الموضوع: الحمد لله و بفضله - اشتريت فيات سيينا و مطلوب نصائح

[caps]السلام عليكم
الحمد لله و بعد استخارة الله
اشتريت سيارة سيينا موديل 2003 مكنة 1400
الحمد لله بعد تجربة في مشوار سفر حوالي 220 كيلو شايف انها أحسن من كثير من مثيلاتها في نفس الفئة السعرية
طبعا السيارة طالما مستعملة أكيد فيها بعض التظبيطات
اللي اكتشفته الى الان:
1- البطاحتين مشققين ومحتاجين يتغيروا (تنصحوني بايه و سعرهم كام - أنا من المنصورة و صعب أشتري من القاهرة حاليا)
2- الاضاءة الأمامية مش مظبوطة - النور الماطي بينور السما مش الطريق (لو حد يعرف أظبطهم ازاي و لو فيه مواتير ظبط ولا قواعد ولا اية الحكاية)
3-لاحظت و انا ماشي اني لما بعمل مفتاح ظبط دخول الهوا الى السيارة - المفتاح اللي تحت و مرسوم عليه عربيتين في لوحة تحكم التكييف - لاحظت ان فيه هوا كتير بيدخل في الوضعين و اللي أعرفه ان فيهم وضع بيعمل اعادة تدوير لهوا السيارة اللي داخل السيارة بالفعل من غير مايدخل هوا من برة و أعتقد انه كدة في الصيف هيدخل هوا سخن و هيضيع كفاءة التكييف (يا ترى اية المشكلة وكيف الحل)
4- السنتر ما يقفلش و لازم أقفل كل باب لوحدة (أعمل ايه؟؟؟)

هي دي الشاكل اللي قابتلني
الحاجة التانية اني عايز أركب الأتي
1-فوانيس شبورة: يا ترى لبهم فيشة واصلة ولا هعدل في الضفيرة و المكان الأصلي لزرارهم في التابلوة فين - وهل لو قطعت في الفيبر هلاقي قواعد ليهم ولا لأ؟؟؟
2- سبويلر أضلي أو شبية ليه: يا ترى ممكن ألاقية فين؟؟؟
3- انذار و ريموت: هل فية تعديلات معينة؟؟؟


أخيرا هل تنصحوني بحاجة تانية
وشكرا مقدما

د. رامي عجوة وفي خدمتكم جميعا[/caps]

الف مبروووك