الموضوع: تجربه مع محلات اولاد فتح الباب

المشاركة الأصلية كتبت بواسطة Karim_Monir

فتح الباب مستوردين وليس تجار تجزئة
ووكلاء لماركات تجارية كتير جدا مش مجموعة فلوكس بس لاء وبي ام ورينو كمان
ومعروف جدا انه يوجد قطع غيار مغشوشة كتير جدا جدا وده بقابله في شغلي يوميا
بحكم اني عندي ورشه سمكرة ودهان وتجديد سيارات
وفتح الباب ورئيس مجلس ادارتها مهندس عمرو من اكتر الناس المحترمة اللي ممكن تقابلهم في حياتك وعند سابق تعامل معاهم لمدة 3 سنين وده راي ناس كتير جدا وبيعملو خصم لاعضاء المنتدى حوالي 10 % لو انت قولتلهم انك من نايل موتورز ووريتهم الاستيكر بتاعنا
رجاء تحري الموضوع عشان انا هانقل الوقعة بنفسي لمهندس عمرو
تحياتي

على فكرة يا استاذ كريم ..... الكلام ده صحيح
و لاكتر من مرة اروح عند فتح الباب الاقيه مزود نسبة لا تقل عن 30 % عن اسعار الناس اللى حوليه و ده طبعا بعد خصم ال 10 % .
وعلى فكرة بطلع قطعة الغيار من العلبة و ابص عليها كويس جداعند فتح الباب , و بعدين ابص عليها عند المحل المنافس و بتكون هى هى .
و من واقع خبرتى فى صيانة الالمانى اقدر اقول ان مش كل قطعة غيار مكتوب عليها made in germany بتبقى اصلى او حتى كوبى ذو جودة جيدة , غالبا بتبقى صينى و مضروبة .
الكلام ده ينطبق على معظم اللى فى السوق للاسف , و بالاخص مجموعة فتح الباب .
و الكلام ده من واقع تجربتى.

انا لسة جايب من عند اولاد فتح الباب اللى فى التوفيقية سلك دبرياج لبولو 99 فرنساوى اصلى و كان ارخص من الاصلى اللى شفته عند محلات تانية بحوالى 50 جنيه (بعد الفصال طبعا) و بصراحة الناس كانت محترمة جدا الحق يتقال.