رعشة غريبة في الدركسيون وانا واقف

**Melad Sedky** · 06-02-2014 01:25 PM

لما بكون واقف بالعربية ومثلا باركن او طالع من ركنة وبلف الطارة في اي اتجاه بلاقي الطارة بترعش معايا بعد ما الفها لفتين كدة .. ده طبيعي في الاسبرانزا وللا لأ؟ ولو مش عادي يكون ده مشكلة ايه؟ مع العلم ان الباور معايا كويس وناعم لكن الرعشة دي هي اللي غريبة .. ارجو الافادة يا جماعة

**Melad Sedky** · 09-02-2014 09:46 AM

متابع

**rabet007** · 09-02-2014 10:36 AM

أنا اعتقد يا فندم انها ممكن العربيه تكون محتاجة ترصيص

وممكن بقه حاجة تانيه العربية عاوز ضبط علي السلانسيه ان شاء الله

انت تروح لميكانيكي بتاعك وتخليه يضبطلك البوابة ان شاء الله
وان شاء الله خير

**hemaa_82** · 09-02-2014 03:41 PM

يقال والله اعلم انها بتتنضف بس مش بتتظبط .....

مش عارف بس اعراضك مفكراني بنقص زيت البور...... ممكن تبص علي المقاس

**Melad Sedky** · 10-02-2014 10:02 AM

شكرا لحضراتكم .. المشكلة مش في الموتور او السحب عشان انضف البوابة .. المشكلة لما بكون واقف وممور والف الطارة بترعش في ايدي والكاوتش كمان بيرعش.
وبالنسبة لزيت الباور فمقاسه سليم .. انا كشفت عليه قريب.
بس هل ممكن يكون دا ليه لاقة بتربيط العفشة او مثلا بيضة مقص فيها مشكلة؟ وللا دا مشكلة في الباور نفسه؟

**mrastra** · 10-02-2014 10:14 PM

المشكلة فى بلى البطاحات عاوز يتغير
وانا لو منك هاجيب جوز بلى بطاحات بتاع لانسر بومة 1600
تمن البلية الواحدة 110 جنية

**hemaa_82** · 11-02-2014 01:08 PM

يجوز ....
انا الرعشة الوحيدة اللي كنت بحسها كانت لما الزيت نقص فكانت طرمبة البور بتزن و كنت بحس الزنة في الدريكسيون ....

**mohamedrabia** · 11-02-2014 01:12 PM

المشاركة الأصلية كتبت بواسطة mrastra

المشكلة فى بلى البطاحات عاوز يتغير
وانا لو منك هاجيب جوز بلى بطاحات بتاع لانسر بومة 1600
تمن البلية الواحدة 110 جنية

+++++++++++++++

فعلا المشكله دي لانه واقف وبيلف الدركسيون بدون حركة في البطاحات او بليها

**Melad Sedky** · 12-02-2014 09:38 AM

شكرا لاهتمامكم جميعا..
امبارح كشفت على العفشة عند أحمد مهران وقاللي أن الرعشة سببها اني بدوس ع الفرامل وأنا بلف الطارة واللي بيعمل الرعشة دي الـabs .. وسبب تاني هو تعديل القطمة عشان فيها نقرة ودا عيب معروف في العربية من ساعة ما نزلت.

سؤال عشان دا بقي اللي فعلا مزهقني من العربية .. أعمل ايه في ((الكبالن)) ؟؟؟؟
كل اللي في السوق صيني وكوري وتعبان .. ممكن تركبه وتيجي تجربه في وقتها تلاقيه بيطأطأ .. والكلام دا عن تجربة ومرار في الموضوع ده.
أحسن نوع لاقيته التاجر كان كويس وصريح وقاللي دا يقعد معاك 6 شهور وكان نوع تايواني .. وفي التوكيل تمنهم 3 اضعاف سعرهم في السوق ومن غير ضمان عليهم.. ومش ضامن أصلا يكونوا أصلي في التوكيل.
سألت يركبلها بتوع اللانسر.. قالولي لازم الكوبلن يتغير بالكامل مش بس الراس عشان دي متركبش لوحدها ع الكوبلن.
لو حد ليه تجربة في القصة دي ياريت يفيدني.
وشكرا للجميع

**shady_taha** · 12-02-2014 12:46 PM

انا عاوز اغير كوبلن يمين فى الام 11 الى هو راس الكوبلن الخارجى سعره فى التوكيل الواحد بس ب850 جنيه وبره مش موجود غير عند الوليد وسعره 240 جنيه طبعا مش الاصلى بس بيقلى هديك عليه ضمان

الموضوع: رعشة غريبة في الدركسيون وانا واقف

LinkBack

أدوات الموضوع

عرض

-

-

-

-

-

المواضيع المتشابهه

صوت طقة خفيفة في الغيار وطقطقة لما ألف الدركسيون جامد وانا واقف

اعمل ايه يعني...دائري واقف ..اوتستراد واقف...طريق السويس واقف

رعشة فى الماتو والدركسيون والعربية واقف

صوت طقطقه عند لف الدريكسيون وانا واقف يبقى ايه ده ؟؟

العربية اتخبطتت وانا واقف فى الجراج !!!!!!!

الكلمات الدلالية لهذا الموضوع

المفضلات

المفضلات

ضوابط المشاركة