electronic fault

**Elsarrawy** · 19-09-2010 09:17 AM

صباح الخير عليكم جميعاً

انهارضه يا جماعة وانا جاي على الشغل وعند الملف بتاع صلاح سالم الثاني وانا جاي من المعادي الي عند الازهر بارك انا متعود اخد الملف دا على 70 كم/س وعلشان بيبقى في منزل قبله فاببقى جاي على سرعة 120-130 كده واهدي لحد ماوصل 70 كم/س واخد المنحنى

المهم كان في عربية قدامي وانا في الملف فبافاديها يمين ببص لاقيت اتوبيس نقل عام واقف في نص الطريق وانا واخد سرعتي تقريباً كانت 110-120

لحظتها طبعاً قمت دايس فامل جامد وسمعت صوت ABS وهو بيشتغل (ودي اول مرة اسمعه واحس بيه بوضوح كده)

المهم الحمد لله فاديت الاوتوبيس وكانت العربية الي قدامي عدت رحت واخد شمال تاني مكانها (الكلام دا بعد سرعتي ما كانت وصلت لـ 15 كم كده والكلام ده كله حصل في ثانية او اثنين بالكتير الحمد لله

بعد كده حسيت بزحلقة بسيطة كده في العجل الأمامي
شويه وبابص لاقيت رسالة electronic fault ولمبة السرفيس منورة ومافيش اي رسايل تانيه ولا لمض منورة غير دول

بركن العربية في باركنج الشركة لاقيت زيت على الاكصدات والكشاف اليمين فعلطول جه في بالي الزحلة الي حصلت في الملف قولت يبقى كان في زيت في الأرض علشان كده الاوتوبيس وقف (بس الزيت نضيف وابيض مش اسود)

المهم قولت اطمن بصيت على العربية واتكدت ان الزيت مش منها الحمد لله لأنه على الاكصدام من بره والكشاف فقط

المشكلة بقى ان انهارضه الأحد فمش هارف اروح فين ابص على الرسالة الي ظهرت دي فانتم ايه رأيكم

انا بشك في EBD بس لو حد عنده معلومه تانيه ياريت يقولي

وألف شكر مقدماً

**Ahmed Selim** · 19-09-2010 09:56 AM

جرب تدور العربية من غير ما تدوس فرامل خالص

لو دارت معاك يبقى مكنة ستوب

لو مدارتش غير لما تدوس فرامل قولنا و نحاول نشوف المشكلة فين.

**Ahmed Selim** · 19-09-2010 11:27 AM

مش محتاجة تصليح
تمنها جديدة من الميكانيكيون العرب فى 2008 كان 150 على ما أذكر.

يعنى برة مش هتعدى ال 100 جم إن شاء الله

**Ahmed Selim** · 19-09-2010 11:30 AM

فكرتنى بعربية تانية منتشرة فى مصر برضه ( بس بدون ذكر أسماء ) و دايماً تتقارن بالميجان.....و هى حلوة بصراحة و أحلى من الميجان فى حاجات معينة......بس مش بذكاء الميجان.

العربية دى لما مكنة الأستوب بتاعتها تبوظ العربية مش بتدور أصلاً.... :)