الموضوع: مقابلة المنتدي السابعة

بسم الله الرحمن الرحيم

نقلا عن كريم منير ...

السلام عليكم ورحمه الله
كل سنة وانتم طيبين
بفضل الله تعالى اتممنا 7 سنين كاملين من عمر المنتدى و بفضل الله تعالى نبدأ عامنا الثامن
ان شاء الله هنحتفل مع بعض زى كل سنة بعيد ميلاد المنتدى
والسنة دى هنعمل المقابلة خارج القاهرة وفى مكان قريب برضه بناء على طلب العديد من الاعضاء
اننا نحتفل ونغير جو في نفس الوقت ونبعد عن القاهر وجوها ونشم هوا البحر ونستمتع بيوم مختلف
ان شاء الله هنتقابل الجمعة 4/4/2014
في فندق بالميرا العين السخنة
داى يوز قضاء يوم كامل على حمام السباحة والبحر مع غذاء ست منيو ب 160 جنيه للفرد
الطفل تحت 6 سنوات مجانا و من 6 ل 12 سنة نصف فرد

حاولنا نجيب فندق بسعر اقل من كده ولاقينا فعلا ب 120 الفرد و ب 130 بس قابلنا شكاوى كتير من الفنادق دى
سواء من ناحية الاهمال وقلة النظافة وانتشار الذباب فى الغرف والمطاعم او سوء الشواطئ من صخور وعدم امكانية النزول فيها لصعوبة طبيعتها
وايضا عدم نظافة حمامات السباحة
لذلك اختارنا مكان يمكن يكون اغلى نسبيا لكنه افضل في كل حاجة بحيث تقضوا يوم حلو وميكونش في اى شئ يعكر استمتاعكم باليوم




كمان السنادي في تورتاية زي ما عودناكم ومش هانعملها في الاوتيل هانعملها عند حلواني كبير وشهير عشان نلاقي حاجة حلوة بجد زى السنة اللى فاتت كده ان شاء الله

وكمان في مفاجئات يوم الاحتفال وفي هدايا قيمة وخصومات مذهلة بجد هتعدى ال 160 بكتير ;)
هيحصل عليها الحضور فقط ومش هنعلن عنها هنخليها مفاجأة :)

الحجز من دلوقتي لغاية يوم الثلاثاء 25 مارس عشان اعمل تاكيد مع الاوتيل بالعدد
يعني معاكم لحد ما القبض الجدي ينزل :)
الفرد 160
رقم الحساب كلكم عارفينه تحط رقم المبلغ وتبعتلي الاسماء برسالة على الميل اللي في توقيعي
736-10029904283-96
كريم سراج منير
qnb الاهلى
البنك الاهلي سوستيه جينرال سابقا
وكمان وانت بتعمل الايداع تكتب اسمك ثلاثي تاكد على الكاشير يدخل اسمك الثلاثي عشان اعرف راسي من رجلي الله يكرمكم

في انتظاركم وكل عام وانتم بخير
وان شاء الله يكون يوم ما يتنسيش زي كل ايام نايل موتورز
المكان عالخريطة
http://www.booking.com/hotel/eg/palm...l#tab-location