طلب مساعده معروض عليا عربيه 127

**النوبي** · 28-09-2009 11:00 AM

السلام عليكم
الاول احب اشرح ظروفي علشان اللي يقدر يشور عليا يشور صح
اولا انا معايا عربيه a620 اسبيرانزا ودي شركه بيني انا واخواتي 3 كمان غيري المهم انا اتجوزت من قريب وكنت بفكر اشتري عربيه خاصه بيا انا والمدام وكنت بفكر اني اشتري بيجو 207 مستعمل المهم قلت ما استعجلش واجيب عربيه ربع عمر علشان المدام تتعلم عليها اقعد بيها سنه مثلا وبعد كده اول ما يكون معايا مبلغ محترم اشتري حاجه نضيفه الماني او فرنساوي
النقطه الحاسمه
امبارح باليل كنت بكلم واحد صاحبي وعرض عليا عربيه 127 (معرفش موديل كام )النهارده بالليل التفاصيل ان شاء الله وصورها (هي اربعه باب مش بابين) ومبدئيا الراجل صاحبها طالب 9 الاف وممكن تنزل 500 جنيه كمان
اطلب نصيحتكم افادكم الله في السعر وكمان اخلي باللي من ايه وانا بشتريها ولا استني كمان سنه ولا اتنين وبالمره اشتري حاجه نضيفه وخلاص (بس الخوف ساعتها من المدام علشان هتتعلم عليها)

**أبو إياد** · 28-09-2009 03:18 PM

بالنسبه للـ 127 يفضل ان يكون رقم الشاسيه مطبوع على الكارتيره وليس القائم وبينى وبينك موضوع انها تكون رشه دواخل او لا مش فارق الاهم حاله العربيه ( موتور - عفشه - صالون - صاج ) علشان متصرفش عليها وتكرهها
وربنا يباركلك فيها وطبعا لو نصر اخرها هايكون 83 ولو فيورا من 84 الى 87 ودى فارقه فى الفوانيس والشبكه والعدادات والتابلوه وهوايات الزجاج والزجاج الخلفى

**النوبي** · 29-09-2009 05:22 AM

والله الف شكر يباشا علي ردك الجميل
بس مع الاسف الراجل اللي مكلمني لسه ما ردش عليا والظاهر انها اتباعت
انا شايف انها كانت هتكون مناسبه للتعليم عليها
علي العموم لو لسه موجوده ورد عليا بكره هنزل صورها الاول علشان اخد رايك
ومره تانيه الف شكر علي المعلومه المفيده و يباشا ربنا يباركلي فيك

**النوبي** · 03-10-2009 03:17 AM

بسم الله الرحمن الرحيم
النهارده رحت وشفت العربيه طلعت تعبانه من جميع النواحي وصاحبها عايز عشره الاف وعايزه مصاريف جامده

وبعد كده مرضيتش بيها والميكانيكي لما سمع مني انا محتاجها ليه راح باعتني لواحد صاحبه وشفت هناك عربيه سيات صغنونه اللي متورها ورا بس بجد حلوه ومصروف عليها بضمير ورخصه تلات سنين وعمره متور كامله مكلفه صاحبها 2000 جنيه وفرش نضيف وبعد ده كله عايز 7000
بس المشكله اني كل ما اشور حد في الموضوع ده يقولي ابعد عنها دي موتورها ورا دي بتسخن دي بتبقي ولعه دي مش عارف ايه دي وحشه
وفي الاخر انا مش عارف اعمل ايه ودي صورها (الراجل دورها قدامي ودارت علطول وصوت الموتور جميل بجد ولا لما فتح باب العربيه بجد عربيه متصانه مش متهانه)

مين دي ؟

انتي ايه اللي جابك هنا

**النوبي** · 04-10-2009 09:17 AM

بارك الله فيكم يا شباب انا بجد بعد كلامكم ده فكرت كويس ومش هاخدها وهستني شويه كده كده مش هتفرق كتير احسن ما الواحد يدبس في حاجه زي كده
ومره تانيه الف شكر يا جماعه لاني بجد كنت محتار وكنت في الاغلب هشتريها(استرخاص مش اكتر) علشان المدام تخبط فيها براحتها
بس الواحد يهين قرشه ولا يهين نفسه

**zezo13178** · 13-10-2009 10:10 AM

ال127 اللي في الصوره دي ضايعه اوعي تاخدها لو ببلاش الحاجه الوحيده الكويسه في العربيه دي يمكن تكون البطاريه شكلها جديد اما السيات مانصحكش بيها عموما
شوف 128 او بيتيلز تكون حلوه احسن من ميت 127

-

-

-

الموضوع: طلب مساعده معروض عليا عربيه 127

LinkBack

أدوات الموضوع

عرض

طلب مساعده معروض عليا عربيه 127 - انشر الموضوع فى :

-

-

-

-

المواضيع المتشابهه

معروض عليا عربيه تويوتا شبه اللامبرجينى كدة و بسعر قليل جدا أعمل أية ؟

معروض عليا عربيه سينا 2004

معروض عليا الموتسكل ده بس مش عارف اذا كان مغلي عليا ولا لا

معروض عليا عربيه مالهاش رخص ولا أى حاجة تثبت إنها عربيه إلا مفاتيح أعمل أية !!؟

معروض عليا عربيه سيقيك من سيارات تخليص الجمرك فى بورسعيد

الكلمات الدلالية لهذا الموضوع

المفضلات

المفضلات

ضوابط المشاركة