مشكلة مع مشترى السيارة

**Sherif Mandoor** · 07-03-2014 03:51 PM

ياباشا متسيبش حقك هو ممكن خبط العربيه عشان مايدفعش الباقى وتقوله عوضنا على الله لو عايز يرجع العربيه فعلا شوف الخبطه تتكلف عند اى سمكرى تبعك واخصمها من حسابه

**Dr.Rayyan** · 07-03-2014 05:10 PM

العربيه دي ما ترجعش اصلا

**aboomar22** · 07-03-2014 05:11 PM

الى صاحب الموضوع ---عايز اقولك كلمة واحدة --انت رجل محترم

**eng wael** · 07-03-2014 06:01 PM

المشاركة الأصلية كتبت بواسطة aboomar22

الى صاحب الموضوع ---عايز اقولك كلمة واحدة --انت رجل محترم

هوا فعلا راجل محترم وده لا غبار عليه انما الراجل التانى بن تييييييييييييييييت وده اللى احنا بنتكلم فيه

**Eng.ma7moud** · 07-03-2014 07:17 PM

طبعآ اوعى ترجعلة العقد الى بينكم و علشان توثق الموضوع دة تحت اى ظرف روح اعمل محضر فى قسم الشرطة و ازكر كل حاجة حصلت علشان لاقدر الله لو كان الحادثة دية فيها ارواح لا قدر الله و تانى حاجة بردوا علشان تطلع نفسك من المشاكل مع الراجل دة

**Medo79** · 07-03-2014 07:36 PM

انا و الله رغم انى مش بشارك فى المنتدى هنا و دى اول مرة اشارك لكن اقسم بالله حاسس انى قاعد مع اهلى بجد انا بشكركم جدا جدا على ردودكم و تفعالكم و نصايحكم لية فى الموضوع و بردو يكون مرجع لاى حد يتعلم قبل ما يتعامل سواء فى شراء او بيع اى عربية لازم يكون حذر فى التعامل مع الناس و ان دى لو امرة يتعامل مش عيب انه يسأل عن كل كبيرة و صغيرة و جزاكم الله خير

**temokemo** · 07-03-2014 09:00 PM

المشاركة الأصلية كتبت بواسطة mostafa.eid

انصح اي شخص يبيع عربيته يكتب عقد ابتدائي وورقه صغيره بخط الايد يكت صاحب العربيه الجديد انه استلم عربيه كذا ومواصفتها واليوم والساعه يكتب في الورقه ويمضي عليها ورقم البطاقه ... والبائع تكون معاه الورقه علشان المواقف اللي بتحصل ديه .. ده ممكن يعمل بيعها كارثه ولا يخبط بيها شخص يموته والبائع هو اللي هيتحاسب لاني العربيه باسمه

الكلام دي هو الكلام المفروض يتعمل

**moh_rag_abd** · 07-03-2014 09:23 PM

المفروض مترجعشي العربية
هو كشف عليها قبل ما تكتب العقد فبالتالي العربية بقت بتاعتو ومفيش حاجة اسمها يرجع في كلامو
اتمسك بموقفك انك بعت العربية والاتفاق تم
وحاول يكون معاك حد من اصحابك قرايبك لازم يكون متواجد معاك

**moh_rag_abd** · 07-03-2014 09:26 PM

وعلي فكرة المشتري هو اللي تحت ضرسك زي ما بيقولو
انت ليك 3000 بس لكن هو ليه التوكيل اللي بتمن العربية
اوعي تعملو توكيل قبل ما يدفعلك الباقي
واتمسك بحقك ان العربية مترجعشي غير بالاتفاق بينكم وتكون بحالتها الاصلية
ولو مدفعشي ال 3000 متعملشي التوكيل واطلع ع القسم وبلغ (أسال محامي فيها)
وخليه يشرب العربية
تحياتي
اخوك محمد رجب

**body7733** · 08-03-2014 07:06 AM

اوعى ترجع العربيه هو كشف عليها بمعرفته
وشاف وعاين واتفق وكتبته عقود
اتمسك بانك مش هترجعها خالص وطالبه بالمبلغ اللى باقى
ولو مرضيش متعملوش التوكيل واطلع على القسم واعمل محضر اثبات حاله بالموضوع
واعلى ما عنده يعمله هو كده كده المفرض العربيه مترجش لانه خبطها والله اعلم عمل بيها ايه
اوعى ترجعها خالص