استفسارات في الباسات يا جماعة

**inspiron** · 24-02-2014 12:22 AM

استفسار بسيط من جهابذة القسم..عربيتي الباسات عايز أعرف أشغل الكورنر لايت ازاي بمعني لما ألف الدريكسيون يمين وشمال لمبة الشبورة تنور حسب الإتجاه.
وإيه Driver alert دي اللي موجودة في الـ menu بتاع الكمبيوتر.
الحاجة الأخيرة..صوت إنذار الحزام السخيف..لازم عشان ميفضلش يدي تنبيه إني أركب الحزام..هل في طريقة تانية أمنعه بيها ؟؟

**eng.salama93** · 24-02-2014 12:56 AM

اللي اقدر افيدك بيه هو حته الحزام دي
بيبقي في حاجة بتتباع ف محلات الإكسسوارات زي دي بالظبط كدا ... ( يلا يا عم و جبتهالك فولكس مخصوص اهو :D )

غير ان ممكن يكون في ظبط عن طريق الكنترول بتاع العربية و دا معرفوش :D

**man_22** · 24-02-2014 02:46 AM

موضوع النور لازم تفتح النور العالى هتلاقيه اشتغل مع لف الدريكسون وشكرا

**svneleven** · 24-02-2014 03:42 AM

موضوع الحزام رأيي حاول تتعود عليه لأنه فعلا مهم و مؤكد في أعضاء كتير هنا لو سألتهم هيقولولك أن ربنا جعل الحزام من أسباب نجاتهم من الموت في مواقف كتير. صدقني لو اتعودت علي الحزام مش هتعرف تمشي من غيره. هياخد شوية بس عشان تتعود عليه. و الله أنا من كتر ما اتعودت عليه باستخدمه لما انزل انقل العربية في الجراج من مكان لمكان تاني.