الموضوع: طريقة فحص السيارة قبل الشراء بالتفصيل

نصائح هاااامة عند شراء السيارة :

اولا فى ملحوظة صغيرة ::: لما تحب تشترى عربية مستعملة او جديد تاخد معاك حد غاااااوى .. وخلى بالك
غاااااااوى اوى .. غاوى يعنى قارئ ومتابع جيد للعربيات وغاوى يعرف فيها كل حاجه تركيبها وصناعتها وا وا .. إلخ .
ومتاخودش صنايعيى لان اولا وبصفة عامة كل اللى فى مصر صنيعية هم واى كلام واخدينها بالدراع محدش فيهم دارس ولا فاهم حاجه فى اى حاجه م واخدينها عافية وتانى حاجه بيكون عارف بس الجزئية اللى بيشتغل فيها :

ندخل بقى فى المهم :
لما تحب تكشف عالعربية لازم تكون اتفرجت على اكتر من عربية وكتر افرجة هتوريك وتعلمك لوحدةدك الحلو من الوحش لانك هتشوفه العيب اللى نا مش هتلاقيها فى واحدة تانية مثلا
طريقة فحص العربية :
- اول ما تدل عالعربية زى الوحش تروح هاجم وفاتح الاربع ابواب والكبوت والشنطة
دول اهم حاجه ونعرف ازاى بقى نبص عليم واحدة واحدة
@ اولاتروح عالقوائم اللى بين الابواب وتبص عليها فى خبطة او عاوجه او برومة .. وطبعا دا فى اليمين والشمال .
@ تروح على القائم الامامى فى الباب الامامى وتبص عليهم لحاااد تحت فى برومة او خبطة او عوجة او مليااان معجون ومتدارى تحته برومة .. طبعا دا فى اليمين والشمال
@ وانت جانب العربية خبط كام خبطة كدا كأنك بتخبط على باب الشقة على سقف العربية واسمع صوت النقرة هل بترن ولا مكتومة لو بترن تبقى كويسة ومش واخدة مجون فوق لان السقف ممكن يكون مضروب وفيه برومة ومتدارى بالمعجون او واقع عليه حاجه ومتدارى بالمعجون او كانت مقلوبة ومتدارى بالمعجون والبوية .
@ نيجى بقا ادام العربية تبص جوا الحوض بتاع العربية الحوض دا لو متعرف ايه هو اقولك .. الحوض دا المكان اللى فيه المتور ( المكنة ) بتاع العربية تبص فيه كويس اوى وتشوف هل فيه برومة فى اى مكان فى كل جزء فى الحوض تبص يعنى فى الجانبين بتوع الحوض فى الانتره الامامية اللى هى تحت الفوانيس متسيبش سنتيمتر الا لما تتفحصه وتشوف واخد خبطه او فيه برومة لان البروووومة دى مرض خطيييير ومهما تعالجه خلاص بيكون الموضوع انتهى وجاب اخره
@ نرجع بقا ورا العربية تنط جوه الشنطة تناااام جواها وتبص على الفجاوى وعلى قوايم المقاومة وجوانب الشنطة فيها برومة او خبطة ومتدارية بالعجون او او زى ما عملت فى الحوض هتعمل فى الشنطة
@ بعدها تجيب الدوار ومش هيحصل حاجه لو الهدوم اتوسخت وتنام تحت العربية وتبط عالدواسات لانها من اخطر الاماكن اللى بتكون مصابة ببرومة وخبطات وكسرات وشروخات تشوف الاربع دوسات من تحت لانهم هم بطن العربية لو كانوا تمام ومية مية لاخبطة ولا شرخ ولا برومة اوك انت كدا فحصة العربية بنسة كبيةر والعربية كدا كويسة لكن لسه حاجتين مهمين وهمها العفشة والمكنة واللى يقولك العفشة والمكنة ميعيبوش العربية دا ميهموش مصلحتك لانهم هيقرفوك وهتصرف عليهم وهيطبع عينك ومتستهونش بالموضوع .
@ اولا الموتور ( المكنة ) تركب وتدور وتشوف صوته ناعم ولا خشن فى زقزقة او صوت صفير متوازن وهو شغال ولا بيقطع وفيه هزاة اكبس بنزين فاجئة وشوفه بيكركر ولا بياخد اطلع خطوة صغيرة سلنسيه شوفها هتبطل ولا هتنتش ولا ايه لو ظبطة معاك اوك .. روح بص عالمكنة وشوف اخبارها ايه فى زيت حواليها او فيه ترشيح حواليها او بتوقع زيت من تحت لو مفيش اوك هتبص على سير الكاتينة على فى تأكل ولا ظروفه ايه وتسحب مقاس الزيت وتشوف الزيت اخباره ايه ناقص ولا زايد اسود ولا كويس او ناقص تبقا العربية دى بتكل زيت والمكنة مش مظبوطة لو اسود يبقا صاحبها راجل بخيل جلدة ومبيغيرلهاش الزيت الالما يطلع عينه
@ بعد كدا تركب العربية وتجربها بص فى طريق مطبات الاول وخلى ودنك حساسة وشوف هتسمع ايه صوت ربكة او خربطة او هزة او اى صوت غريب تعرف سعتها ان العفشة فيا حاجه مش مظبوووطة وطبعا كل العيوب دى بتنزل جامد من سعر العربية
@ اخر حاجه تركب العربية وتطلع بيها على طريق ممهد يعنى اسفلت كويس ودوس وجرب سحبها واخبرها ايه هى بتغربل يعنى فيها رعشة على سرعة ولا ثابته بتعوم ولا متزنة وجرب فراملك كويس وربنا يوفقكم جميع لما هو خير وماسف على الإطالة ولكن هذا من واقع تجارب كتيرة واتعلمت منها كتير اوى ومحبش حد يقع فى نصبة او ينضحك عليه
ملحوووظة هاااااامة :::
ارجو من كل من يقرأ هذا الموضوع ويستافد منه الدعاء بالخير لى ولوالدى
وجزاكم الله خيراً