هااستلم صنى بكره ان شاء الله

**ibrahimsaad** · 02-01-2014 07:45 PM

كنت حاجز فى المصريه الاسبوع اللى فات ولم استلم حتى الان فرحت سحبت الحجز النهارده وحجزت من عند اباظه اوتوتريد فرع كفرالشيخ لقيت عنده واحده بس ذهبى فدفعت الف جنيه وهاستلم بكره ان شاء الله بعد المعاينه ودفع باقى المبلغ اللى هو 114 الف بس لاحظت انه بيقول ان الورق هياخد حوالى 4 ايام لان لازم يروح مصر ويعتمد وحاجه زى كده وانا كنت فاكر انى هاخد الورق مع العربيه واروح ارخص
حاجه كمان قال لى بكره الجمعه مفيش خزنه فلو دفعت 25% من ثمن العربيه يدينى مبايعه او وصل حاجه زى كده بحيث يبعت ايميل للشركه النهارده انهم يبداو تجهيز الورق بدل يوم السبت

فانا فكرت كده وقلت بلاش افرض العربيه طلع فيها عيب بقت بتاعتى لانها برقم شاسيه

فهل كده صح ولا ايه وتنصحونى بايه لما اروح استلم وايه حكايه الورق ده انا اول مره اشترى زيرو وخايف

**mshmshm3** · 02-01-2014 09:01 PM

مايبقاش ابنك علي كتفك و ترجع تدور عليه
يجي الورق كله ادفع الفلوس و خد عربيتك
لكن اصل الورق جي بكرة و اصل لسة كام يوم بلاش احسن
عشان ممكن الورق جي بكرة دي الورق يجي بعد شهر او شهرين
الاحتياط واجب بردو

**mhkorayem** · 03-01-2014 01:38 AM

المشاركة الأصلية كتبت بواسطة mshmshm3

مايبقاش ابنك علي كتفك و ترجع تدور عليه
يجي الورق كله ادفع الفلوس و خد عربيتك
لكن اصل الورق جي بكرة و اصل لسة كام يوم بلاش احسن
عشان ممكن الورق جي بكرة دي الورق يجي بعد شهر او شهرين
الاحتياط واجب بردو

اعتقد مفيش حاجه اسمها ييجي الورق وبعدين ادفع لان اللي انا فاهمه ان الورق بييجي باسم المشتري زي نقل ملكية او حاجه كده فلازم المعرض ياخد فلوسه الاول عشان يعمل الورق باسمك في المرور وبعد كده تاخد انت الورق ده وتطلع بيه على المرور التابع ليك عشان ترخص

**شادى عبدالمنعم** · 03-01-2014 01:54 AM

المشاركة الأصلية كتبت بواسطة mhkorayem

اعتقد مفيش حاجه اسمها ييجي الورق وبعدين ادفع لان اللي انا فاهمه ان الورق بييجي باسم المشتري زي نقل ملكية او حاجه كده فلازم المعرض ياخد فلوسه الاول عشان يعمل الورق باسمك في المرور وبعد كده تاخد انت الورق ده وتطلع بيه على المرور التابع ليك عشان ترخص

على فكره انا استلمت عربيتى من اوتو ايجبت تقسيط بنك ويوم الاستﻻم رحت وعاينت وكان الورق كله جاهز على اﻻستﻻم .

**hossam_elwani** · 03-01-2014 02:17 AM

موضوع تاخير تسليم الورق ده عادى جدا وثقتك بتعتمد على الى بتشترى منه فقط ﻻغير انا منصور عمل معاياكده عادى واستلمت الورق ببعد ايبوع

**ibrahimsaad** · 03-01-2014 09:52 AM

المشاركة الأصلية كتبت بواسطة mhkorayem

اعتقد مفيش حاجه اسمها ييجي الورق وبعدين ادفع لان اللي انا فاهمه ان الورق بييجي باسم المشتري زي نقل ملكية او حاجه كده فلازم المعرض ياخد فلوسه الاول عشان يعمل الورق باسمك في المرور وبعد كده تاخد انت الورق ده وتطلع بيه على المرور التابع ليك عشان ترخص

اعتقد هو قال لى حاجه زى كده قال ان العربيه مش معروف مين اللى هيشتريها علشان كده لازم الورق يطلع باسمه من هناك

**ibrahimsaad** · 03-01-2014 09:54 AM

هو قال لى كمان ان هاخد منهم تصريح من المعرض امشى بيه لحد اقصى اسبوع دداخل المدينه على ماالورق يجى

**mshmshm3** · 03-01-2014 05:39 PM

المشاركة الأصلية كتبت بواسطة mhkorayem

اعتقد مفيش حاجه اسمها ييجي الورق وبعدين ادفع لان اللي انا فاهمه ان الورق بييجي باسم المشتري زي نقل ملكية او حاجه كده فلازم المعرض ياخد فلوسه الاول عشان يعمل الورق باسمك في المرور وبعد كده تاخد انت الورق ده وتطلع بيه على المرور التابع ليك عشان ترخص

لما جيت اشتري الفيرنا دفعت اقل من نص تمنها و الباقي ساعة الاستلام و الورق كان جاهز و كن جايبها من غبور مش من معرض
يمكن بتختلف في المعارض

**Ahmed482** · 03-01-2014 05:40 PM

المشاركة الأصلية كتبت بواسطة ibrahimsaad

هو قال لى كمان ان هاخد منهم تصريح من المعرض امشى بيه لحد اقصى اسبوع دداخل المدينه على ماالورق يجى

أنا حصل معايا نفس الكلام، بس أنا اشتريت من موزع معتمد استلمت العربية ومعاها محضر استلام هي ورقه فيها رقم الشاسيه والموتور ووصف العربية والورق أستلمته بعدها بيومين ورخصت العربيه

**Yousef.Kamel** · 03-01-2014 11:34 PM

الورق بعد الدفع لانه هايطلع باسمك من الشركه اﻻم بعد معرضك يدفع تمن السياره

الموضوع: هااستلم صنى بكره ان شاء الله

LinkBack

أدوات الموضوع

عرض

هااستلم صنى بكره ان شاء الله - انشر الموضوع فى :

-

-

-

-

-

-

المواضيع المتشابهه

نازل بكره السوق ان شاء الله ..؟

إن شاء الله هستلم بكره بما تنصحوني

إن شاء الله هنزل أشترى الـ ex بكره

رايح أستلم بكره إن شاء الله

الكلمات الدلالية لهذا الموضوع

المفضلات

المفضلات

ضوابط المشاركة