الطريق لكارفور اسكندريه

**ainshouka** · 12-01-2014 03:46 PM

ممكن اعرف ازاى اروح لكارفور اسكندريه من محطه مصر
او من محطه سيدى جابر بالمواصلات

**M.Alaa92** · 12-01-2014 09:26 PM

بص يا سيدى اركب اى حااجة لمحطة مصر و من هنااك اركب اتوبيس المجزر و ممكن تﻻقى مشاريع هنااك

**احمد نظمي** · 12-01-2014 11:04 PM

بص ياجميل انت تنزل محطة مصر وتركب مشروع العامرية وهو هيعدي بيك قدام كارفور ولو انت جاي بمشروع من القاهرة هيعدي بيك قدام كارفور ( الدوان تاون ) ولو ملاقتش مشروع من محطة مصر العامرية ممكن تاخد مشروع الموقف الجديد ومن هناك تاخد تاكس لكارفور والمسافة قريبة جدا من الموقف وكارفور

**ainshouka** · 13-01-2014 06:29 AM

متشكر ليكم على مساعدتكم جدا

**fourseasons** · 13-01-2014 06:52 AM

بص يا باشا لو جى عشان عرض التلفزيونات انسى 90% من التلفزيونات اتنسفت الناس بتشترى ولا كأنها بتشترى لب و سودانى.هاهاهاهاهاها. انا بهزر يا باشا على العموم لو جى بالقطار انزل اخر الخط محطة مصر و فى عربيات كارفور على طول من هناك او تركب ميكروباص العامرية او كينج ماريوت بس تسأل الأول حيعدى من قدامه ولا لأ عشان قافلين الطريق الصحراوى بعد منه و فى تحويلة.ولو جى من منوف بالمبكروباص حيبقى اخر الخط بتاعه الموقف الجديد جمب كارفور . تاكسى ب 5 جنيه مش حياخد معاك 3 دقائق و تكون قدامه.وبالسلامة ان شاء اللهه