الحمد لله اشتريت فيات اونو..بعض الاستفسارات .. وايضا نظرة عن قرب لسوق الجمعة يوم 9-10

**dondark** · 09-10-2009 08:55 PM

بسم الله الرحمن الرحيم

بس مشاورات وعناء وبحث وقراءة اكتر من 601232454 موضوع عن العربيات بمختلف انواعها سواء فى المنتدى هنا او فى اشقائة بس ادين بالفضل للمنتدى دا... قررت اشترى ((كيا برايد))الهاتش باك وفى او هجيب أونو بس كان التركيز اكتر على ال كيا
المهم روحت السوق ولقيت اسعار خرافية لل كيا برايد
موديل 96 بـ 28 او 29 وفى باشمهندس كان حاططها ب 32 ومفيش واحدة فيهم فيها تكييف الا واحدة بس الى ب 29
مش عارف حصل اية لاستهبال الاسعار دا
بعد ساعة واتنين وتلاته ومشوفتش حد بيشترى عربية
جت الساعة 3 وبدء انهيار الاسعار العربية الى كانت ب 32 نروح نلاقيها ب 30 بس شوف الاول يا باشمهندس واكشف عليها وقيس على كل دا العربيات
وهكذا
المهم وقعت قدامى اونو موديل99 بتكييف وشغال..بس موتورها خفيف المهم الميكانيكى قالى نغيره او نعملها عمره والاول نشوف الموتور فى اية بالتفصيل
المهم انى اشترتها والحمد لله وبسعر 24500...
وبرضة صاحبى كان معايا اشترا فيليشيا كومبى بسعر ممتاز جدا اقل من اى سعر اتعرض علينا بفارق كبير اوى ودا يثبت اكتر انه مفيش عملية بيع ولا شراء بس ضرب اسعار فى العالى عشان الزباين تتخم فى الاول

ليا شوية استفسارات
السعر دا مناسب ليها مع العلم انه مفهاش حاجة والصالون رائع والتابوه وراشة نضافة من براه بس والتكييف شغال.........؟؟؟؟؟؟؟؟؟
تانى سؤال تغيير الموتور هيتكلف كام يعنى سعر الموتور كام
تالت سؤال عمره هتتكلف كام لو هتبقة عمره كاملة للموتور او زى ما بيسموها نص عمره

ونصيحة للكل اوعى تزهق وانت بتلف فى السوق او تهتم بالاسعار الخرافية بتاعة الناس الى بتقولها واصبر على اخر اليوم او بعد العصر وتلاقى السوق اختلف خالص....
وخد معاك ميكانيكى شاطر ولو مش تعرف ابعت رسالة خاصة اقولك على الراجل الى بتعامل معاه

**youssefmustang** · 10-10-2009 02:16 AM

اولا : الف الف مبروك يا جميل عقبال المرسيدس
ثانيا: انت لاقيت بيضة دهب ببلاش فعلا سعر رائع جدا وربنا يديك خيرها ويكفيك شرها
بالنسبة للمواتير يستحسن انك تغير لو الماديات متوفرة وياعينى لو حظك حلو ولاقيت موتور الانو 1300 تربو .
تبقى فعلا محظوظ .
وشوف رأى باقى الاعضاء
اخوكم يوسف

**maka** · 10-10-2009 03:32 AM

لو علوز نص عمرة ممكن تمشى عليه شوية بزيت تقيل او زيت شمبر

**semsem_uno** · 10-10-2009 11:10 AM

انا جربت زيت الشنبر زي قلته علي فكرة
و عادتا طقم الشنبر ده مش بيعدي ال800 او ال1000 علي حسب علمي

**ahmedzizo131** · 10-10-2009 11:40 AM

الف الف مبروك
وربنا يباركلك فيها و يكفيك شرها
و عقبال طقم الشمبر

**dondark** · 10-10-2009 11:30 PM

شكرا جدا ليكم
وربنا يبارك فيكم يارب

بس الميكانيكى قالى النهاردِة هيعمل عمرة كاملة للموتور
وهيتكلف 1400 هل دا كويس
وهل لما اشترى موتور جديد هيكون سعرة كام وهل سعره من غير طقم الشنبر او الشمبر دا ؟؟؟؟ يعنى اية رائيكم

**maka** · 10-10-2009 11:36 PM

المشاركة الأصلية كتبت بواسطة dondark

شكرا جدا ليكم
وربنا يبارك فيكم يارب

بس الميكانيكى قالى النهاردِة هيعمل عمرة كاملة للموتور
وهيتكلف 1400 هل دا كويس
وهل لما اشترى موتور جديد هيكون سعرة كام وهل سعره من غير طقم الشنبر او الشمبر دا ؟؟؟؟ يعنى اية رائيكم

متخلهوش يعمل الشغل كده عميانى , امشى بالعربية شوية وشوف الزيت بينقص اده ايه وسحبها كويس ولا لا

ممكن تكون مش محتاجه عمرة و هو بيفتح شغل

**dondark** · 11-10-2009 12:20 AM

المشاركة الأصلية كتبت بواسطة maka

متخلهوش يعمل الشغل كده عميانى , امشى بالعربية شوية وشوف الزيت بينقص اده ايه وسحبها كويس ولا لا

ممكن تكون مش محتاجه عمرة و هو بيفتح شغل

اولا شكرا سيدى الفاضل على سرعة الرد
بس انا وصاحبى جربناها وفعلا هى محتاجة عمره لانها عامله دخان ابيض ولا عربيه رش الناموس هههههههه
انا بسال على انه 1400 دا سعر كويس لعامرة كمله عل حد تعبيره ولو كامله يبقة المفروض هو هيغير اية واية اية ؟؟؟؟ والخراط هيعمل اية برضة؟؟؟؟
معلش انا معلوماتى ضايعة خالص
وسعر الموتور الاستيراد بكام وهيحتاج بعد ما اشترى طقم شمبر ولا هو هشترى واركبة وامشى وخلاص؟؟؟؟؟؟
ويعنى الافضل استيراد ولا عمره واية احسن فيهم
ميزات وعيوب يعنى