تركيب انذار وباركنج سنسور للوجان

**mkaram84** · 10-03-2014 11:54 AM

السلام عليكم يا اجدع منتدي

انا نويت ان شاء الله اركب انذار وباركنج سينسور لعربيتي لوجان اوتو 2014 ومعلش استحملوني في اسئلتي شوية:
1- هل التوكيل بيركبهم؟ وبكام؟
2- ولو بره التوكيل- ايه احسن مكان يركبهم وميلعبش كتير في ضفيرة الكهربا؟
3- وايه احسن الانواع سواء للانذار او الباركنج سنسور؟
4- ولو عملته بره التوكيل هل ضفيرة الكهربا بس هتخرج من الضمان؟ وايه اللى هاخسره لو ضفيرة الكهربا خرجت من الضمان؟

معلش انا عارف ان الموضوع اتهري فيه كلام كتير هنا على المنتدي بس انا تهت بصراحة ومش لاقي غيركم ينورني ويفيدني..
وجزاكم الله خيراً

والله الموفق

**midon1** · 10-03-2014 04:58 PM

زي حالاتك بالظبط

**lada2105** · 10-03-2014 05:23 PM

انا كمان متابع باهتمام .. ياسلام بقى لو عملنا ثوره على التوكيل بالمثل كل ماركات السيارات اصحابها بتركب اللى على مزاجها بدون ما تخرج السياره من الضمان

**adel_edrees** · 10-03-2014 07:22 PM

التوكيل ما بيركبوش ألا الأنذار اللى ب 999 أنا خاولت معاهم أركب سنسور بارك نظرا لطبيعة الجراج اللى أنا بأركن فيه لكن تملصوا تماما كل مرة أنا كلمت واحد هناك قاللى هما ما بيدققوش على موضوع خروج الضفيرة من الضمان لو كان التركيب نضيف فعلا باقى أننا ندور على مكان كويس نركب فيه السنسور بارك , انا كان ليا موضوع عن السنسور بارك الألكتروماجنتيك اللى بدون تخريم في الأكصدام

**RamezAhmed** · 11-03-2014 12:22 PM

فى مكالمه سابقه مع التوكيل سألت على السنسور بارك وعرفت انهم بيركبوه ب 500 جنيه.

**mkaram84** · 11-03-2014 12:50 PM

المشاركة الأصلية كتبت بواسطة ramezahmed

فى مكالمه سابقه مع التوكيل سألت على السنسور بارك وعرفت انهم بيركبوه ب 500 جنيه.

مشكور ياباشا على الرد - بس المكاملة دي كانت من وقت قريب ولا بعيد؟
انا هحاول اتصل تاني على التوكيل وربنا ييسر الامور

والله الموفق

**mkaram84** · 13-03-2014 12:26 PM

انا اتصلت على التوكيل وخدمة العملاء حولوني لقطع الغيار فسألتهم عن الانذار والسنسور بارك
قاللى ان السنسور بارك موجود في أبو رواش وسعره بالضريبة 402 غير التركيب
والانذار مش عنده ومش بيركبه..

فانا بدأت أفكر جدياً انفض للتوكيل واشوف مركز محترم يعمله - ومعرفش الا سبير كار
هل في حد يعرف اى مركز محترم تاني ممكن يركبلي الاتنين دول من غير لعب في الضفيرة؟
ومعلش هسأل تاني: ايه اللى هاخسره لو ضفيرة الكهربا خرجت من الضمان؟

وجزاكم الله خيراً
والله الموفق

**adel_edrees** · 13-03-2014 08:49 PM

على فكرة يا جماعة أنا ما ركبتش أنذار أنا سألت على تمنه فقط دى حاجة الحاجة التانية أنا كلمت النهارده التوكيل البنت بتاعة الكول سنتر قالت لى أنهم حيتصلوا بيا يشوفوا أنا عايز أيه و طبعا اليوم عدى و ما حدش أتصل بيا