الموضوع: مشكلة مع مشترى السيارة

[justify]

السلام عليكم و رحمة الله و بركاتة

حدثت لى مشكلة مع مشترى السيارة و مش عارف اعمل ايه

الموضوع انة تم بيع السيارة الخاصة بى الى المشترى و قام بفحص السيارة عند السمكرى و الميكانيكى و بتاع العفشة و كلهم معارفه ودا حقة انه يكشف على العربية وزى ما هوا عايز

المهم تم الاتفاق على البيع وكان يوم 5-3-2014 و تم عمل عقد البيع و كلة تمام و حجز مبلغ 3000 جنية من باقى القيمة عقبال ما اعمل ليه شهادة مخالفات و توكيل بيع لنفسة او الغير
لاقيتة تانى يوم 6-3-2014 على طول اتصل بيا و قالى العربية مش ها تنفعنى لانى رحت بيها للمنوفية عند سمكرى صاحبة علشان يظبط ليه شوية حاجات فى العربية و الكلام دا تليفونيا قولته خلاص مفيش مشكلة فلوسك موجودة تعال خدها الباشا لاقية جايب العربية مخبوطة من قدام الشبكة اتفشفشت و فانوس العربية مكسور و الاكصدام معووج و الرفرف مخبوط خابطة جامدة جدا رغم ان العربية 131 بتستحمل الخبطات لكن دى مش طبيعية و كابوت العربية لاقيته معووج مش فى مكانة الطبيعى و فيه خرطوم من الريداتير للماتور لاقية مغيرة علشان خرج من مكانة و جايب ماية و بتنزل منه لانه مش مربوط كويس المهم منظر العربية معجبنيش و اتضايقت و بيقولى دى اتخبطت و هيا واقفة فى الجراج طبعا كلام مش مقنع نهائيا و مش راضى يقولى هيا اتخبطت فين و لا ايه اللى الحصل و خايف اخد العربية الاقى فيها مشاكل و اتحمل انا تكاليفها غير الله اعلم هوا خبط ايه و لا عمل ايه

فا يريت حد يقولى ايه اللى اعمله معاه و يرجع ليه حقى و يحمينى من اى مسئالات قانونية

وهل ارجع العربية و لا اروح لمحامى يجيب ليه حقى

و شكرا لكم

[/justify]