سؤال للخبراء فى ميكانيكا السيارات بخصوص 3008

**mmohiey** · 01-01-2014 09:57 PM

السلام عليكم ورحمة الله وبركاته

عندى العربية الصبح اول ما ادورها المكنة تفضل تعلى وتوطى كأنى بكارك لها وانا مش بدوس بنزين خالص

واحد قاللى كده البوجيهات عايزة تتغير

الكلام ده صحيح ولا ايه السبب

علما بأن العربية بيجو 3008 وانا فى السعودية والجو عادى مش برد قوى

افيدونا افادكم الله

**eleanor** · 01-01-2014 10:35 PM

فعلا البوجيهات ممكن تعمل كده هى العربيه ماشيه كام كيلو

**amr elsisi** · 01-01-2014 11:01 PM

صمام الايدل (حساس السلانسية)

**Ahmed Amin** · 02-01-2014 09:18 AM

المشاركة الأصلية كتبت بواسطة mmohiey

السلام عليكم ورحمة الله وبركاته

عندى العربية الصبح اول ما ادورها المكنة تفضل تعلى وتوطى كأنى بكارك لها وانا مش بدوس بنزين خالص

واحد قاللى كده البوجيهات عايزة تتغير

الكلام ده صحيح ولا ايه السبب

علما بأن العربية بيجو 3008 وانا فى السعودية والجو عادى مش برد قوى

افيدونا افادكم الله

لو المكنة بتعلي وتوطي وبتلاقي عداد ال rpm بيعلي ويوطي معاها,,
يبقي دا حساس البوابة, وتبقي تخليهم ينضفو الحساس والبوابة المرة اللي جاية, مش هيحتاج تغير إن شاء الله.

أما لو المكنة بتعلي وتوطي بسرعة وعداد ال rpm مش بيعلي ويوطي معاها,
تبقي بوجيهات وفي الغالب بيكون واحد بس اللي بايظ, ومش بيعمل أشعال في سلندر من الأربعة في الوقت المظبوط فالموتو هيبرجل منك شوية والمكنة تحس أنها متلتة كدا وبعدها بشوية هيشتغلو الأربعة عادي,
بس هتعمل حسابك تغير طقم بوجيهات.

**Ahmed Amin** · 03-01-2014 09:04 AM

المشاركة الأصلية كتبت بواسطة mmohiey

شكرا لكل اللى ردوا

هى العربية عاملة 19 الف كيلو تقريبا وهاروح صيانة العشرين الف قريب مش هالعب فيها بره ااتوكيل

وهى المكنة وال rpm بيعلوا ويوطوا سوا

بس انا كنت عايز اعرف ايه ممكن يكون السبب واقولهم ايه فى الصيانة

هو الكمبيوتر اكيد هايكتش لو فى مشكلة الحساسات او البوجيهات او كده مش كده؟

وشكرا مرة اخرى

كدا هيبقي السبب هوا حساس البوابة لو المكنة وال RPM بيعلو ويوطو مع بعض,
لو كانت مشكلتك بنفس الشكل دا, Normal TPS voltage, bad idle - YouTube

أما لو كان ال RPM بيعلي ويوطي بشكل أسرع ومش بطئ زي اللي في الفيديو وبيرعش بسرعة هتبقي بوجيهات,,

وهتقولهم في الصيانة علي العيب, هتوصفه لهم المشكلة عادي زي ما حصل
وتقولهم دا عيب حساس البوابة وتطلب تنضيف البوابة مع تغير الحساس عشان توفر علي نفسك وقت,,

والكمبيوتر فعلاً بيتكشف العيب وبيسجله,
ولما تروح المفروض بيكشفو علي الكمبيوتر الأول عشان يشوفو لو مسجل أخطاء,, ولو كانت من الحساس هيبان.
ولو كانت من البوجيهات هيبقي مسجل برضه إن فيه misfire في سلندر من الأربعة وهيحدد أنهي واحد من الأربع سلندرات, وساعتها ممكن تغير بوجيه واحد بس اللي باظ,
أو بتغير الطقم كله عشان تاخد أداء أحسن من 4 جداد.

وطالماً عربيتك في الضمان, فالحاجة دي هتتعمل عليهم,
وأبقي عرفنا عملت أيه,

**Ahmed Amin** · 03-01-2014 10:26 PM

المشاركة الأصلية كتبت بواسطة mmohiey

شكرا استاذ احمد امين

هى فعلا بتعمل زى اللى فى الفيديو بس عندى بتعلى لمستوى واحد.......اللى فى الفيديو جت فى مرة عليت زيادة انا عندى ﻷ....لكن بنفس السرعة

الشكر لله,, وهيا نفس الفيديو مفيش فرق.
لو فتحت الفيديو وركزت فيه تاني, هتلاقي لما العربية عليت زيادة كان هوا داس لها بنزين زيادة,,
وعمل كدا عشان يجرب ويشوف لو داس لها بنزين جامد شوية وساب هتتظبط ولا لأ,,
ولما شال رجله من علي البنزين رجعت وعملتها تاني,,

المشاركة الأصلية كتبت بواسطة mmohiey

المشكلة هنا فى السعودية زى ماقلتلكم فى موضوعى اللى فات بتاع مؤشر الحرارة ان الصيانة مش بيفهموا بيفضلوا يجربوا لحد مايكتشفوا العيب من ايه

علشان كده كنت عايز اخد خلفية عن ممكن يكون ايه السبب واوفر عليهم هههههه

والسبب كده ممكن يكون واضح وهانشوف ان شاء الله لما اروح الصيانة هيعملوا ايه وهابقى اقولكم

ماهو عشان كدا انا قلت لك في ردي اللي فات , هتوصفه لهم المشكلة عادي زي ما حصلت,,
وتقولهم دا عيب حساس البوابة وتطلب تنضيف البوابة مع تغير الحساس عشان توفر علي نفسك وقت,,

وبس كدا أبقي طمنا عملت أيه لما تروح لهم.