...:: مشكلة حصلت ف كرولا 2014 وكيفية علاجها :::...

**abofandy** · 03-01-2014 08:18 PM

بسم الله الرحمن الرحيم

كل عام والامة الاسلامية بخير
عام جديد ... وان شاء بالخير شهيد
يفرحنى تجمعنا .. ويجزنى خبر ارتفاع سعر الكورولا

اليوم حدثت معى مشكلة افزعتنى
التفاصيل :
بعد الجو الشاتى وظروف الطرق الطينية
قولت النهاردة الجمعة واجازة اية المشكلة نروح نغسل العربية فى مغسلة محترمة
ونجيبلها معطر ونعملها دور واجب كدة
وقد كان بعد ما دخلت المغسلة وبدات تتغسل وانا واخدلى جنب
وفتحت الكابوت وبدا ينظف بالهواء ونظف العمة ونفضها كويس ومخلتوش يغسل المكنة
كنت انا اشتريت الفوم بتاع الفيبر علشان انظف التابلو لان كان علية كمية تراب كتيرة

انتهى الغسيل والتنشيف وبدات ادور العربية ظهرت المشكلة وهى

كما وضحت الصورة السابقة ان هناك خلل ف المحرك او الكابح وكمان خاصية منع الانزلاق منورة
يبقى هناك خلل ما حدث
بطلت العربية ودورتها اكتر من مرة وما زالت المشكلة قائمة
قولت بردة العربية لسة مسخنتش .. سيبها تسخن شوية ومازالت المشكلة قائمة
بدات اتحرك بالعربية ف لحظة لقيت استجابة العربية لدواسة البنزين زيروووو
بطلت العربية وسبتها تسخن اكتر لحد ما امبير الحرارة بدا يعلى وبدات امشى بالعربية كويس جدا بس اللمبتين لسة منورين قدامى .
زهقت .. ركنت العربية وقولت اصلى وافطر وافوقلها لانها كد قفلتلى اليوم

بعد حوالى خمس ساعات من غسيلها نزلت دورتها .. اللمبتين مازالوا قايدين ف التابلو امامى
قولت اسيبها شوية وازود بنزين واسيب وازود واسيب وهى واقفة
اختفت اللمبتين تماما

المشكلة تتلخص فى :
اثناء تنظيف الماتور والعمة بالهواء .. تناثرت بعض الاتربة فدخلت الى احد حساسات الموتور او ف الموتور نفسة .. ادى الى خلل وعندما دارت السيارة وبدا الموتور ف الحركة تبعثرت الاتربة الى دخلت للموتور وبدا الزيت يتحرك ف الموتور اختفت ظهور اللمبة

هذا ما حدث معى اليوم مع كرولتى .. فوجب عليا اشارككم معى لتعم الفائدة علينا جميعا
حفظكم اللهم .. وحفظ سيارتكم

**alaamousa** · 03-01-2014 08:55 PM

جزاك الله خيرا على نقل المعلومة وربنا يديلك خيرها ويكفيك شرها ...

**Yousef.Kamel** · 03-01-2014 09:03 PM

يعنى الخﻻصه ان غسيل الموتور كيماوى او فوم افضل

**abofandy** · 03-01-2014 09:10 PM

الشكر لله اخى الفاضل
بس انا مغسلتش الماتور اصلا وجه نحيتة اى مياه
مجرد هواء علشان الاتربة فقط لا غير

**J A G U A R** · 03-01-2014 09:11 PM

شكرا للافاده ونقل المعلومه .. وربنا يباركلك فيها

**abofandy** · 03-01-2014 09:17 PM

اللهم امين ... انا وانت والمسلمين جميعا يارب

**hossam_elwani** · 03-01-2014 09:49 PM

هو البلاور افضل من هوا خرطوم البنزينا لانه ببقى مركز فى فتحه صغيره جدا

وممكن يكون برضه السبب ان فيشه اتهزت بسببه ضغط الهوا والله اعلم

**Hany Saad** · 03-01-2014 09:55 PM

ألف سلامة على الكورولا يا باشا....شرقه بسيطة كده و الحمدلله عديت على خير...

**FAR!D** · 04-01-2014 04:36 AM

الف سلامه على كرولاتك و عموما الكلام ده ممكن يحصل لاي عربيه مش التويوتا بس

**iUsef** · 04-01-2014 07:52 AM

الف سلامه علي العربيه يا دكتور بس انصحك في صيانه الالف تقول لهم علي المشكله لان لمبه الموتور مش بتنور الا في مشكله حتي لو بسيطه بس ممكن تدخل العربي في Save Mode وزي ما عملت كده متلاقيش بنزين خالص والعربيه ما تمشيش علي العموم اكيد المشكله سجلت علي الكمبيوتر والتوكيل ممكن يعرف المشكله علي الجهاز ويحلها وتبقي خفيفه ان شاء الله

الموضوع: ...:: مشكلة حصلت ف كرولا 2014 وكيفية علاجها :::...

LinkBack

أدوات الموضوع

عرض

-

-

-

-

المواضيع المتشابهه

لاهل الخبره كرولا 2013. ام فلوانس 2014 ,, بيجوا 301 ,, سيراتو 2014

مقارنه قويه بين تويوتا كرولا 2014 و رينو فلوانس 2014

كرولا 2014 ولا تيريوس 7 راكب 2014

كرولا 2014 ولي اسبورتاج 2014

اعطال البيتلز الصغيرة وكيفية علاجها

الكلمات الدلالية لهذا الموضوع

المفضلات

المفضلات

ضوابط المشاركة