أخيراااا والحمد لله عرفت سبب تسريب البنزين

**Hesham.H** · 08-01-2014 11:11 PM

الزملاء الأعزاء

زى ما كتير من حضراتكو عارفين إنى كنت بشتكى من ريحه بنزين جامده جوه العربيه ... وإستهلاك البنزين بقى عالى
فطبعا عرفت إن فى تسريب .. أول الفحص كان لغطاء طرمبه البنزين ... وطلع سليم الحمد لله ... بعدها فحصت من تحت العربيه عند التانك والفلتر وخراطيم البنزين برضو كله تمام .. ماكنش فاضل غير ان التانك ينزل .. وطبعا البيه الصنايعى كسل ينزله وكانت حجته إنه مش لاقى سبب يحل التانك عشانها

توكلت على الله وروحت لواحد تانى ... راجل كبير ومحترم ... اول ما دخلت قلتله أنا عاوز أحل التانك ده ... قاللى اتفضل يا باشمهندس على البياره .. وبدأ إبنه يفك .. وبعد ما طلعه وبدأنا نكشف لقينا مكان خرطوم الراجع الصغير

اللى فى الصوره

الحمد لله ما لقيناش غيره ... وكان بيسرب من مكان اللحام ... وطلع المكان ده هو اللى راكب فيه الماسوره الرفيعيه اللى جوا التانك اللى اتحيرنا فيها ومش عارفين هى بتاعه إيه ... وكده عرفنا إنها بتاعه الراجع

روحت غسلت التانك اللى كان ملين بلاوى

وروحت لحمت الحته دى لحام نحاس ورجعنا ركبنا ... روحت فولت والحمد لله التسريب راح وريحه البنزين منعت

حبيت أنقل التجربه عشان كان فى كذا زميل عنده نفس المشكله

تحياتى

**MaaM** · 08-01-2014 11:21 PM

مبارك عليك يا اتش
بس مافهمتش السيخ الحديد راكب ليه اصلا ؟

Sent from my HTC

**Hesham.H** · 08-01-2014 11:37 PM

المشاركة الأصلية كتبت بواسطة MaaM

مبارك عليك يا اتش
بس مافهمتش السيخ الحديد راكب ليه اصلا ؟

Sent from my HTC

الله يبارك فيك يا باشا
السيخ ده ماسوره جوه التانك والسهم اللى فى الصوره بيشاور على طرفه اللى خارج بره التانك وراكب فيه خرطوم بنزين غالبا بتاع الراجع من الموتور

**فادى محمد** · 09-01-2014 12:07 AM

ع البركه يا اتش..
في حاجه بقي بخصوص السيخ لحديد مش متاكد منها عندنا بس ممكن تطلع صح..
عندنا جهاز اسمه evap او الكونستر اللي هو بيكثف بخار البنزين اللي في التانك ويجمعه ويعمل له اعاده احتراق
لتوفير البنزين وتقليل الفاقد . الكونستر ده موجود ورا تجويف العجله اليمين وخرطومه واصل لفوق للمانفولد وطبعا من الطبيعي ان خرطومه التاني يكت ون واصل للتانك من الداخل .. اعتقد ان الماسوره اللي لقيتها جوه
التانك يكون لها علاقه به ,
وهذا ما لزم التنويه عنه ودمتم للنضال ..

**m7nsh** · 09-01-2014 01:13 AM

انا كنت مهمل فى الموضوع دا من فتره .. وكان بيحصل تنقيط بسيط وشويه زاد وقلت مش مشكله كبيره لأنى باتحرك قليل بالعربيه ..النهرده حطيت بنزين وفولت لحد اول تكه .. رحت وقفت بعدها عند جاد باجيب سندوتشات ..فى خلال 3 دقايق او اقل لقيت تحت العربيه بركه بنزين !! كذا لتر مثلا كميه محترمه !! بكره ان شاء الله هاروح اشوف القصه دى ..وربنا يستر !

ومبروك عليك يا اتش حل المشكله .. وادعيلنا ربنا يكرمنا بحلها :)

**فادى محمد** · 09-01-2014 01:30 AM

المشاركة الأصلية كتبت بواسطة maam

اه وضحت كدا. انا كنت فاكره سيخ مش ماسورة
طيب فيه ماسورة تانية ربع يوصة لو تفتكرها. عرفت بتاعة ايه

ممكن تقولي يا مواطن انت تقصد الماسورة البلاستيك الربع بوصة ؟ ولا الماسورة الحديد اللي عاملة زي السيخ او التيش ؟

sent from my htc

مش عارف يا محمود . بس اعتقد الماسوره الحديد اللي زي السيخ

**Hesham.H** · 09-01-2014 02:11 AM

المشاركة الأصلية كتبت بواسطة فادى محمد

مش عارف يا محمود . بس اعتقد الماسوره الحديد اللي زي السيخ

الساده المحترمون ... اليكم القول الفصل فى موضوع الماسوره الرفيعه والماسوره النص بوصه

طرف الماسوره الرفيعه اللى محمود كان فاكرها سيخ هو اللى باين فى الصوره وطلع يخص مكثف بخار البنزين زى ما توقع أستاذنا فادى

الماسوره النص بوصه هى اللى عليها السهم التانى وهى طولها حوالى من ٣٠ سم داخل التانك وخارج منها الجزء ده بره التانك ... لانى فورت الماسورتين لأنهم كانوا ملحومين قصدير غالبا من صاحب العربيه الأول ولحمناهم بنحاس

**MaaM** · 09-01-2014 02:30 AM

للإفــادة

ديه صورة في التانك لآخر السيخ اللي بنتكلم عنه واللي طلع ماسورة ضيقة جدا وراكب عليها خرطوم راجع البنزين زي ما هشام بلغنا

ودا صورته وجانبه الماسورة الربع بوصة ( وهاتلاقوا مخرجها في الصورة اللي رفعها هشام معلم عليها بسهم أحمر وكاتب الماسورة النص بوصة)

صورة أخرى

وده الفيديو

Vectra B 1.6 Tank - YouTube

http://www.nilemotors.net/Nile/390219-a.html

-

الموضوع: أخيراااا والحمد لله عرفت سبب تسريب البنزين

LinkBack

أدوات الموضوع

عرض

-

-

-

-

-

المواضيع المتشابهه

عرفت ريحه البنزين جوه العربيه منين

عرفت تسريب الزيت منين...لاحول ولا قوه الا بالله

تسريب البنزين و تركيب الجوان بتاع التانك

حل موضوع تسريب البنزين بالفيرنا

الحمد لله عرفت سبب استهلاك البنزين (نوبيرا وان)

الكلمات الدلالية لهذا الموضوع

المفضلات

المفضلات

ضوابط المشاركة