مقابلة نمور كيا السابعة وفطار جماعى يوم 25 رمضان ...

**ابو ليلى** · 16-07-2013 01:18 AM

السلام عليكم ورحمة الله وبركاته

كل سنة وانتم طيبن ورمضان كريم عليكم وعلى الامة الاسلامية جميعا
من فترة كبيرة معملناش مقابلة رسمية لقسم كيا وطبعا ده راجع لاحوال البلد اخر مقابلة كانت فى شهر 9/2012 وده التقرير بتاعها
http://www.nilemotors.net/Nile/308458-a.html

وكل ما كان الواحد يقرر تطلع احداث كتيرة تحبط اكتر ولان تنظيم مقابلة رسمية للقسم بيحتاج تنظيم معين وتليق بقسم كيا كما هى العادة فى مقابلاتنا
وبما ان الاحداث مش بتخلص تقرر تنظيم المقابلة السابعة للقسم ولاول مرة خلال شهر رمضان المعظم فى فطار جماعى يجمعنا كلنا سواء من داخل
قسمنا الحبيب او من خارجه من باقى الاقسام المختلفة كما هى العادة بيشرفونا فى كل مقابلة
المقابلة بأذن الله هتكون يوم 2/8/2013 الجمعة 25 رمضان
اختيار المكان كان مهم لانه فطار وناس جعانة وفلوس مدفوعة وانا عندى عيال بجرى عليهم .

فى كلامى مع صديقى احمد عادل ( السويدى ) اللى محدش يعرفه فى المنتدى غيرى لانه مش بيشارك بيحضر مقابلات بس وكل المقابلات اللى اتعملت
كان حاضر فيها لقيت عنده الحل فى المكان والراجل الصراحة جاب عرض سعر انا شايفه مميز بالنسبة لنوعية الفطار نخش فى المهم
المكان مطعم كافيار – ميدان الرماية الهرم بجوار بنزينة موبيل المطعم متخصص فى الاكلات البحرية
https://www.facebook.com/CAVIAR.Restaurant

يعنى الفسفور كله والكل هينور بأذن الله ( اللى يقرا الموضوع وهو صايم ياجله لبعد الفطار احسن ) شوف يا سيدى جيبلنا ايه لكل فرد :
عصير رمضان نوعين + مياه + سلاطة نوعين + شوربة سى فود + كفتة جمبرى + رز صيادية .... ها كفاية ولا نقول كمان ... نقول كمان
طاجن كلامارى + سمكة بورى مشوية + جمبرى وسط + حلويات شرقية
ها لسه جعانين كفاية كدة .... طبعا وجبة بسم الله ماشاء الله بالف هنا وشفا عليكم انا شايف واحد بيقول بس انا مش باكل سمك ...؟
هقله هتندم بس عندنا الحل فى المشويات وجبة بديلة بتتكون من
عصير رمضان نوعين + مياه + سلاطة نوعين + شوربة لسان عصفور + سمبوسك قطعتين + رز ابيض + طاجن خضار + نص فرخة + حلويات شرقية
طيب وعلى كده هندفع كام....
كل اللى فات ده ب 80 ج فى مطعم يعتبر مميز ويشرف اى حد
المشكلة اللى بتقبلنى انا شخصيا لما تكون فى مقابلة وفيها اكل لانه بيكون بالحجز على حسب العدد لانه بيكون مدفوع مقدم يعنى اللى هيقول هيجى يبقى
عارف انى هدفع تمن وجبته علشان كده فكرت فى فكرة تحويل فلوس قبل الحضور وده هيكون من خلال فودافون كاش وطريقة دفعه سهلة جدا هتخش
على اللينك ده وهتعرف التفاصيل كلها
ڤودافون كاش
والتحويل هيكون على رقمى الشخصى 01006033228

بعد الاكل بأذن الله هنتحرك كلنا ونروح نقعد على قهوة فى شارع اللبينى فى المريوطية اللى قعدنا عليها المرة اللى فاتت اسمها قهوة بلدى فى قاعدة حلوة
وفيها اماكن كتير لركن العربيات واللى مش حابب يحضر الفطار ينورنا على القهوة على حوالى الساعة 8 م بأذن الله .... الفكرة مش فطار ولا اكل الفكرة
فى التجمع مع ناس بنشوفهم هنا ونفسنا نتعرف عليهم اتمنى اننا نقضى يوم جميل مع بعض بأذن الله ..

