تزييق في عفشة ياريس 2008

**swimmer25** · 25-02-2014 10:58 AM

السلام عليكم أحلي شباب
عندي ياريس 2008 اتوماتيك عاملة 108 الف كم
مغير مساعدين قدام جديد أصلي
بقالي فترة بسمع صوت تزييق في حالة واحدة بس وهي الطلوع والنزول من علي مطب
غير كدا وحتي لو الأرض مكسرة شوية مفيش صوت ولا طقطقة ولا تزييق...الصوت بس في طلعة المطب والنزول منه...
صوت التزييق قدام وورا كمان...المشكلة من ايه؟

**Y a r i s** · 25-02-2014 11:40 AM

غريبة انا كنت فاكر ان صوت التزييق ده بيروح بمجرد ما تغير المساعدين. لاني كنت فاكر ان الجلب. بتاعت المساعدين بتنشف

**moe gawad** · 25-02-2014 12:05 PM

سيدى الفاضل ,,,,
اولاً :- لازم حضرتك تكشف على العفشه عند حد فاهم, يستحسن مهندس مش ميكانيكى , علشان الموضوع ده خطير و مش سهل , مشاكل العفشه انى اللى بايظ بيبوظ السليم , فاهمنى ياعنى ممكن حاجه سليمه حتى لو المساعدين السوسته تبوظهم,,,
ارجوك راجع العفشه فى اقرب وقت, المراجعه مجانا اعرف بس المشكله فين , وممكن تكلمنى اقولك هاتبوظلك حاجه تانى ولا لأ , ده لو تحب انى اساعدك طبعاً

**swimmer25** · 25-02-2014 01:31 PM

المشاركة الأصلية كتبت بواسطة y a r i s

غريبة انا كنت فاكر ان صوت التزييق ده بيروح بمجرد ما تغير المساعدين. لاني كنت فاكر ان الجلب. بتاعت المساعدين بتنشف

ايه جلب المساعدين دي...أنا غيرت المساعدين فقط لاغير !

**swimmer25** · 25-02-2014 01:33 PM

المشاركة الأصلية كتبت بواسطة nannah

اكشف على اتياش الميزان وبارات الاسكترة

اتياش الميزان اللي هي راكبة علي المساعد؟
لو هي أنا عندي الكاوتش اللي عليها متاكل تماما...ممكن تكون دي المشكلة؟
بارات الاسكترة اللي هي البار اللي عند العجلة بيحركها يمين وشمال؟

**swimmer25** · 25-02-2014 01:34 PM

المشاركة الأصلية كتبت بواسطة moe gawad

سيدى الفاضل ,,,,
اولاً :- لازم حضرتك تكشف على العفشه عند حد فاهم, يستحسن مهندس مش ميكانيكى , علشان الموضوع ده خطير و مش سهل , مشاكل العفشه انى اللى بايظ بيبوظ السليم , فاهمنى ياعنى ممكن حاجه سليمه حتى لو المساعدين السوسته تبوظهم,,,
ارجوك راجع العفشه فى اقرب وقت, المراجعه مجانا اعرف بس المشكله فين , وممكن تكلمنى اقولك هاتبوظلك حاجه تانى ولا لأ , ده لو تحب انى اساعدك طبعاً

كان نفسي بس العربية في الامارات وباخد نصيحة الأعضاء عشان ميتضحكش عليا هنا وساعات كتير بلاقيهم مش فاههمين أصلا فانا اللي بقولهم يغيروا القطعة المطلوبة

**swimmer25** · 25-02-2014 02:53 PM

كمان العفشة الخلفية فيها تزييق...ممكن يكون ايه؟

**Y a r i s** · 25-02-2014 05:20 PM

المشاركة الأصلية كتبت بواسطة swimmer25

ايه جلب المساعدين دي...أنا غيرت المساعدين فقط لاغير !

سويمر باشا
جلب المساعدين هيا. مش لو رفعت العربية. ورى بتلاقي المساعد من تحت ماسك في حته من الشاسية هتلاقيها بجوار السوسته ... ... وهيا تقدر تقول عليه المكان. الي بيربط المساعد في العربية.

طبعاً سبب المشكلة هو. عدم غسيل العربية الطين والبلاوي دي بتنشف الجلب. وكمان الغسيل الكتيرررر. للشاسية كمان برضو بيخرب الجلب ... طيب المشكلة دي بتبان. عند تالت تربع عربيات اليارس والكروله في فصل الشتااااااء .... في حل مؤقت زي البينج الموضعي كده جربتوا ونجح معايا. فترة ورجع تاني.

بص ياسيدي. هتجيب دبليو فورتي ( مزيل الصدء ) وتبخ في اي حاجة تحت العربية يتشبه انها. ممكن تزيق تحت العربية وطبعاً الكلام ده بعد ما تغسل شاسية. ... بعد اسبوع كده هتجيب. شحم ابيض اسبري بخاخ هات الامريكي وبخ يا سيدي في الاماكن التي يشتبه ان التزيق هيطلع منها. ... لكن. كل دي مسكنات زي البندول كولد اند فلو. بيوقف الزكام ٢٤ ساعه بس ما بيعالجش البرد .

الموضوع: تزييق في عفشة ياريس 2008

LinkBack

أدوات الموضوع

عرض

تزييق في عفشة ياريس 2008 - انشر الموضوع فى :

-

-

-

-

-

-

المواضيع المتشابهه

لكل اللي عنده مشكلة تزييق في عفشة اللوجان ......... الحل السحري

للمحترفين واصحاب الخبره .. تويوتا ياريس 2008 ولا نيسان تيدا 2008 ولا النترا 2008

صوت تزييق في عفشة السيتي.......

صوت تزييق فى عفشة اللوجان

كليو 2008 ولا هوندا سيتي 2008 ولا تويوتا ياريس 2008 ؟

الكلمات الدلالية لهذا الموضوع

المفضلات

المفضلات

ضوابط المشاركة