ازاي ابرمج موتور فرامل اليد في الجراند بيكاسو

**engmfy** · 25-12-2013 11:21 AM

السلام عليكم و رحمة الله وبركاته
الى خبراء الستروين
كان عندي مشكلة في فرامل اليد وبتجيني رساله لل abs في عربيتي الجراند بيكاسو
رحت التوكيل قالولي موتور فرامل اليد
اشتريت الموتور ولما غيرته لقيت الرساله راحت الحمد لله بس فرامل اليد قفشت باستمرار لما سالت قالولي الموتور لازم يتبرمج
لو حد عارف طريقة البرمجة ياريت يساعدني

**rotanamasoud** · 25-12-2013 06:01 PM

هو التوكيل كان بيغير الموتور ليه لما هو مش عارف يبرمجه ارجعله وادخل فيهم شمال

**Migo123** · 30-12-2013 12:45 PM

هو الموتور حضرتك جبته من التوكيل ؟ وسعره كام لو سمحت

**engmfy** · 31-12-2013 09:14 AM

لا انا احت التوكيل قالولي موترو فرامل اليد بايظ وفي التوكيل الموتور ب7800 جنيه غير التركيب رحت الحرفيين جبت الموتور ب 1500 ورجعتلهم بيه علشان يركبوه قالولي لو حاجة ميكانيكية كنا ركبناه لكن بما ان الموتور كهربا فمش هنركبه فركبته بنفسي وتخيلت اني ممكن اعمل ريست للكنترول بتاع الفرامل
المهم انا رحت عند ورشة فيها كمبيوتر اعطال وقلتله برمجلي الموتور فمبرمجه وخد 50 جنيه
فالحمد لله

**Migo123** · 31-12-2013 11:34 AM

الف مبروك على الموتور الجديد و لو ممكن تعرفيني مين في الحرفيين بيبيع قطع غيارها عشان لسه شاري واحده يوزد ومحتاج ادور على شوية حاجات :)

**engmfy** · 01-01-2014 09:29 AM

المشاركة الأصلية كتبت بواسطة migo123

الف مبروك على الموتور الجديد و لو ممكن تعرفيني مين في الحرفيين بيبيع قطع غيارها عشان لسه شاري واحده يوزد ومحتاج ادور على شوية حاجات :)

الله يبارك فيك
اما عن الحرفيين فعندك احسن اسعار فيهم من محل اسمه مؤمن01118366867
كمان فيه ابو رامي 01005004184
وفي الوكالة الحاج اسماعيل شاهين 01008280760

**Migo123** · 02-01-2014 10:41 AM

شكرا جزيلا ... طلع عندي علبة فيوزات بايظة عشان كده كان التوكيل فاصل فيش النور العالي عشان يداري العيب

هنبدأ ندور عليها وربنا يعين

**hegazi_arc** · 28-12-2014 12:49 AM

معلش انا متاخر شويه عن تاريخ الموضوع بس انا لسه حاصلالي المشكله النهارده بتاعت موتور الفرامل لنفس العربيه و التوكيل بيستعبط،الموتور وصل ل 8200 و سعره علي ايباي ممكن يتجاب بالف و ربعمايه،بس انا ممكن اعرف حضرتك جبته منين و ركبته و برمجته فين؟

**engmfy** · 29-12-2014 08:29 AM

المشاركة الأصلية كتبت بواسطة hegazi_arc

معلش انا متاخر شويه عن تاريخ الموضوع بس انا لسه حاصلالي المشكله النهارده بتاعت موتور الفرامل لنفس العربيه و التوكيل بيستعبط،الموتور وصل ل 8200 و سعره علي ايباي ممكن يتجاب بالف و ربعمايه،بس انا ممكن اعرف حضرتك جبته منين و ركبته و برمجته فين؟

أخي المهندس حجازى انا جبته من الحرفيين ب 1700 جنيه بعد اللف والفصال وانا اللى ركبته الا انه ما اشتغلش صح الا لما برمجته عند وشة صيانة عادية جدا بس فيها جهاز اعطال شغال على ستروين ده لاني في الوادي الجديد في الجيزة هيكون الموضوع اسهل كتير خالص لان عندك ناس كتير متخصصه في ستروين امثال امجد ستروين او احمد ندى او العسكري وكلهم في الحرفيين. وارجو انك تكون متاكد ان العيب من الموتور مش من الفيوز الموجود في المجموعة الصغيرة اللي فوق البطارية