هل جربت المشط الاكتروني الصيني

**heronasser** · 09-06-2009 10:52 PM

اليوم سالت عن مشط الكتروني للشاهين الراجل قالي في ب 150 و 125 و115 و90 و 60 صيني يا تري الافضل ايه منهم عن تجربه اي صناعه افضل ان الواضح انهم انواع كثير قول تجربتك ...........

**Ashraf_Ashraf** · 09-06-2009 10:53 PM

كل انواع الامشاط للشاهين مضروبه بتشترى انت وحظك
وعموما الثقه عندى منعدمه تماما فى الصينى
الله يعينك

**sab3aawy** · 11-06-2009 03:30 PM

هو كله صينى صينى صينى مافيش تايوانى (على وزن هو كله ضرب ضرب ضرب مافيش شتيمة؟)

الصينى انت وحظك ممكن تجيبه ويعيش العمر وممكن تجيبه وميروحكش البيت، كل اللى اقدر انصحك بيه انك اشترى المشط اللى شكله انضف، ولو اشتغل معاك وكان كويس اشترى واحد تانى وخليه معاك احتيطاى واتعلم ازاى تغيره

بس لو تلاقى حاجة من بلد تانية هتكون افضل، ودور هتلاقى ،لأن الفكرة ان بياعين قطع الغيار بيحاولوا يسدوا عليك السبل عشان تشترى القطعة الصينى لانه بيكسب فيها الدبل ، لكن لو رحت لحد متخصص هتلاقى قطع اصلية، جرب الكيلانى فى شارع شامبليون وهشام لهيطة فى شارع زكى فى وسط القاهرة

**samirayad** · 11-06-2009 08:53 PM

على رأى أخونا محمد ممدوح : شعار المنتج الصينى ....أشترينى وأرمينى ...........هههههههههههه

**michohat** · 12-06-2009 12:12 AM

هوا ايه المشط الالكترونى ده و بيعمل ايه

**samirayad** · 12-06-2009 01:14 AM

المشط الألكترونى ....وظيفته بيأخد فولت البطاريه الصغير ويقطعه ويوديه للبوبينا (لأن البوبينا بنعتبرها محول لرفع الجهد الكهربى وعلشان نرفع الجهد لازم يتم تقطيع الفولت بتاع البطاريه جوه المشط ....لأن أى محول كهربى بيشتغل على تيار غير ثابت الموجه .....متقطع يعنى ) علشان يتم رفع ال12 فولت الى آلاف الفولتات العاليه(جوه البوبينا الأول ) اللى حتروح للأسبراتير ويوزعها على البوجيهات ( وهو بيقوم بنفس دور الأبلاتين والكوندسر فى الأسبراتير العادى )...........يعنى بيقوم بدور الأبلاتين تقريبا ............بس بطريقه الكترونيه

**horeen** · 26-08-2009 11:13 AM

فيه مشط تركى انا جايبه وزى الفل ي110 وربنا يوفقك

**amrbakly** · 26-08-2009 01:54 PM

و لية صيني يا عمنا

انا جايب الإية سي الإيطالي من عند الكيلاني بـ 100 جنية و علي فكرة بتاع الأونو هو هو بتاع الشاهين حسب كلام الكهربائي بتاعي

روح هاتة انا لسة مغيرة من شهر و الدنيا زي الفل

حتلاقي الماجنيت ماريللي عامل 130 تركي