الموضوع: معروض عليا عربيه رينو ومحتار !! :( ارجو المساعده

اسعار قطع غيار اللوجان داخل التوكيل غالية بغباء بالنسبة لعربية اقتصادية .
انما قطع الغيار خارج التوكيل اغلي نسبياً من اللانوس والفيرنا ، يعني مثلاً عندك فلتر الهوا الأصلي ب 65 جنيه و فلتر الزيت 35 الي 40 جنيه ، اعتقد البيجوهات البوش في حدود 115 جنيه ، في النهاية الفرق مش كبير اوي في الأسعار بينها وبين اللانوس والفيرنا بس في المقابل حتاخد امان ، والعربية فيها ايموبلايزر ، مش زي الفرنا واللانوس عيل بطفاشة يسرقها ، القعدة فيها مريحة جداً رجليك مش حتلزق في صدرك ، واسعة جداً وعالية عن الأرض ، نصيحة لو حالة العربية حلوة هاتها ، وياريت تاخده علي التوكيل تكشف عليها ب 500 جنيه وتطمن

شكرآ لردك اخ المحامى :) , هل يوجد توكيل لها فى مدينه نصر ؟ وهل التوكيل بيقيم سعر العربيه يعنى بيديلها سعر ولا بيكشف فقط عليها ؟؟

المشاركة الأصلية كتبت بواسطة speroo2010

شكرآ لردك اخ المحامى :) , هل يوجد توكيل لها فى مدينه نصر ؟ وهل التوكيل بيقيم سعر العربيه يعنى بيديلها سعر ولا بيكشف فقط عليها ؟؟

عندك توكيل في العبور وفي واحد في ابو رواش بيكشف عليها ويديك شهادة بكدا ، مبيقدرش السعر ، العربية لو حالتها حلوة ومش رشة تبقي لقطة بالسعر دا .
كلمهم يحددولك ميعاد للفحص

المشاركة الأصلية كتبت بواسطة adel_edrees

ماعلش أنا حأختلف مع الأخرين الرينو ما تشتريهاش ألا لو كانت زيرو الفلوانس و الميجان و اللوجان و السانديرو والداستر عربيات حلوة مافيش كلام لكن أنت حتشترى العربية مش عارف اللى فيها أشترى فيرنأ أو لانوس أتعلم فيهم و بعدين بيعهم و جيب لوجان موديل قريب العربية حترخص لأن الموديل الجديد نازل فالقديم حيرخص و الله أعلم

كلامك جميل جدا بس انا اول مره اشترى بس بقول اجيب بالمره حاجه وسط مش عاو انزل جامد للفيرنا والانوس وكده :)

بص يا اخ سبيرو انا مش هرغي كتير بس هقولك شيء

انت بتتعلم في عربية صح ؟ اخرك ايه اللي ممكن يحصل فيها ؟؟ شوية خبطات من الخارج صح ؟
و لا ناوي تاخدها و تطير علي الفورميولا 1
و هتفضل تتعلم اد ايه يعني شهر .. اتنين ؟؟ مش اكتر من كدة
يعني هات عربية تستاهل
و بالنسبة للرينو زمان فعلا كانت الخدمة سيئة جدا في وفير قطع الغيار بس مع اللوجان بالذات ما شاء الله التوكيل طور من نفسه كتير جدا و تلافي اخطاء الماضي و بيقدم خدمة حلوة للعربية و قطع الغيار متوفرة خارج التوكيل
و بالنسبة لتشتري رينو و لا حاجة تانيه هقولك شيء بسيط
عربيه فرنساوي بسمعه كويسة و واوبشن و متانة و فرنسسسسسسسسسسسسسسساوي
و لا تاخد بنفس السعر كوري
مش هدخل بقي في تفاصيل و اقولك ان تصميم فيرنا فيه مشاكل من حيث الاتزان و لا انها بتعوم بعد ال 140 و لا ده كله و لا هقولك اللانوس جسمها تقيل علي موتورها و عربيه عاملة زي الشاهين كده و لا فيها اي شيء من الرفاهيه من قعده حلوة حتي يا اخي
بس كل اللي هقولهولك قارن بين منتج فرنساوي و منتج كوري

المشاركة الأصلية كتبت بواسطة medo84eg

بص يا اخ سبيرو انا مش هرغي كتير بس هقولك شيء

انت بتتعلم في عربية صح ؟ اخرك ايه اللي ممكن يحصل فيها ؟؟ شوية خبطات من الخارج صح ؟
و لا ناوي تاخدها و تطير علي الفورميولا 1
و هتفضل تتعلم اد ايه يعني شهر .. اتنين ؟؟ مش اكتر من كدة
يعني هات عربية تستاهل
و بالنسبة للرينو زمان فعلا كانت الخدمة سيئة جدا في وفير قطع الغيار بس مع اللوجان بالذات ما شاء الله التوكيل طور من نفسه كتير جدا و تلافي اخطاء الماضي و بيقدم خدمة حلوة للعربية و قطع الغيار متوفرة خارج التوكيل
و بالنسبة لتشتري رينو و لا حاجة تانيه هقولك شيء بسيط
عربيه فرنساوي بسمعه كويسة و واوبشن و متانة و فرنسسسسسسسسسسسسسسساوي
و لا تاخد بنفس السعر كوري
مش هدخل بقي في تفاصيل و اقولك ان تصميم فيرنا فيه مشاكل من حيث الاتزان و لا انها بتعوم بعد ال 140 و لا ده كله و لا هقولك اللانوس جسمها تقيل علي موتورها و عربيه عاملة زي الشاهين كده و لا فيها اي شيء من الرفاهيه من قعده حلوة حتي يا اخي
بس كل اللي هقولهولك قارن بين منتج فرنساوي و منتج كوري

تـسلم ياباشا انت اختصرت الحكايه كده ;) انا روحت واتفقت خلاص , بس دلوقتى عاوز اركبلها ريموت لان هى مفتاح عادى يعنى سنسور ريموت , ده يكون فى حدود كام كده وتركيبه بياخد وقت طويل وهل ينفع بره التوكيل ؟؟

اشتريت يا باشا