيتي السابقة ( فيات 131 2 كامه 1600 كانت بتعمل داخل البلد 5 : 6 كيلو في اللتر الواحد) بتعمل داخل البلد 7 : 8 كيلو في اللتر
بالنسبة لقطع الغيار لسه مش عملت ليها اي صيانات بس جبت فوانيس شبورة ب 50 للفانوس بالشبكه بتاعتهم ب 100 صيني

تنور يامعلم بس ياريت حد من مالكي الجين 2 يقلنا اي حاجه ويساعدونى