لكل اللي عنده مشكلة تزييق في عفشة اللوجان ......... الحل السحري

**akerima** · 20-06-2011 09:43 AM

لسلام عليكم

كنت من فترة غسلت العربية وبعد الغسيل حسيت ان العفشة بتزييق او بتكتتك لو ماشي بطئ في حتة مكسرة وكان الموضوع ده بجد عاملي قلق لاني بنزل النخيل كتير وهناك الطرق كلها مدششة ولازم تمشي بطئ وبالتالي تزيق العفشة حتمي وبجد كنت ابتديت اتخنق لغاية لما اكتشفت الحل السحري وباذن الله الاكيد للموضوع دا

white grease

https://www.khlubes.com/white-lithiu...ans-pi-67.html

او الشحم الابيض اسبراي بحوالي من 25 الي 26ج بس والله سحر بقالي كتير مامشتش بالعربية مكتومة بالطريقة دي لا تزييق ولا تخبيط والغريبة ان الباور بقي اخف وطريقة استخدامة من اسهل ما يكون - انت تغسل العربية غسلة حلوة وتنشف مطرح الجلب بالهوا كويس وبعدين تركب الانبوبة الرفيعة في البخاخ وترش علي كل جلب العربية من قدام ومن ورا خلص العلبة علي الجلب كلها بس يا معلم وامشي - احساس رائع الحمد لله

في محطة البنزين اللي عملت فيها الموضوع دا بيقولولي ان الشحم دا دايما بتوع العربيات الامريكاني و ال 4X4 بيعملو الحكاية دي كل 6 شهور عشان العربيات دي مفهاش مشاحم ولو اتحط شحم عادي بيلم تراب وفايدتة بتبقي اقل من ضررة لكن الشحم الابيض دا ما بيلمش تراب ومالوش اضرار

ودي كانت نهاية التزييق في اللوجان

تحذير هام - الاقي واحد بقي بعد كده طالع يقولي اللوجان بتزييق ابعدوا عنها يا اخواني الاعزاء جايز اكون انا حالة فردية الله اعلم

**roua2007** · 20-06-2011 10:07 AM

نيجيبة منين واسمة شحم ابيض بس

**akerima** · 20-06-2011 10:59 AM

من اي محطة بنزين نظيفة موبيل شيل المهم يكون عندهم ماركت وبتدخل تقولة عايز علبة شحم ابيض او ويت جريس

**Xlance2010** · 20-06-2011 11:17 AM

جزاك الله خيرا ونشكرك شكرا جزيلا للاقتراح الجميل وفعلا سننفذه فى أقرب فرصة ممكنة

**zkralla** · 20-06-2011 11:20 AM

شكرا على الإفادة ونقل التجربة

**akerima** · 20-06-2011 12:13 PM

مشكورين جميعا علي المشاركة ويا ريت لو حد اشتري يفيدنا بالنوع والسعر - لان انا فاكر انها كانت علبة بيضة في ازرق و ب26ج لكن مش فاكر نوعها اية

**Super_Star_h** · 20-06-2011 01:34 PM

حلو الشحم ده هبقى اجربه
انا مره شحمت بالشحم العادي والعربيه من بعدهاا بقت ولا حس ولا صوت

**akerima** · 20-06-2011 02:41 PM

المشاركة الأصلية كتبت بواسطة super_star_h

حلو الشحم ده هبقى اجربه
انا مره شحمت بالشحم العادي والعربيه من بعدهاا بقت ولا حس ولا صوت

ودا كمان احسن من الشحم العادي بكتير لان الشحم العادي ممكن مايوصلش لحتت انت عايزوا يوصل فيها للزوجتة العالية دا علاوة انة بعد فترة بيلم تراب وبتبقي فايدتة اقل من ضررة لكن دا شحم سايل والعلبة بيبقي معاها امبوبة طويلة وممكن بالامبوبة دب توصل لاماكن صعبة + ان ضغط البخاخ بتخلي الشحم يوصل لكل حتة محتاجة انها تتشحم ومع الوقت مابيلمش تراب لان الزيادات اللي المكان مش محتاجها بتنشف - بس طبعا عمرة الافتراضي اقل من عمر الشحم العادي يعني انت لازم تعمل الموضوع دا كل 6 شهور او سنة حسب الحاجة

**ahmedbakr50** · 20-06-2011 02:57 PM

شكرا للمعلومة

**a7madahly** · 20-06-2011 03:00 PM

طب ممكن يا akerimaتصورلنا الاماكن اللى بتترش فى العربيه بالسبراى دوة تصورهولنا بالمره عشان انا هعملها بنفسى وشكرا

الموضوع: لكل اللي عنده مشكلة تزييق في عفشة اللوجان ......... الحل السحري

LinkBack

أدوات الموضوع

عرض

لكل اللي عنده مشكلة تزييق في عفشة اللوجان ......... الحل السحري - انشر الموضوع فى :

-

-

-

-

-

-

-

المواضيع المتشابهه

الحل السحري للازمه المروريه في القاهرة

اللي عنده مشكله في التحميل من الرابيدشير او اي مواقع تحميل تانيه يدخل هنا عندي الحل

الحل السحري لفاتورة التليفونVoice over IP

صوت تزييق فى عفشة اللوجان

لمن عنده الحل مشكلة خطيرة فى الفرامل

الكلمات الدلالية لهذا الموضوع

المفضلات

المفضلات

ضوابط المشاركة