الموضوع: antipolution fault و غياب دوارةلبيجو 406

ودي قطة ميكانيكي كانت بتكشف علي علبة الشكمان وبتقول أنها مية مية.


ولو مش مية مية غيرها عشان موتورك ميسخنش وعشان أستهلاك البنزين هيزيد,
وكمان هتضر الناس اللي هتتنفس من العادم السام اللي بيطلع من الموتور.

المشاركة الأصلية كتبت بواسطة م أحمد

الله ينور عليك يا استاذ أحمد

أنا ملاحظ حاجة فى أول صورة وهى موقع حساس الاكسجين (lampda sensor)عند الدخول فى علبة البيئة فلو دا مسئول عن رسالة الانتيبوليوشن يبقى لسبب من اثنين :

1 :الدخول به نسبة عالية من أول اكسيد الكربون و هو مؤشر لعدم تمام الاحتراق و زى ما انت كنت كاتب فى موضوع مشابه عن الرسالة دى ان السبب بيكون بوجيهات او مشكلة فى الحريق (غير ناضج)

2- انسداد فى الخارج يترتب عليه تراكم الغاز على الحساس ايضا ، و انسداد الخرج بسبب ان علبة البيئة تالفة او المخارج التالية لعلبة البيئة مسدودة هى الاخرى

فى حالة العربية اللى معايا بتاع الشكمان قال ان ممكن تكون العربية راجعة لورا وخبطت فى مقلب زلط ، فالشكمان اتعبى وحصل سدد

برضه المصفاة كانت دايبة تماما نتيجة رزع الزلط فيها مع الصدأ ، فا مش عارف استنتاجى كدا صح و لا ايه خصوصا ان الموديل قريب نسبيا

مش عارف اسنتاجى كدة صح ولا لأ

للاسف الموقع مش قابل رفع الصورة او فى مشكلة كان نفسى اوريك الخيرات اللى طالعةمن الشكمان

أستنتاجك صح وكلامك مظبوط,
والرسالة بتطلع عموماً لو فيه مشكلة نظام الأحتراق جوا المكنة أو العادم من ناحية الشكمان,

يعني ضيف علي كلامك إن ممكن يكون عندك بوجيه ضارب, وعامل misfire في سلندر من السلندرات ودا هتلاقي معاه رعشة ساعات أول ما تدور العربية والرسالة تظهر بعد كدا الرعشة تروح وتبقي العربية كويسة
وممكن يكون فيه مشكلة في الموبينه, أو الرشاشات مسيلة, بس دي أحتمالات بعيدة لو عربيتك محدش بيلعب فيها أو كانت أستعمال مش حد مهمل.

عموماً أنت لو عارف أن فيه مشكلة في الشكمان, وبتقول المصفة كانت دايبة
فانت روح لحد بيفهم وخليه يبص عليها بدل اللي بيقولك ممكن العربية تكون كانت راجعة لورا وخبطت فى مقلب زلط ، فالشكمان اتعبى وحصل سدد.!
أنا مش مقتنع بالكلام دا أوي, لان الزلط مش هيخش في فتحة الشكمان وهيا العربية دايرة وانت بترجع لورا ويوصل لحد علبة البيئة, لأنها بتكون بتطلع عادم فالزلط مش هيعرف يدخل لجوا وهوا فيه هوا طالع,

وممكن تبقي ترفع الصور علي الموقع دا وتحط لنا اللنكات هنا في الموضوع
http://imageshack.us/