هل سائل منظف الرشاشات وقاية ام علاج فى حالة احتياج تنظيف الرشاشات ؟؟

**batalelo** · 28-08-2009 11:50 PM

السلام عليكم
اخوانى.. هل سائل منظف الرشاشات وقاية للرشاشات لجعلها نظيفة دائما؟؟ ام انه علاج فى حالة احتياج تنظيف الرشاشات؟؟

لان عربيتى بتحرق بنزين كتير ونصحونى انظف الرشاشات.. فهل ده معناه انى لازم انظفها بجهاز تنظيف الرشاشات, ولا علبة منظف الرشاشات الى بتتحط مع البنزين تنفع دلوأتى ؟؟

لو ينفع استخدمها دلواتى.. ياترى استخدم نوع ايه؟ واستخدمه ازاى؟؟
ولو لازم جهاز لتنظيف الرشاشات زى ماسمعت يبقى اعمل ده فين؟؟ ويتكلف كام ؟؟

والف شكر مقدماااااا

**wlk_bakka** · 14-09-2009 12:56 AM

انا استعملت سائل التنضيف محستش باي فرق فممكن تجرب جهاز التنضيف

**batalelo** · 14-09-2009 01:08 AM

المشاركة الأصلية كتبت بواسطة wlk_bakka

انا استعملت سائل التنضيف محستش باي فرق فممكن تجرب جهاز التنضيف

اخى الكريم.. شكرا جدا على الرد
لكن هل تنظيف الرشاشات بيفرق فى استهلاك البنزبن؟؟
وهل اذا كانت العربية محتاجه تغيير للسييور بتاعتها.. هل تفرق فى البنزين ولا مالهاش علاقه ؟

وشكرا لردك الطيب

**abo_lamar** · 14-09-2009 02:10 AM

السائل ده مالوش لازمة انا جربته النهاردة ولا عمل حاجة في العربية

**wlelw2003** · 01-12-2009 08:42 PM

السلام عليكم ورحمة الله وبركاته
اعتقد ان جهاز تنظيف الرشاشات افضل انا جربتة عندنا في الفيوم مركز الطيارو دة موبيلهم 0166526464 مهندس كامل صلاح و حاسس بفرق ملحوظ لان الجهاز هيقولك اذا كانت ارشاشات سليمة او لاء
و بتتكلف 35-40 جنيه انت و شطارتك في الفصال

**mrsailor** · 04-12-2009 03:02 AM

بعد السلام عليكم ..
احسن طريقة تنظف بيها الرشاشات انك تفك و صلة فلتر الهواء من ناحية البوابه بتاعة المانافولد اللى مودى على الرشاشات و تجيب اسبراى منظف الكلربراتير ( بس لازم الموتور يكون دافى يعنى تدور العربيه 5 دقايق و هى باردة ) و قبل الموتور مايسخن تزود بنزين و انت بترش منظف الكربراتير فى البوابة بس على مراحل يعنى لو الموتور وطى بطل رش وزود بنزين و هكذا .. حتلاقى الرشاشت نظفت .. ملحوظة لو العربية بطلت ماتخافش استنى شوية و دورها تانى بعد دقيقة و كمل العملية

**osama_ruan** · 06-12-2009 10:24 PM

احسن طريقة جهاز الرشاشات لانو عملي جدا ولو في رشاش وحش هيبان

**بحري** · 08-12-2009 06:34 PM

منظف الرشاشات وقاية بالأساس وهو علاج جزئي وليس كامل

**SBkr** · 13-12-2009 01:31 AM

المشاركة الأصلية كتبت بواسطة mrsailor

بعد السلام عليكم ..
احسن طريقة تنظف بيها الرشاشات انك تفك و صلة فلتر الهواء من ناحية البوابه بتاعة المانافولد اللى مودى على الرشاشات و تجيب اسبراى منظف الكلربراتير ( بس لازم الموتور يكون دافى يعنى تدور العربيه 5 دقايق و هى باردة ) و قبل الموتور مايسخن تزود بنزين و انت بترش منظف الكربراتير فى البوابة بس على مراحل يعنى لو الموتور وطى بطل رش وزود بنزين و هكذا .. حتلاقى الرشاشت نظفت .. ملحوظة لو العربية بطلت ماتخافش استنى شوية و دورها تانى بعد دقيقة و كمل العملية

اخي العزيز انت كدة بتنضف دخل الهواء للمانافول ودة كويس ومفيد اية علاقة دة بالرشاشات الرشاشات اما تتنضف بجهاز الألترا ساوند وهو بيختبرها كذلك او تتغير لنوعية قليلة الأعطال - منظف الرشاشات مفيد لتجنب الترسيب علي الرشاش وكل 3000 كم كويس جدا وانا بفضل انك تضعة علي تفويلة للتانك اي حوالي 50 لتر وتعمل مشوار حلو علي سرعة عالية نسبيا انما شخصيا لاحظت تحسن استهلاك الوقود معة لكن لم يعالج تسييل الرشاشات عندي وخلي بالك زيادة الإستهلاك غالبا سببة الرشاشات