سكودا فليشيا تقرير 500 كيلو بعد تغيير طقم شنبر وجوان وش السليندر

**ابوابراهيم323** · 04-01-2014 11:32 PM

بسم الله الرحمن الرحيم
السلام عليكم ورحمة الله وبركاته
الاخوة الاكارم حياكم الله
عدنا من جديد بتقرير ومشكلة
بداية التقرير
بعد ما عملت الشنبر والجوان كنت قلت لكم ان برده مقياس الزيت مخلط طحينة
وغطا الزيت عليه نقط مياه والموضوع ده ظل شهر لدرجةان كمان بوجية فصل ورحت للميكانيكى وقولت له شوف الموضوع ده
طلع المقياس وقال لى ان بعض الظن اثم لانه لقى لونه طبيعى وكان عنده بوجيه قديم وضعه بدل اللى باظ
على فكرة الاربع بوجيهات كلها تجميع وقديمة وغير متوافقه
المهم مشيت من عنده وقلت خلاص اعيش بهذة الحالة
وكان عندى تتدريب لمده اسبوع فى مصر الجديدة يوميا مشوار حوالى 30 كيلو رايح جاى
طبعا كنت رايح وخايف يحصل حاجة
وكانت النتيجة الرائعة بحمد الله
سحب العربية اكثر من رائع ( الله اكبر )
المياه لم يتم تزويدها خلال الاسبوع غيرحوالى نصف لتر
غطا الزيت لم يعد عليه قطرات المياه
مقياس الزيت لونه رجع عادى بدون طحينة
لله الحمد والمنه على هذا الامر وده كان التقرير
=============================
المشكلة
======
قبل ما اروح التدريب جيت ادور العربيه ! مفيش استجابة خالص
البطارية مفيش خالص
طبعا البطارية عندى جافة ولها اربع شهور لانى لم اخرج بالعربية اكثر من يومين
المهم وصلت ببطارية اخى واشتغلت ومشيت بيها المشوار وظلت الاسبوع تمام التمام
ركنت العربية يومين بعد هذا الاسبوع برده البطارية مفيش اى استجابة خالص
==================
طبعا كل اللى اقوله يقولى عيب بطارية
طبعا انا بقيت يعنى بعرف ارد قلت لا طبعا مش بطارية وبرده مش دينامو بدليل ان اما اتحرك بيها يوميا بتفضل مشحونة
رحت بها مشوار وقلت اعمل اختبار وشيلت كبل اليطارية اكثر من 3 ايام وفعلا وصلت اشتغلت العربية
كده اكون انا صح المهم انا كنت فاصل الانذار وقررت اركبه تانى ( اى خدمة يا استاذ صبحى )
وفتحت الشنطة ربما تكون لمبه الشنطة فيها حاجة ونظفت الشنطة وعزلت اسلاك السماعات اللى عندى
ولعبت فى مفتاح لمبه الصالون اللى كان بيخلى الانذار يعلق وفعلا اللمبه استجابت والانذار استجاب ( اذاى الله اعلم (:
المهم قولت اسيب العربيه 3ايام تانى
واليوم الحمد لله جيت ادور الصبح اشتغلت و الحمد لله على نعمه العظيمة
حابب اعرف المشكلة كانت فين ؟؟؟
=====================
ودى كانت أخبارى فى فترة الغياب

**sakr_skoda** · 05-01-2014 07:24 AM

الحمد الله على كل حال ومش لازم تدقق علشان تعرف اصل المشكلة فى حجات كدا بتحصل صدفة اه والله صدفة من غير مايكون ليها سبب وربنا يهديلك عفريت فليشيتك شغله قرآن فى السيارة على طول***** وعلى فكرة موضوع تركيب الشنبر دا كبر قوى فى دماغى وعماله تاكلنى خايف اصحا فى نص الليل افك العربية واركب طقم الشنبر وبمشيئة الرحمن حيحصل وساعتها حنقل ليكم العملية بالتفصيل والصور ***

**EngAhmedSayed** · 05-01-2014 09:02 AM

زى الفل
اهم حاجة السرفيس
تغييير الزيت بالفلتر
فلتر البنزين
تغيير البوجيهات
ظبط تاكيهات
ظبط كربرتير
و ان شاء الله العربية هتيبقى اجمل و اجمل
اه نسيت و فلتر الهواء
الحاجات دى بسيطة بس بتفرق مع العربية كتيييييييييييييييييييير
ربك المستعان

**أحمد جودة** · 05-01-2014 11:21 AM

حمد لله على السلامة يا استاذ اكرامي وربنا يباركلك فيها ويبعد عنك امراض العربيات الشتوية اللهم أمين

**aw2100** · 05-01-2014 11:32 PM

مبروك على الأصلاح
بالنسبة للبطاريات الجافة دينامو العربية مايقدرش يشحنها شحنة كاملة لما البطارية تفضى المفروض تتشحن على الأقل 3 ساعات على تونجر شحن بطئ لغاية لما تتملى وتشبع وبعد كده بتبقى 10/10 اللى حصل معاك ان الدينامو بيشحنها شحنة صغيرة فماتلحقش تشبع فتفضى تحياتى !!