الموضوع: كهربة عربيتي هاتجنني المشط والموبينه

المشاركة الأصلية كتبت بواسطة حسام همام

السلام عليكم ورحمة اللي وبركاته
انا عضو جديد معاكوا هنا وانتوا نجدتي اليومين دول بصراحه
عربيتي عملت حادثه والحمد لله جت سليمه
شوية سمكرة كدة والحمد لله
المهم السمكري الله يباركلو فك كهربة العربيه وهوة شغال عشان البطاريه ماتتسرقش وخلص شغله وركب البطاريه ووصل الكهربا وادور مابتدورش
تلاتين مرة اخاول معاها مافيش فايدة وهوة مشكلته انو مش فاكر توصيلة مشط الكهربا بتاع الموبينه
خدناها زق لحد كهربائي قاللي المشط فاصل هات واحد غيرو
روحت اشتريت واحد غيرو وركبناه دور العربيه تلات مرات وفصل هوة كمان
هوة فيكا اركي ب140 جنيه اللي هوة البلاطه مابيتفكش
صعبت عالراجل قاللي هات القديم اعد يلعب فيه شويه وبعدين ركبو اشتغل كانت وصلة الارضي بتاعو فاصلة
ركبناه وقولت اغير الكلبيات بقا عايزين شغل نضيف
ركبنا الكلبيات ودور ياحاج مابتدورش
بصينا لاقينا الوصله اللي جايه للموبينه قاريه كهربا وانا شايل المفتاح من الكونتاك اساسا
فكينا الفيوزات كلها من تحت الكبوت ولسه فيها باور
مصيبه اجمل بقا
السنكري الجميل وهوة بيسمكر تاخر السلوك كلها جمب الدينامو
لما الدينامو دار فرتك السلوك كلها بقينا مزبهلين انا والكهربائي مش عارفين نوصل ايه بايه فين
المهم انا دلوقتي مش عارف اعمل ايه والكهربائي يئس معايا وبدأ يجود وعايز يعمل هوة بنفسو توصيلات من برة برة للكلاكس والنور والاشارات وكدة
حد يلخقني بقا لاهارمي عودين كبريت في تانك البنزين واخود العربيه بالحضن ونولع احنا اللي اتنين
معلس طولت عليكما بي اخوكوا فزنقه بس

وعليكم السلام ورحمة الله وبركاته
لاحولا ولا قوة الا بالله قدر الله ومشاء فعل المهم انتا بخير والباقى يتعوض باذن الله**

حضرتك غلطت ولابد ان تتحمل خطئك وعلى رئي المثل (قتيل ايدك متحزنش عليه)

السمكرى الاهطل ايه خلاه يجى نحية الكهرباء بتاعة العربية كان واجب منه ان يطلب منك تروح لكهربائى محترم يفك دايرة الكهرباء علشان يركبها بعد السمكرة وازاى يزيح الكبلات الى ان تنفرم من الدينمو دا ايه الغباء المستحكم دا***

الاسلاك فى الجهة اليمنى اللى هى نايح الدينمو دى اسلاك الكشافات الامامية والدينمو والمروحة اما الكلاكسات وساعة الزيت دى كبلاتها فى الشمال من تحت القرب بتاعة المية**

حتلاقى سلك كتاوت الدينمو زرقاء دا فى الغالب المؤكد**

باقلى الاسلاك خلافة يعمل مشكلة فى النور العالى والواطى**

وتقريبا هى الوان فالكهربائى يربط كل لون مع لونة ولو فرق سلك او سلكين يجرب بالتبادل حتى يتم ربط الاسلاك***

حضرتك عاوز تروح لهرباء محترم مش اى كلام يظبط ليك الضفيرة ومش كل من مسك مفك او بنسة يبقى كهربائى لالالالالالالالالالالافى بقر كتيييييييييييييير لابسة افرول وماسكة مفك تيست تيست تيست ***ربنا يهدى**

انا شايف برضه انك بدل ماتغير المشط والبوبينة الالكترونى تغير الكهربائى نفسة الأول علشان ده شكلة حمار وتشوف واحد فاهم يركبلك مشط جديد ويظبط الأسلاك ويدور العربية وحسبى الله ونعم الوكيل فى الصنايعية دى وربنا يقويك !!