إن شاء الله هستلم بكره بما تنصحوني

**Ahmedelsawy** · 23-07-2011 09:45 AM

إن شاء الله هستلم بكره لوجان الفول من محمد زكي
لو حد عنده نصائح بخصوص الأستلام أكون شاكر ليه جدا
وبالنسبة للترخيص ( علشان دي أول عربية ليه ) الراجل قالي هتسيب 100 جنية علشان شهادة البيانات و بعدين هيكلموني علشان استلمها مع بقيت الورق علشان أرخص . هل ممكن يأخروا الورق؟ يعني يستنوا لما مثلا عدد كبير من الشحنة يتباع علشان يخلصوا الورق مرة واحدة و خصوصا انهم هيكونوا خدوا فلوسهم

**Xlance2010** · 23-07-2011 11:27 AM

الاخ الفاضل احمد الصاوى

اولا الف الف مبروك للوجانتك الجديدة وربنا يبارك لك فيها ويرزقك خيرها ويكفيك شرها
ثانيا بخصوص الاستلام فارجو مراجعة السيارة جيدا والتأكد من خلو هيكلها الخارجى من اى خبطة او حكة او عيب فى الصاج او الاكسدامات ، وبالنسبة للصالون تأكد من وجود عدد 1 كتالوج + دفتر الضمان + 1 مفتاح عجل + 1 كوريك + عدد 1 استبن + 1 قاطرة سحب + 1 طفاية سجاير + 1 ولاعة سجائر ، كما انصح بالتأكد من عمل وحدات رفع الزجاج بكفاءة وكذلك تكييف السيارة ، كما ارجو مراجعة انوار الابواب والتأكد انها تعمل بسهولة وسلاسة بدون اى مشاكل
ثالثا يفضل تجهيز طقم دواسات سيارة - حيث ان السيارة ليس بها دواسات - وكذلك غطاء قماش للسيارة وهى يناسبها اى غطاء مقاس متوسط - ميديم - فعن تجربة شخصية الغطاء يحمى السيارة من الداخل والخارج
رابعا : بعد الاستلام عليك اولا بمراجعة ضغط هواء الاطارات ويفضل اعادة ملء الاطارات بغاز النيتروجين ويتكلف من 20 - 40 جنيه حسب المكان
خامسا وبخصوص الترخيص فاطمئن الموضوع لايتأخر كثيرا ولكن ذلك حسب الضغط على الوكيل او مندوب المرور

وفى النهاية مرة اخرى الف مبروك واختيارك موفق ان شاء الله
ولك ارق تحياتى

**Abdm** · 23-07-2011 11:47 AM

حضرتك دة أحسن موضوع لللآستلام الجيد وموجود فى قسم النيسان للأستاذ أحمد مصطفى

http://www.nilemotors.net/Nile/21240...post3873413272

بالنسبة لموضوع الورق هو ممكن يأخذ يومين ثلاثة بالكتير قوى وهما مش هيجموعوا كمية ولا حاجة هما بيخلصوا أو بأول ما تقلقش
ومحمد ذكى ناس محترمة وملتزمة بكلامهم

والله الموفق والمستعان

**mo7amed_omara** · 23-07-2011 07:10 PM

انت دفعت ثمن العربية ولا حتدفع يوم الاستلام؟؟
انا التوكيل بيقولى تعالى ادفع ثمن العربية كلة وبعدين حيسلمنى

**ehab_11_22** · 23-07-2011 08:53 PM

الف الف مبروك وياريت فعلا تقرا اللينك اللى أخونا abdm حطهولك فوق وأن شاء الله ربنا يباركلك فى سيارتك ويحفظك

**Ahmedelsawy** · 23-07-2011 09:15 PM

المشاركة الأصلية كتبت بواسطة mo7amed_omara

انت دفعت ثمن العربية ولا حتدفع يوم الاستلام؟؟
انا التوكيل بيقولى تعالى ادفع ثمن العربية كلة وبعدين حيسلمنى

أنا دفعت 1000 جنيه مقدم حجز و الباقي عند الأستلام
بالنسبة للتوكيل هيبقى فيه تأخير كتير في الأستلام ( من جوه التوكيل قالي في اول شهر 6 هتستلم في النص التاني من 8 )
لكن محمد زكي حجزت يوم 5-7-2011 و قالي التسليم 25-7-2011

**MOUSTAFA_SAAD** · 23-07-2011 11:45 PM

ربنا يبارك لك فيها و يديك خيرها ويكفيك شرها

**ehab_11_22** · 24-07-2011 01:48 AM

المشاركة الأصلية كتبت بواسطة ahmedelsawy

أنا دفعت 1000 جنيه مقدم حجز و الباقي عند الأستلام
بالنسبة للتوكيل هيبقى فيه تأخير كتير في الأستلام ( من جوه التوكيل قالي في اول شهر 6 هتستلم في النص التاني من 8 )
لكن محمد زكي حجزت يوم 5-7-2011 و قالي التسليم 25-7-2011

طيب حضرتك هل فى فرق بين سعر الوكيل وسعر معرض محمد زكى ؟؟

**Ahmedelsawy** · 31-07-2011 03:03 PM

المشاركة الأصلية كتبت بواسطة ehab_11_22

طيب حضرتك هل فى فرق بين سعر الوكيل وسعر معرض محمد زكى ؟؟

أعتذر عن التأخير في الرد لظروف خارجة عن إرادتي
بالنسبة للسعر : السعر واحد 70 ألف بس الفرق في وقت التسليم التوكيل بياخد وفت طويل لكن محمد زكي في حدود 15-20 يوم.

