حد يعرف سعر طقم دبرياج الجولف 6 ؟؟

**bedo rajab** · 07-02-2014 04:17 AM

يا جماعة حد يعرف سعر طقم الدبرياج للفتيس dsg للجولف 6 ضروري ؟؟

**body7733** · 08-02-2014 10:34 PM

كان نفسى اساعدك

**akrumcs** · 09-02-2014 08:57 AM

بص انا معتقدش ان سعره رخيص ومسمعتش لغاية دلوقتي ان فيه حد اشتراه كل اللي سمعته ان التوكيل بيغيره حتى لو العربية خرجت من الضمان

**bedo rajab** · 12-02-2014 12:46 AM

طب معلش بيتغير علي حساب التوكيل ولا علي ححسابي انا و شكرا علشان انا سألت عليه لقيتع ب ٩٠٠٠ و حاجات كده

**corolladestroyer** · 12-02-2014 12:55 AM

مبدايا سعره كاسر ال 10
بس التوكيل بيغيره اكيد وبالذات كمان لو دي اول مره....ربنا معاك...

**momen nour** · 12-02-2014 03:26 AM

المشاركة الأصلية كتبت بواسطة corolladestroyer

مبدايا سعره كاسر ال 10
بس التوكيل بيغيره اكيد وبالذات كمان لو دي اول مره....ربنا معاك...

طيب دا على الضمان ولا لا ولو العربية بعد الضمان مايخلص حصل فيها كدا بيتغير على حسابي ولا بردو مجانا!!

**mshamy** · 12-02-2014 07:09 AM

المشاركة الأصلية كتبت بواسطة momen nour

طيب دا على الضمان ولا لا ولو العربية بعد الضمان مايخلص حصل فيها كدا بيتغير على حسابي ولا بردو مجانا!!

التوكيل بيغيره طبقا لمجموعة من الإجراءات
1- العربية تكون بتاعتهم مش خليجي و لو خليجي يبقى لازم تكون متسجلة عندهم
2- لو خارج فترة الضمان يبقى لازم تكون بتعمل الصيانة الدورية عندهم و مثبوته في الدفتر
3- بيعملوا تحديث للسوفت وير و يسبوك تمشي بالعربية شوية
4- لو المشكلة لازالت قائمة بيخدوا العربية و يرفعوا منها شوية قراءات للفتيس و خصوصا اثناء القيادة
5- بيتم إرسال البيانات او القراءات للشركة في ألمانيا اللي بدورها بتوافق على تغيير الدبرياج
6- الموضوع ده بياخد من اسبوعين لشهر على ما بيخلص

**akrumcs** · 12-02-2014 11:07 AM

انا غيرته مره وهيا في الضمان وهما اللي قالولي عايزين نغيرهولك لوحدهم وهيا كمان حاليا محتاجه طقم تاني وللأمانه انا اللي سمعته ان طول ماهو سعره غالي بالمنظر ده فاتغيره عليهم حتى لو بره الضمان وده سمعته من اكتر من واحد جوه التوكيل وبراه

**momen nour** · 12-02-2014 11:38 AM

المشاركة الأصلية كتبت بواسطة akrumcs

انا غيرته مره وهيا في الضمان وهما اللي قالولي عايزين نغيرهولك لوحدهم وهيا كمان حاليا محتاجه طقم تاني وللأمانه انا اللي سمعته ان طول ماهو سعره غالي بالمنظر ده فاتغيره عليهم حتى لو بره الضمان وده سمعته من اكتر من واحد جوه التوكيل وبراه

هو ايه اللى بيحصل اصلا لما بتبوظ ؟ ولما غيرتو العربية بقت تمام؟؟

**akrumcs** · 12-02-2014 12:34 PM

اللي بيحصل انك بتحس برجه او رعشه وانت بتسحب والعربيه على الثاني وده غالبا بيظهر اكتر في الزحمه ولما الجيربوكس حرارته تزيد وكنت متعامل معاها عادي ماكنتش ازمه والنقل مافهوش اي مشاكل لحد ماودتهالهم باتت يوم عندهم وغيروا الطقم والعربيه رجعت زي الفل في الزحمه والحر وغيره لحد بقى ماستهلكته تاني واهي المفروض يتغير تاني انشاء الله