الموضوع: مثبت سرعه فيكترا بي محركات C20sel & X20XEV

طبعا زي ما تقريبا كلنا عارفين ان بوابه المواتير دي مش على موتور كهرباء ولكن متصله بكابل صلب مع بدال البنزين مباشره

طبعا في المواتير اللي بدال البنزين والبوابه كهرباء زي ال Z16xe و ال X16se الفكترا 1600 اوتو والاسترا البرازيلي بيكون الكروز كنترول بسيط جدا مجرد تغيير دراع الاشاره وبرمجه المنترول

لكن ال C20sel وال X20xev الوضع اصعب من كدا شويه وبيكون في ستاند الون كنترول يونت للكروز كنترول

نشوف مكونات الكروز كنترول و توزيعه في العربيه



مكونات مثبت السرعه للمحركات ذات البوابه التقليديه المتصله بكابل صلب مع بدال البنزين وليست بوابه كهرباء بموتور كهربي متصله بكمبيوتر المحرك :

1- عصايه الفتيس الاوتوماتيك في العربيات الاوتوماتيك او سويتش بدال الدبرياج في العربيات المانيوال عشان يفصل مع الضغط على بدال الدبرياج.
2- دراع اشارات به مفاتيح مثبت السرعه.
3- سويتش فرامل مزدوج .
4- سويتش بدال الدبرياج للعربيات المانيوال.
5- كنترول يونت و متحكم بكابل مثبت السرعه ... كابل صلب مماثل لكابل بدال البنزين.
6- كابل مثبت السرعه اللي بدوره مربوط مع دراع فتح وغلق البوابه بجانب كابل بدال البنزين للتحكم في بوابه البنزين بدل من قدم السائق اثناء تشغيل مثبت السرعه .

والشكل القادم للمكونات عالطبيعه



والشكل القادم للكنترول من الخارج والداخل







ودا دراع الاشارات الموجود فيه زراير الكروز اللي بتتصل مباشره بكنترول مثبت السرعه




اشارات كنترول مثبت السرعه:
1- 12 فولت مع فتح الكونتاكت فيوز 10 امبير في علبه الفيوزات.
2- ارضي ثابت او زيرو فولت.
3- سويتش الفرامل
4- دراع مفتاح الاشارات (ثلاث اشارات).
5- سويتش بدال الدبرياج في العربيات المانيوال او اشاره من عصايه الفتيس فالعربيات الاوتوماتيك.
6- اشاره الكيولومتر ساعه او سرعه السياره.
7-اشاره التوصيل مع فيشه جهاز الاعطال.