الموضوع: مشكلة حصلتلي ف محطة البنزين تحولت لخناقة

المشاركة الأصلية كتبت بواسطة eng.salama93

انا كنت بحط بنزين من شويه ( بنزين 80 ) المهم انا كل مره بدفع 40 جنيه ف 40 لتر
و دي فرده مع ان سعرهم عند الحكومة 36 جنيه بما فيهم مكسب للبنزينه
المره دي بقي ضربت ف دماغي اني اخد 42 لتر ب ال 40 جنيه
يعني كمان سايبلة 2 جنيه بقشيش و هو مرضيش بقي و فضل يزعق و بتاع
المهم قولتله دي عربية فلان الفلاني ( أبويا اللي هو مدير ادارة التموين ف المنطقة )
قعد يقولي مليش دعوه و معرفش ايه و هاته و بتاع قولتله طب والله لأبعت اجيبه
فا جالي ناس تانيه من البنزينه و بيتكلمو بإحترام و بتاع قولتلهم خلاص عشان خاطركم انتو ادفع 1000 جنيه مش 2 جنيه
و جيت احاسبه ع اللي هو عاوزه لقيته برضو بيقل ادبه
دلوقتي انا حكيت الكلام دا لأبويا و اتصل علي مكتب التموين كله و نزلو حمله ع البنزينة دلوقتي و مظبطينهم محاضر ( محاضر تزويد سعر و كدا مش بنتبلي عليهم )
انا حاسس بذنب مش عارف ليه
هو انا كدا غلطان ؟ :l_bhuhhh[1]:

دلوقتي ابويا لسه داخل البيت بيقولي اصحاب البنزينة جم و قعدو يتحايلو عليه و انهم ميعرفونيش و كدا و قعدو بتاع 3 ساعات يتحايلو عليه فا سكت

حقك ولازم طالما والدك يقدر يعاقب واحد حرامى بالقانون انه يشمعهالهم علشان يتعلموا وغيرهم يتعظ لان اكيد غيرك كتير متضرر وعلشان ميقدرش يعمل حاجه بيسكت فطالما والدك له علاقه بالموضوع ويقدر على الاقل يجيبله مخالفه يبقى خليه يعمل كده ومتترددش حتى لو جم اتأسفوا لانهم بيعتذرولك لانك كنت حتعاقبهم اانما غيرك اللى ميقدرش يا حيدفع يا حيتهان
رجاء لو مفيهاش ضرر ليك او لوالدك اقنعه ياخد معاهم اجراء لان فى ناس شغلها معتمد على البنزين ده والناس دى بيفرق معاها فرق الفلوس ده
تحياتى.

المشاركة الأصلية كتبت بواسطة eslamrace

حقك ولازم طالما والدك يقدر يعاقب واحد حرامى بالقانون انه يشمعهالهم علشان يتعلموا وغيرهم يتعظ لان اكيد غيرك كتير متضرر وعلشان ميقدرش يعمل حاجه بيسكت فطالما والدك له علاقه بالموضوع ويقدر على الاقل يجيبله مخالفه يبقى خليه يعمل كده ومتترددش حتى لو جم اتأسفوا لانهم بيعتذرولك لانك كنت حتعاقبهم اانما غيرك اللى ميقدرش يا حيدفع يا حيتهان
رجاء لو مفيهاش ضرر ليك او لوالدك اقنعه ياخد معاهم اجراء لان فى ناس شغلها معتمد على البنزين ده والناس دى بيفرق معاها فرق الفلوس ده
تحياتى.

هي تقريبا المشكلة دي انا كل فتره بعملها كدا يعني بقعد فتره امشيها حبي زي باقي الناس
و اجي ف مره واحده اكبس عليهم
و مره خليته يوقف بنزينه عن العمل لمده شهرين بسبب انهم كانو عاوزين يبيعو ال 10 لتر ب 20 جنيه ايام الأزمة

المشاركة الأصلية كتبت بواسطة eng.salama93

هي تقريبا المشكلة دي انا كل فتره بعملها كدا يعني بقعد فتره امشيها حبي زي باقي الناس
و اجي ف مره واحده اكبس عليهم
و مره خليته يوقف بنزينه عن العمل لمده شهرين بسبب انهم كانو عاوزين يبيعو ال 10 لتر ب 20 جنيه ايام الأزمة

طيب يبقى طالما هما مش بيتعظوا يبقى افضل حل تخلى والدك" لو يقدر" يصعد الموضوع ويعلى العقوبه اكتر .

المشاركة الأصلية كتبت بواسطة eslamrace

طيب يبقى طالما هما مش بيتعظوا يبقى افضل حل تخلى والدك" لو يقدر" يصعد الموضوع ويعلى العقوبه اكتر .

هي الخناقات حصلت قريبا قبل كدا ف كل بنزينات القناطر
هو يقدر يوقفهم لمده محدده او يغرمهم مبلغ
او حتي يتعنت و يبلطج و يمنعها فتره طويلة
بس ف الأول و الأخر في قانون و والدي اكيد ملوش سلطه مطلقة
و والدي راجل كبير و مريض مش حمل مشاكل و زعيق كل شوية

المشاركة الأصلية كتبت بواسطة 2code

لأ هو الفكره في ان والدك حب يطبق القانون امتى ؟؟؟؟

معلش انا هشوف الموضوع من ناحية تانية !!!!!!!!!

والدك حب يطبق القانون وقت ما حد ضايقك بس !!!! يعني لو كانوا مظبطينك هناك وحصلت معاهم مشكلة كان والدك راح وظبطلهم المحاضر ..... الخ وده اللي بيحصل في مصر بلاش حد يقولي مبيحصلش !!!!!!!!!

في فرق بين التقاعس عن العمل وده اللي بيعمله والدك قولي ليه ؟؟؟
لان في تسيب واهمال وهو مش بيراقب وسايب الدنيا على البحري الا لما حصلت معاك مشكلة

معلش كلامي هيضايقك اكيد بس دي الحقيقة وده الصح

صدقني لو كان والدك هو وكل واحد مسؤل في التموين او اي جهاز رقابي مكنش حصلت معاك المشكلة دي النهادرة

لانه هيكون عارف كويس ان فيه عقاب قوي ورادع

والله المستعان !!!!!!

اقسملك بالله العلي العظيم اني اول ما روحت و حكيت الكلام دا لوالدي مكنش مصدق ان اللتر بجنيه
و قعد يقولي والله العظيم ما اعرف
هو مبيركبش عربيات بقاله زمن