موضوع سرقة السيراتو اللي زاد عن الحد (موضوع يجب النقاش فيه)

**hoksha** · 24-04-2011 12:31 AM

السلام عليكم
احنا ملاحظين موضوع سرقة السيراتو ده زاد عن الحد في الفترة اللي فاتت
انا ساكن وفي ضهري القسم وكمان في منطقة فلل يعني البوابين اكتر من اي حد
امبارح الساعة 4.30 باليل اتسرقت عربيتين كيا سيراتو من الفلتين اللي الجانبي
الغريب في الموضوع اني العربيتن كانوا من نفس الفئة ex من غير سنتر
والحمد لله اني عربيتي متسرقتش مع انها كانت قريبة منهم بس انا عربيتي sx كاملة من غير smart key ولا فتحة سقف
دلوقتي احنا عاوزين نعرف ازاي العربيتين اتفتحوا من غير ولا حتى ما يكسروا الازاز وايه الاحتياطات اللي لازم نخدها في الفترة اللي احنا فيها

طيب عموما انا كان عندي فكرتين ونفذت واحدة منها ومتردد في التانية
الفكرة الاولى:
انا نزلت امبارح علطول بعد ما عرفت وركبت انذار في العربية وعلى شنطة العربية (يعني لو فتحت الشنطة من غير ما تكون العبية مفتحوة تعملي فضيحة)
واحلى حاجة اني ركبتة على نفس ريموت العربية من غير اي اضرار
وكلفتني حوالي 200 جنية والانذار spy wear

الفكرة التانية :(اللي خايف انفذها)
عاوز اعمل زرار سري في مكان محدش غيري يعرفة يفصل الكهرباء من الماتور ولازم الزرار يبقى مقفول على تعرف تدور
بس ده محتاج كهربائي يكون كويس علشان ميلعبش كتير

يا ريت اللي عنده فكرة ازاي بتتسرق او افكار لزيادة حماية السيراتو من السرقة يقول
وربنا يحمي عربيتنا كلنا

**aaet1** · 24-04-2011 01:55 AM

أولا ربنا يحفظنا جميعا ويعدى الأيام دى على خير، ثانيا فيه اشاعات بتقول ان العالم دى بتاخد رقم ال vin من على الورقة اللى كلنا نسينها على الازاز اللى الورا وبتطلع على أساسها المفتاح وبالتالى أول خطوة تعملها بصرف النظر عن صحة الاشاعات دى من عدمه انك تخلع الورقة اللى على الازاز

**AHMED1718** · 24-04-2011 02:00 AM

المشاركة الأصلية كتبت بواسطة aaet1

أولا ربنا يحفظنا جميعا ويعدى الأيام دى على خير، ثانيا فيه اشاعات بتقول ان العالم دى بتاخد رقم ال vin من على الورقة اللى كلنا نسينها على الازاز اللى الورا وبتطلع على أساسها المفتاح وبالتالى أول خطوة تعملها بصرف النظر عن صحة الاشاعات دى من عدمه انك تخلع الورقة اللى على الازاز

الكلام ده مش صح

**ابو ليلى** · 24-04-2011 03:59 AM

المشاركة الأصلية كتبت بواسطة hoksha

والحمد لله اني عربيتي متسرقتش مع انها كانت قريبة منهم بس انا عربيتي sx كاملة من غير smart key ولا فتحة سقف

عربية حضرتك فيها ايموبلايزر ؟

وممكن تقرا الموضوع ده ممكن تلاقى فيه بعض الاجابات عن اسالتك
http://www.nilemotors.net/Nile/214029-a.html

المشاركة الأصلية كتبت بواسطة AHMED1718

الكلام ده مش صح

طيب الصح ايه يا احمد ؟

**Arabino** · 24-04-2011 10:00 AM

و الله يا باشا سعتها هتنسا العربيه و اللى جابوا العربيه كمان و هتبص عالحرامى وهوا واقف ادامك و عملها على روحه سعتها هتفكر ف 1000000000 عمليه انتحاريه هههههههههههههههه هوا نفسه هيبتدى يفكر ف الوصيه بتاعته هههههههه