**moha4tec** · 16-07-2013 01:43 AM

كل سنه و انتم طيبين . و باذن الله تكون مقابله مشرفه و كبيره جدا كالعاده .
بس لى ملاحظه : الاكل كتير اوى اوى هههههههههههههه و هنقعد على القهوه بعد كده امال هنهضم ازاى مش لازم نعمل مجهود و الا ايه .
عوزين نعمل ماتش كوره مثلا .و بعد كده القهوه .

**ابو ليلى** · 16-07-2013 01:49 AM

المشاركة الأصلية كتبت بواسطة tarek_rcc

كل سنة وانت طيب يا كبيير ،،، وكل اعضاء القسم المحترمين
بس فى ظل الاجواء دى ربنا يستر

سيبك بقى من الاجواء ماهى اللى خلتنا ناجل مقابلاتنا كل ده ثم احنا هنكون بعيد عن الاحداث اصلا ... فكر بس انت

المشاركة الأصلية كتبت بواسطة moha4tec

كل سنه و انتم طيبين . و باذن الله تكون مقابله مشرفه و كبيره جدا كالعاده .
بس لى ملاحظه : الاكل كتير اوى اوى هههههههههههههه و هنقعد على القهوه بعد كده امال هنهضم ازاى مش لازم نعمل مجهود و الا ايه .
عوزين نعمل ماتش كوره مثلا .و بعد كده القهوه .

بالف هنا وشفا امال عاوز نمور كيا يفطرو ايه ده اقل حاجه عندنا

**TheUnknown** · 16-07-2013 02:30 AM

ان شاء الله اكون معاكوا

**medo_sirion** · 16-07-2013 11:47 AM

والناس الي جيه من بره القاهره مافيش خريطه للمكان او وصف ليه مثلا من الدائري

**SAMEH_FOUAD** · 16-07-2013 02:38 PM

فطار سعيد ان شاء الله وكل سنة وانتوا طيبين ورمضان كريم

**ابو ليلى** · 16-07-2013 07:48 PM

المشاركة الأصلية كتبت بواسطة theunknown

ان شاء الله اكون معاكوا

معندكش حجة المرة دى وحشنى يابنى

المشاركة الأصلية كتبت بواسطة medo_sirion

والناس الي جيه من بره القاهره مافيش خريطه للمكان او وصف ليه مثلا من الدائري

ميدان الرماية مشهور جدا وهو اخر شارع الهرم هتنزل من المريوطية ع الدائرى ومشى على طول لحد شارع الهرم وبعدين
يمين اجبارى شارع الهرم مع اول ملف شمال وتكمل الى اخر شارع الهرم
وتمشى اجبارى شمال لحد بنزينة موبيل
معلش انا ماليش فى موضوع الخرائط ده لو حد يعرف من الاخوة اللى عرفو العنوان ياريت ينزلوها

المشاركة الأصلية كتبت بواسطة sameh_fouad

فطار سعيد ان شاء الله وكل سنة وانتوا طيبين ورمضان كريم

وانت طيب يا صديقى طبعا انت مش محتاج عزومة لان الفطار مش هيكون سعيد غير بالصحبة الحلوة

**Ahmod** · 16-07-2013 09:55 PM

كل سنة وانتو طيبين ورمضان كريم علينا كلنا

بالنسبة للى عايز يجي ومابيكلش اي حاجة من الماكولات البحرية ؟؟؟

هل فيه بدائل ولا المطعم اكل بحري فقط ؟؟

**ابو ليلى** · 17-07-2013 12:27 AM

وانت طيب يا كبير
فى بديل طبعا بس راجع الموضوع تانى

-

الموضوع: مقابلة نمور كيا السابعة وفطار جماعى يوم 25 رمضان ...

LinkBack

أدوات الموضوع

عرض

مقابلة نمور كيا السابعة وفطار جماعى يوم 25 رمضان ... - انشر الموضوع فى :

-

-

-

-

-

-

المواضيع المتشابهه

صور مقابلة نمور كيا جاردينيا

مقابلة نمور كيا فى الهرم ......6/10/2012

مقابلة نمور كيا السادسة 14/9/2012 ......مين قال جى

كل عام وانتم بخير ..يا نمور كيا ....رمضان كريم

الكلمات الدلالية لهذا الموضوع

المفضلات

المفضلات

ضوابط المشاركة