الموضوع: مشكلة فى فتيس اوبل فيكترا 2

كان عندي نفس المشكلة و اتحلت لما غيرت الحساسات الخارجية للفتيس.

و ممكن يكون الزيت وحش .. أو الزيت اتغير و الفلتر وحش .. مبدأيا غير زيت و فلتر و شوف.

الف شكر لكل الزملاء اللى ردو وافادونى
tananybasha
الشرف لى انا انى اعملها عندك
بس احكيلك الموضوع من اولة
العربية دى كنت بشتريها من حوالى 10 ايام ونزلت اخلص فيها يوم الجمعة اللى كان فية ثلوج
وللحظ العربية مكنتش عاوزة تددور وكانت واقفة عند الميكانيكى ( فى عين شمس) طبعا النفس شالت منها وسلام سلام
امبارح كنت فى عين شمس بصلح عربية اكسل ( بعملها عفشة) وصاحب العربية الاوبل جة لان هو نفسة عندة ورشة فرامل جنب بتاع العفشة
لقيت العربية دايرة وزى الفل وكان جاى من بلبيس
الحكاية الرواية قاللى انة اخدها على ونش فى الحرفيين ووداها للشيخ هيثم وغيرلة حساس كرنك ودفع 500 جنية والعربية بقت زى الفل
المهم قلتة خلاص ادهالى اروح اجبلك الفلوس وارجعلك (46500) رحت بيها مدينة بدر حوالى 60 كم
العربية زى الفل مفهاش اى حاجة
وانا راجع لقيت المارش دير مش يبجى
وقفت فى الكمين على طريق السويس حوالى نصف ساعة لقيت العربية وهى على الـ D مش بتتحرك لازم ابطل دقيقتين واعاود المحاولة عشان ترضى تعشق وتاخد النقلة
وفين وفين لما وصلت عين شمس وكنت زقيت العربية حوالى 3 مرات عشان امشى الشارع وكان احساس محبط جدا ازاى اول يوم اشترى العربية وانزل ازوقها وصت العربيات
وخلى بالك انا معاى سبرانزا 516 موديل 2010 عداد 50 الف كيلو ومريحانى فوق الوصف عمرى ما بيجى فى بالى ان عربية تقف منى او يحصلها اى عطل ومرها ما قلت باصلها وبصراحة شيلانى وشيلة عيالى ما بين دروس وتوصيل للمدرسة والجو الاسرى المصرى اللى حضرتك عرفة دة
لكن يظل حب امتلاكى لعربية اوبل يراودنى كل فترة
المنتدى دة انا دائم تصفحة ولو قلت لحضرتك انى بقرا منتدى اوبل من اولة لغاية اخرة كل شهر تقريبا
هواية معرفش او حب لعربية نفسى امتلكها الله اعلم
المهم شور علية وخصوصا ان العربية اللى بشتريها من ناس محترمة فوق الوصف وناس تجار ومعروفين فى السوق
ولما عرضت عليهم المشكلة قالو خد العربية وصلحها وزى ما تصرف نخصم اللى اتصرف من اصل المبلغ 46500
وانا قلتلهم بينى وبينكم ربنا فى اى جنية هاصرفة
صرفت الف صرفت 5000 اللى هاتصرفة بالظبط لحل المشكلة دى هو اللى يتخصم
وروحت وطرحت المشكلة بس متردد اخدها ولا لا
مع العلم مش هابيع الاسبرانزا

المشاركة الأصلية كتبت بواسطة tananybasha

افتيس بالذات فيه اشتغالات كتير
فلازم يكون حد مضمون
دى نصيحتى ليك
عشان لا ضرر ولا ضرار

تمام
لكن حضرتك ما نصحتنيش اخد العربية ولا لا
كل لما اجى اشتريها تعطل
فشكل العربية كدة شكاية وفيها حوارات
العربية فبريكة حوض وقوايم والشنطة فيها بوهيا من عند الفوانيس
راكبلها جنوط بكاوتش جديد زيرو
بطارية زيرو
عدة صوت (ما بفهمش فيهم ) لكن بيقول انها غالية
كاميرا خلفية بشاشة
العربية مشيتها حلوة