و الحمد لله أنا إستلمت العربية من محمد زكي في ميعادها و نصيحتي لأي حد هيستلم تكون عينه في وسط راسه و يكون معاه أي حد من أصحابه أو أكتر علشان البياع عايز يخلص و يسلم بسرعة و مش هيسيبك تفلي العربية بالساهل بمنعى مثلا : هتيجي تقوله أجرب التكييف هيقولك العربية ما فيهاش بنزين و من هذا القبيل .
بالنسبة ليه أنا غيرت العربية اللي كانوا جايبنها ليه علشان استلمها لأنها كانت ناقصة مياه الردياتير و يقولي روح التوكيل

قولتله مش مستلم مهما حصل لغاية ما راح جاب عربيه تانية.

بالنسبة للترخيص انا رخصت إمبارح و كانت التكلفة كالتالي :
15 : نموذج فحص
121 : طفاية
319 : تامين إجباري
867.5 : ضريبة ( 3 سنوات )
10 : لزوم البصمة و تركيب النمر

لغاية دلوقتي ما جربتش العربية يدوبك مشوار محمد زكي للبيت و بعدين مشوار المرور و إن شاء قريب هيبتدي الأستهلاك بس من تجربة العربية في حوالي 150 ك :
1- هزة دواسة البنزين موجودة بس بصراحة مش مأثرة معايا
2- بالنسبة للتكييف انا سمعت أراء الناس و شغلته على أول درجة تبريد لقيته شويه يطلع هوا ساقع و شويه احس ان المروحة هيه اللي شغالة بس هل ده معناه انه مشحون زيادة و هحتاج اورح التوكيل علشان يتضبط و إن كان و لابد هل حد جرب مركز خدمة عثمان موتورز الي في فيصل في ضبط التكييف و الا هضطر اروح التوكيل

أسف ان كنت طولت عليكم بس ده من عشمي فيكم اني هلاقي أفضل نصيحة

**ehab_11_22** · 31-07-2011 03:40 PM

المشاركة الأصلية كتبت بواسطة ahmedelsawy

أعتذر عن التأخير في الرد لظروف خارجة عن إرادتي
بالنسبة للسعر : السعر واحد 70 ألف بس الفرق في وقت التسليم التوكيل بياخد وفت طويل لكن محمد زكي في حدود 15-20 يوم.

و الحمد لله أنا إستلمت العربية من محمد زكي في ميعادها و نصيحتي لأي حد هيستلم تكون عينه في وسط راسه و يكون معاه أي حد من أصحابه أو أكتر علشان البياع عايز يخلص و يسلم بسرعة و مش هيسيبك تفلي العربية بالساهل بمنعى مثلا : هتيجي تقوله أجرب التكييف هيقولك العربية ما فيهاش بنزين و من هذا القبيل .
بالنسبة ليه أنا غيرت العربية اللي كانوا جايبنها ليه علشان استلمها لأنها كانت ناقصة مياه الردياتير و يقولي روح التوكيل

قولتله مش مستلم مهما حصل لغاية ما راح جاب عربيه تانية.

بالنسبة للترخيص انا رخصت إمبارح و كانت التكلفة كالتالي :
15 : نموذج فحص
121 : طفاية
319 : تامين إجباري
867.5 : ضريبة ( 3 سنوات )
10 : لزوم البصمة و تركيب النمر

لغاية دلوقتي ما جربتش العربية يدوبك مشوار محمد زكي للبيت و بعدين مشوار المرور و إن شاء قريب هيبتدي الأستهلاك بس من تجربة العربية في حوالي 150 ك :
1- هزة دواسة البنزين موجودة بس بصراحة مش مأثرة معايا
2- بالنسبة للتكييف انا سمعت أراء الناس و شغلته على أول درجة تبريد لقيته شويه يطلع هوا ساقع و شويه احس ان المروحة هيه اللي شغالة بس هل ده معناه انه مشحون زيادة و هحتاج اورح التوكيل علشان يتضبط و إن كان و لابد هل حد جرب مركز خدمة عثمان موتورز الي في فيصل في ضبط التكييف و الا هضطر اروح التوكيل

أسف ان كنت طولت عليكم بس ده من عشمي فيكم اني هلاقي أفضل نصيحة

الف الف مبروك عليك

وربنا يباركلك فيها

بجد تحياتى ليك على تصميمك بتغيير السيارة وأخد حقك

للأسف مش هاقدر أفيدك بالنسبة للنقط الى حضرتك أتكلمت فيها لانى مش من ملاك السيارة وبالتوفيق دائما أن شاء الله

الموضوع: إن شاء الله هستلم بكره بما تنصحوني

LinkBack

أدوات الموضوع

عرض

-

-

-

-

-

المواضيع المتشابهه

هستلم السيراتو 2011 بكره ان شاء الله

هستلم لوجى بكره ان شاء الله....ادعولى

هستلم الساجا بكره ان شاء الله , و عايز مساعدتكم

هستلم بكره باذن الله

هستلم اللوجان بعد بكره إن شاء الله ارجو النصيحه

الكلمات الدلالية لهذا الموضوع

المفضلات

المفضلات

ضوابط المشاركة