الموضوع: افضل طريقة تنظيف الرشاشات

متابع

متابع باهتمام

المشاركة الأصلية كتبت بواسطة mohammedaladel

يجب تغيير فلتر البنزين فى ميعاده المحدد بفلتر آخر أصلى لوقاية الرشاشات وعدم الحاجة إلى تنظيفها فى المستقبل

إعلم جيداً أن البنزين هو منظف رشاشات قوى جداً وهو جديد بتنظيفها مع الوقت ومع سخونة المحرك
ولكن بفرض أن الرشاشات عندك تحتاج إلى تنظيف لأى خلل ما فى الدائرة

يوجد منظفات تضاف على البنزين ... لا أقتنع بها وأرى أنها مضيعة للمال ( رأى شخصى )

فك مسطرة الرشاشات وتنظيفها هو أسلم حل ... يوجد أجهزة لتنظيف الرشاشات متخصصة

أو تقوم أنت بفك المسطرة ثم تفريغها من البنزين وتأتى بمادة منظفة وتملأ بها المسطرة ثم تصل الكهرباء إلى المسطرة لل 4 رشاشات وتمسكها بيدك وتجعل أحد آخر يقوم بتدوير المحرك عدة مرات متقطعة حتى لا يسخن المارش لأنه لا يدور أساسا ( أو أفصل كابل المارش يكون أفضل )

ستجدها تنثر المادة المنظفة وبهذا قمت بتنظيف الرشاشات

الف شكر يا باشا على سرعة الرد انا سمعت انه فيه جهاز اسمه التراسونك ده اية نظاموا ؟؟

صديقي المواطن
إن تنظيف الرشاشات له 3 طرق واحدة قديمة ومتخلفة ولن أذكرها
الثانية هي جهاز اﻷلتراسونيك وسعر التتظيف تقريبا 140 جنيه مزاياه إنه بيجيب من اﻵخر بنفس الدقيقة وممكن تكتشف عيب في جلدة واحد من الرشاشات لازم تغير الجلدة أو ممكن رشاش تعبان ولازم يتغير وده تمنه حيقلك 100 جنيه رشاش إستيراد مستعمل ومن عيوب هذه الطريقة عيبان لو صاحب الجهاز مش صاحبك أو مش حتدفع رشوة للصنايعي حيعنل ليك دورة واحدة وبكده الرشاشات مش حتنظف ولازم 3 دورات أقل واجب كل دورة تقريبا ربع أو ثلث ساعة ومن عيوبها أيضا بعض السيارات صعوبة فك الرشاشأت والصنايعي يهمل في تركيب جوانات وسيليكون التلاجة والمنفول وغيرها وممكن المكنة بعد التركيب تحسها فيها سرقة هواء ولازم يرجع يظبط من تاني وممكن صنايعي شاطر يظبطها من أول مرة ولا بد من تغيير فلتر البنزين قبل الدخول لجهاز تنظيف الرشاشات
الطريقة الثالثة هو بإنك تشتري عدد 2 فلتر بنزين مع 5 منظف رشاشأت يوضع مع التنك ومنصحش بأنواع غالية أم 65 واﻷفلام حخي عندك نوع محترم جدا إسمه وينز بلجيكي بنفسجي سعره 25 جنيه وده شديد اﻹحترام
حتطلع حتغير فلتر بنزين وتخش البنزينة وتملا التنك عاﻵخر وتحط 3 علب وتمشي بالعربية تقرص طول التنك ده ولكن حعوز منك مرة واحدة بس تجيب 140 لمدة ربع ساعة ولما ينور لمبة التنك ترجع تمون 92 تاتي للآخر وتحط ال 2 الباقيين وتعمل زي أول مرة وحتلاحظ عربيتك بتتحول إلى طلقة في المشي وفي الدوارة وبعد التموينة دي تحسب تموينتين وحتغيرلي فلتر البنزين التاني وخلاص عربيتك رجعت زيرو ثم كل شهرين مرة تحط واحد منظف رشاشات ودورة وقود وعندك برضو منظف صبابات وكمان طبعا قبل منعمل ده كله حنغير بوجيهات وفلتر هواء
وبالتوفيق
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال