سؤال للاختيار؟

**ahmed** · 18-08-2007 03:18 AM

لو امامك لانسر 2000 كريستاله كامله بس عامله حوالى 110 او120 الف وحالتها حلوة مش متهانه تجيبها
ولا تفكر انك تجيب لانوس مثلا حديثه2001 او 2000 عامله60 الف كيلو
ايهما تختاروا
انا بقول ان 120 الف كيلو كتير على عربيه مستعمله لان العربيه بعد ال 100 الف بتحتاج انك تغير حاجات كتير وعمرها ما بترجع زى الاول
بس برجع واقول دى يابانى يعنى معمرة بس برده بيقف قدامى انها ممكن تفتح بقها كل شويه قلت اسألكم وناخد الاراء

**hazem_khidr** · 18-08-2007 03:32 AM

اكيد اللانسر حتبقي احسن لو زي ما انت بتفقول كده مش متهانه .
يعني انا ممكن استعمل عربيه 200 او 300 الف كيلو ما اغيرش مشاعدين لو محاف علي العربيه و ممكن استعملها 20 الف كيلو اغير فيهم العفشه كلها .
يا صديقي الموتور نفسه ممكن يفوت من واحد عند 10 الاف كيلو و شوفتها بعيني في عربيه هيونداي مكنتش حتي مكمله 2000 كيلو و الوتور انتهي.
ف لو بصينا لعربيه زي ما بتقول مش متهانه و عامله 110 الف كيلو حتبقي احسن طبعاو مفيش حاجه اسمها العربيه بعد ال 100 الف عمرها ما بترجع زي الاول.
الحاله الوحيده اللي العربيه ما بترجعش فيها زي الاول انك تكون لا قدر الله واخد خبطه في الشاسيه او قايم لا قدر الله غير كده اي حاجه ممكن تغيرها و ترجع زي الجديده كمان مش فيها اي مشكله.
اعمل استخاره الاول و اتوكل علي الله يا اخ احمد.

**عزوز** · 19-08-2007 03:15 AM

أنا أفضل اللانسر وقراءة العداد مش مقياس أبدا لتقييم السيارة وخصوصا بعد موضوع اللعب في العدادات والرأي الأول والأخير لحضرتك

**محمدايهاب** · 19-08-2007 03:31 AM

أنا كمان مع اللانسر لأن ذي ما حضرتك قلت ياباني دي نقطة كمان زي ما قالك حازم العربية عمرها الأفتراضي لا يتوقف على العداد باعدين 100 ألف مش كتيير أوي خاصة أن العربية بقالها 8 سنين تقريبا

**ayman_elkholy** · 19-08-2007 03:42 AM

لانسر بإذن الله

**Ahmed Anwer** · 19-08-2007 03:43 AM

لأ طبعا يا استاذ حازم حتي لو العربية معملتش حوادث برده عمرها مبترجع زي الجديدة ، شوف العربية فيها كم جزء و شوف الإحتمالات بقه أنه جزء اللي بيبقي مش مضبوط ،
عموما المستعمل زي البطيخ بس غالبا كله بيبقي أقرع و إن كان فيه الخير مكنش رماه الطير
أصل أنا يا ما غيرت مواتير و عفشات و عملت عمرات و دهنت و سمكرت و مع صنايعة بلدنا عمر ما في حاجة بتضبط فلوس بتضيع علي الأرض و بس
الحالة هيا اللي بتفرق في قرار شراء المستعمل مش العداد و رأيي الشخصي في المستعمل مفيش حاجة اسمها ياباني و كوري بالعكس يمكن الكوري أو الفيات هو الأفضل عشان سعر قطع الغيار و سهولة الصيانة في المرحلة دي من عمر السيارة زي ما كان م/سبعاوي بيقول لما جاب زيرو جاب نيسان صني ياباني و لما جاب مستعمل جاب ريجاتا إلا بقه لو بتبص علي البرستيج