موضوع مهم جدا

**وائل مختار** · 27-12-2013 02:39 PM

السلام عليكم
بقالى فتره نفسى اركب برليانس جالينا عجبانى اوى امبارح شوفت اعلان لعربيه على دوبيزل لونها فرانى موديل 2008 ماشيه 24 الف فقط ومطلوب مبدئياً 78 الف روحت شوفتها وبصراحه العربيه من الوهله الاولى ممتازه ووصلت بالسعر مع البائع لغايه 75 الف على اساسا انها فابريكه بالكامل ورشه اكصدامين فقط وانها ملك لواء شرطه من الزمالك حسب بيانات الرخصه وصاحبها مش فاضى يبيعها وعامل للراجل ده توكيل ،،،، المهم اديت الراجل عربون 500 جنيه واتفقنا نتقابل غدا عند بنزينه شل امام سوق السيارات نكشف ونسجل العربيه بعد كده لكن للاسف المهندس اللى بيكشف اكتشف ان العربيه كانت واخده خبطه شديده من قدام وورا والخبطه كانت من وراء شديده اوى لدرجه ان الشاسيه كان معوج كله وتم استعداله ورشه بعد كده ومن قدان نفس الموضوع والعربيه من تحت مصديه بدرجه غريبه ،،،،، الهدف من موضوعى ان احزر الناس من بائع العربيه دى لانه لا يتقى الله ومحترف في الكدب وعلى فكره اسمه جمال وراجل كبير في السن وده لنك الاعلان https://egypt.dubizzle.com/ar/cairo/...WxzZSZwYWdlPTM=

**Ahmed.Essam** · 27-12-2013 02:49 PM

شكرا على التحذير ربنا يسترها معاك ومعانا كلنا

**prince9x** · 28-12-2013 02:07 AM

مستنى إيه من ظابط شرطه ؟؟ حاميها حراميها و هى دى مصر و النهارده هتشوفوا مصر مش بكره

**وائل مختار** · 28-12-2013 06:51 PM

الراجل اللى بيبيع العربيه اسمه جمال ومعاه توكيل من لواء الشرطه صاحب العربيه الاصلى وربنا وحده هو الللى يعلم لواء الشرطه ده مشارك فى الكدب والخداع ده ولا باع العربيه لجمال ربنا وحده الله يعلم ،،، المشكله كلها يا جماعه ان جمال ده كذاب وممكن يلبس العربيه دى لاى حد

**وائل مختار** · 03-01-2014 05:43 AM

بالنسبه للعربيه اللى انا اتكلمت عنها الحمد لله الراجل لغايه دلوقتى ملبسهاش لحد لانه نزل ليها اعلان تانى وده اللنك بتاعه https://egypt.dubizzle.com/ar/cairo/...WxzZSZwYWdlPTE= واى حد بيفكر يشتريها ومش مصدقنى ارجو منه انه يرفعها في بنزينه ويكشف على الشاسيه وهو يتأكد من كلامى اللهم بلغت اللهم فاشهد